Bermeo

Uda ate joka den honetan, Bermeo eta bermeotarrak arraun munduan murgilduko gara beste behin. Oraingoan Jon Salsamendik zuzenduko du bermeotarron etorkizuna, eta ziur gaude, iaz bezala, aurten ere denboraldi aparta egingo dutela gure arraunlariek. Bermeoko blog honetan gure herriarekin zer ikusia duen oroa biltzea gustoko dugunez, Urdainairen 2013ko egutegia ekarri dugu gaurkoan gurera. Hasi hitzorduak zuen agendan gorriz markatzen!:-)

Urdaibai: 2013ko egutegia

2013ko Urdaibairen egutegia. Argazkia: ligasanmiguel.com

Eta eguna algaraka amaitzeko, gure arraunlariak gertutik ezagutu dituen bikote mundialarekin uzten zaituztegu. Atsuak, Udaibaiko arraunlariekin:

Share on Facebook

Bermeon ondo pasatzeko eta jai giroan gozatzeko helburuz, hirugarrenez aterako gara bermeotarrak kalera maiatzaren 11ko Erromeidxen. Aurreko urteetan egin zen moduan, aurtengoan ere, herriko alde zaharra izango da euskal dantza eta musika erakustaldien eszenatoki nagusia. Ezagutu nahi duzu zein izango den aurtengo egitaraua?

Kankinkabara txistu taldea. Bermeoko Erromeidxe.

Maiatzak 11, ERROMEIDXE – EGITARAUA

11:00etan Bermeoko antzinako bost ateetatik irtenda KALEJIRA, jai giroan

Goiko Plazan soka-tira eta kantak egongo diren artean

SANJUANPORTALE: Musika eskolako trikitilariak + Haitz Nagusije Sanjuan Portalean hasi.

BEHIPORTALE: Txalapartariak + Bermeoko Abesbatza. Nekazari kalearen hasieran zegoen atea (Arresi kalearekin bat egiten denean)

SANTABARBARAPORTALE: Alkartasuna Dantza Taldea + Erraldoien Konpartsa. Nardiz Tar Jon Kalearen hasieran zegoen atea (Arresi kalearekin bat egiten denean)

ERREMEDIOPORTALE: Joseba eta Lander Trikitilariak, Zantzue kultur elkartea eta Irrintzilariak Erremedio kale hasieran zegoen atea. Fielato Enparantzan hasi

ERRENTERIAPORTALE: Kankinkabara eta Euskeraz Berbetan. Gaur eguneko Ibarluzea tar Kosme (Mokoneko Aldatsa) kalearen hasieran zegoen atea. Handik hasi kalejirea

12:00etatik 13:30ak arte dantza poteoa alde zaharretik zehar. Ondoren, Goiko plazan dantza eta kanta batzuk egingo dira eguerdiko 14:00ak arte.

12:00ak arte Arostegitik behera kalejira izango da Kofradia berrira.

15:30ean bazkaria. Tiketak salgai egongo dira Kultur Etxean apirilaren 29an, 30ean, eta maiatzaren 2an eta 3an, 19:30etik 21:00etara. Prezioa: 25€. Bazkaria Katering bidez prestatuta egongo da 500 lagunentzat.

19:00etan Dantzaldia Kofradian gau aldera arte.

* Jaialdi – Euskal Jantziakekoek emandako euskal jantziaren zozketa egingo da egunean zehar.

Hala ere, hirugarren urte honetan, sutearen ondorioz prestatuta zuten egitaraua aldatu behar izan dute, kaltetuekin elkartasuna erakutsi nahi izan dutelako. Horrela, gastuak zeroan utzi dituzte diru sarrera guztiak eurei bideratzeko. Hala nola, euskal musika tresnen erakusketa eta hitzaldia bertan behera utzi dituzte. Horiek datorren urtean ikusi ahal izango dituzue…

Kankinkabara txistu taldea. Bermeoko Erromeidxe.

Baserritar edo arrantzale jantzita… maiatzaren 11n denok Erromeidxera!

Animatu zaitezte eta egun horretako zuon argazkiak bidali eta Bermeok Facebooken duen orrira igo argazkiak!

Share on Facebook

1912ko abuztuaren 12a: Iltzatuta du data Bermeok. Zorigaiztoko galerna batek herriko 143 arrantzale hil zituen. Asteburu honetan beteko dira 100 urte gertakari malapartatu hura izan zenetik. Bermeoko Udalak, hainbat enpresak eta erakundek babestuta, egitarau berezia prestatu du:

Bermeoko galernaren mendeurren ekitaldiak iragartzeko kartela, Bermeoko Udalaren eskutik.

ABUZTUAK 10, BARIKUA

12:30 1912ko galarrenean hil zirenei omenaldia eta lore eskaintza Portuzarrean, “Azken olatu azken arnasa” eskulturearen inguruan.

19:00 Hitzaldia Arrantzaleen Museoan: Santa Klara gaueko galarrena Hizlariak: Juan Antonio Apraiz eta Aingeru Astui

ABUZTUAK 11, ZAPATUA

13:30 /arratsaldean zehar Itsasontzi tradizionalen topaketa, eta maniobrak portuan

19:00 “Bermeo 1912” laburmetraiaren aurkezpena, Nestor Basterretxea Aretoan. H-Faktory-dxe Literatura eta Arte bandearen eskutik, Alberto Bilbaok zuzenduta eta Alber Santanaren hitzaldia

20:30 “Bermeo 1912” laburmetraia, Nestor Basterretxea Aretoan. H-Faktory-dxe Literatura eta Arte bandearen eskutik, Alberto Bilbaok zuzenduta.

21:30ean: “Autopoetika” artea itsasoan. Cuantics Creative Lab eta Arteklab-en eskutik PEVASAk babestuta.

22:00 “1912ko Galarrena” herri antzerki musikala, edur-fabrikearen zabalean. Zuzendaritza: Carlos Panera. Partehartzaileak: herritarrak.

Oharra: herriko balkoietan izara zuriak krespoi baltzagaz jarri.

ABUZTUAK 12, DOMEKEA

12:00 1912ko Galarrenean galdu zirenen aldeko Oroimen-Mezea, Santa Maria eleizan. Bermeoko Abesbatza eta Jose Ramon Rodriguez Vadillo organo-jotzailea

13:00 Itsasontzi tradizionalak portuan

19:00 “Galerna, ekaitza ezezaguna” dokumentalaren aurrerapena, Nestor Basterretxea aretoan

20:00 Bermeoko Txistulariak, portuzarran

21:30 “Autopoetika” artea itsasoan. Cuantics Creative Lab eta Arteklab-en eskutik PEVASAk babestuta

21:30 Itsas-prozesino isila, ronpeolasetik Bokalera. Amaieran, AGUR JAUNAK abestuko da

Oharrak: herriko balkoietan izara zuriak krespoi baltzagaz jarri eta sasoiko jantziekaz kalera urten.

Share on Facebook

Bermeotar guztiok ezagutzen dugu Gaztelugatxe: Bizkaia eta Euskal Herriko kostako tokirik ederrenetariko bat, ederrena ez bada!!! Halere, batzuetan kanpoko batek galdera bat egiten digunean (historiari buruz, ohiturei buruz…) lotsatuta geratzen gara erantzuteko orduan… Noiz eraiki zuten baseliza? Zer esan nahi du ‘Gaztelugatxe’ izenak? Beti gaur bezalako toki lasaia izan al da ? Hori dena jakiteko ikerketatxoa egin dugu … eta gauza polit batzuk topatu ditugu!! Eta bide batez… leku eder honen argazkiak berreskuratzeko aprobetxatu dugu:

Gaztelugatxeko Doniene / San joan. Argazkia: Jose Luis Ajuriaguerra

Ba al zenekien esan nahi duen ‘Gaztelugatxe’ izenak?

Bi hipotesi daude. Lehenaren arabera, izena ‘gaztelu’ eta ‘aitz’ erroez osatua egongo litzateke. Gaztelugatxe arrokaren gainean dagoen gaztelua litzateke, beraz.

Bigarren hipotesiak, ordea, ‘gatxe’ hitza ‘gaitz’ hitzarekin hurbiltzen du (gaitz, gaizto, gaizki…gatxe). Gaztelu gaitza, latza, litzateke ‘gaztelugatxe’ izenaren esanahia. Bertara nekez iristen zirelako?

Zuk baduzu beste hipotesirik?

Ba al zenekien filmak grabatu zirela Gaztelugatxen?

“La Noche de..” (ETB2ko saioa, gazteleraz)  gure irlan grabatutako film baten berri eman ziguten: “El casto varón español” espainiarra, 1973 urtekoa. Ikusi al duzue filma?

Ba al zenekien baselizak 10 mende dauzkala?

Kondairak dio tenplarioek sortu zutela X. mendean. 1.000 urtez, hainbat jabe izan zuen. Eraso batzuk ere jasan zituen. XVI. mendean esate baterako, kortsario batzuek baseliza eraso eta bertan bizi zen ermitaua hil egin zuten. 1978. urtean baselizari su eman zioten. Baseliza suntsiturik geratu zen, baina 1980. urtean berritu egin zuten.

Ba al zenekien bertan Bizkaitarrek Gaztelako erregeri aurre egin ziotela?

Kostaldea menperatzeko toki estrategikoa da Gaztelugatxe. XIV. mendean Bizkaiko zaldunek bertan aurre egin zioten Gaztelako Alfonso XIari. Juan Nuñez de Lara Bizkaiko Jaunak eta Juan de Mendoza eta Martin de Arostegi bermeotarrek hilabete oso batez kontra egin zioten eta azkenean, erregeak atzera egin behar izan zuen.

Gaztelugatxeko baseliza. Argazkia: Manuel Marques

Ba al zenekien San Juan bera egon ‘omen’ zela bertan?

Legendak dioenaren arabera, Euskal Herrira iristean, Bermeon jaitsi zen Doniene edo San Joan. Bermeotik Gaztelugatxera hiruzpalau pauso bakarrik (izatez, 231  eskilara ditu) emanez heldu zen, eta pauso bakoitzaren tokian aztarnak utzi zituen. Azkenekoa Gaztelugatxen ikus daiteke.

Eta hauek bazenekizkiten?

Bermeoko ontziak itsasora irteterakoan, itzuli batzuk egiten dituzte ababor eta istribor arrokaren inguruan, zortea izateko.

Diotenez, santuak ugalkortasun arazoak dituzten emakumeak lagun ditzake.

Batzuen ustez, Donieneren delako aztarnek zenbait gaitz senda ditzakete.

Bukatzeko, topatu dugun bideo ederra eskaini nahi dizuegu, aireetatik filmatutakoa. Eta zuek ba al duzue toki zoragarri horren argazki edo bideorik? Beharbada beste anekdota batzuk ezagutzen dituzue, aipatu ez ditugunak… Horrela bada, dudarik ez! Konta iezazkiguzue blog honetan edota Bermeoko Facebook orrialdean!

Share on Facebook

Aurreko batean ‘Bermeoko berbakiaren’ berezitasun eta berba ohargarri batzuk aipatu genizkizuen. Okasiñue edo folloie danean botatzen direnak hain zuzen. Umeei irakatsi behar ez zaizkienak! Umeek ordea, euren hizkera daukate, hizkuntza guztietan eta gurean ere!!

Aurrekoan bezala, Joseba Mikel Ugalderen Ai gure Bermio – Esakerak eta izakerak liburua erabili dugu zerrendatxo hau osatzeko. Baina ziur gaude zuek beste hainbeste ezagutzen dituzuela! Orduan dudarik ez!! Postaren bukaeran edo Facebooken utzi iruzkin bat zure bermioko txetxe berbarekin!

Bermeon berba asko ditugu umeei esateko. Argazkia: Isidro Tapia

Zeri esaten zaio… ?

Mañek: negarrari

Misina: katuari

Kakati popa kaka edo kaka usin: kaka egin duenari

Txiseti-txilino kaka edo txise usin: txisa egin duenari

Txetxe/Txetxita/Txetxito: beste umeei

Tan-Tan: kalera irtetzeari

Zuen txanda orain! Laga txetxito garaiko berbakiek!

Eta beste galdera bat zuentzako: Nola deitzen zizuen amak txikitan?

Neure ondasune? Neure masustie? Txirloratsue? Edo: Ama perrien imie?

Share on Facebook

Maiatzaren 18tik 20ra ospatuko da Arrain Azoka Bermeon, ostiraletik igandera arte. Aurtengo edizioak 1912ko galerna gogoratuko du ‘Galerna 1912-2012’ izenburuarekin. Bertan 141 arrantzale euskaldun hil ziren eta horiek omentzeko asmoa du Bermeoko Udalak.

Kontserba-industriak izango du protagonismo handia azoka horretan zabalduko diren 25 erakustokietan. Egunero zabalik egongo dira 11.00etatik 15.00etara eta 16.30etatik 21.00etara, igandean izan ezik, egun horretan arratsaldez ez baita zabalduko. Horrez gain, hitzaldiak eta erakusketa ugari antolatu dira.

Azokaz gain, hainbat gertakarik biziaraziko du Bermeo egun horietan. Hementxe daukazue egitaraua:

Bermeoko arrain azoka 2012 | kartela

Barikua, hileak 18:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan. 11:00etan eta 18:00etan,  dohainik).
• Jantoki-Karpa (12:00, 17:00, 19:00 – 22:30).
• Arrain salmentaren itxurak Kofradia Zaharrean (11:30, 13:00, 18:00, 19:00) .

Ekintzak:

12:30ean: Arrain Azokari harrera, aurreskua eta hasiera ofiziala Lameran

13:30 Hegaluze Saria

17:30 Fanfarrea Lameran eta Portu Zaharrean

20:00: Alkartasuna Dantza Taldea Lameran eta Portu Zaharrean

Zapatua, hileak 19:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan, 11:00etan eta 18:00etan, dohainik).
• Jantoki-Karpa (12:00, 17:00, 19:00 – 22:30).
• Arrain salmentaren itxurak Kofradia Zaharrean (11:30, 13:00, 18:00, 19:00)

Ekintzak:

12:00 Danborrada Lamera, Gaztelu eta Portu Zaharretik

12:00 Txistulariak Lameratik eta Portu Zaharretik

12:30 Musika Eskolako trikitilariak eta panderistak, txistulariak eta haize taldea  Lameran eta Portu Zaharrean

13:00 Pintxo Lehiaketaren sari banaketa Kioskoan

19:00 Musika Lameran eta Portu Zaharrean

22:00 Habanerak frontoian

Domeka, hileak 20:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan, 11:00etan, dohainik).
• Jantoki-Karpa (12:00 – 17:00).
• Arrain salmentaren itxurak Kofradia Zaharrean (11:30 – 13:00).

Ekintzak:

11:00 Umeen marrazki lehiaketea

11:00 Pilota partidak frontoian

12:30 Erraldoiak eta gaiteroak Lameran eta Portu Zaharrean

14:30 Marrazki lehiaketearen sari banaketa umeen karpan

Giro ona izango da Bermeon datorren asteburuan! Adin guztiek ederto pasatzeko aukera izango duzue bertan! Musika, pintxo, hitzaldi… Animatu joaten eta gero konta iezaguzue!

Share on Facebook

Bermeo euritsu esnatu zen pasadan larunbatean. Hala ere, umore ona gosaldu zuten bermeotarrek apirilaren 21ean eta baserritar zein arrantzale jantzita irten ziren herritar asko Erromeidxe egunaz gozatzera.

Aurtengoa Bermeoko Erromeidxe jaiaren bigarren edizioa izan da. Kankinkabara Txistu Taldetik helarazi digutenez, oraindik ere talde guztiak balorazio orokorra egiteko batu ez badira ere, eguna zinez arrakastatsua izan zen. Hona Erromeidxe 2012ko argazkiak:

Erromeidxe 2012 erraldoiekin dantzan ARGAZKIA: Aritz Arrizabalaga

Erromeidxe 2012 eskutik helduta zahar eta gazte ARGAZKIA: Aritz Arrizabalaga

Erromeidxe 2012 bermeoko andrak taldian ARGAZKIA: Aritz Arrizabalaga

Erromeidxe 2012 kantuan ARGAZKIA: Aritz Arrizabalaga

Erromeidxe 2012 trikitilariak ARGAZKIA: Kankinkabara Txistu Taldea

Erromeidxe 2012 kalejira ARGAZKIA: Kankinkabara Txistu Taldea

Erromeidxe 2012 dantzan ARGAZKIA: Kankinkabara Txistu Taldea

Erromeidxe 2012 agarrauen dantzan ARGAZKIA: Kankinkabara Txistu Taldea

Erromeidxe 2012 sueltuan dantzan ARGAZKIA: Kankinkabara Txistu Taldea

Erromeidxe 2012 bazkaria frontoia ARGAZKIA: Kankinkabara Txistu Taldea

Erromeidxe 2012 triki eta pandero ARGAZKIA: Kankinkabara Txistu Taldea

Erromeidxe 2012 txistulariak oholtzan ARGAZKIA: Kankinkabara Txistu Taldea

Kankinkaratik oso balorazio positiboa egin dute eta datorren urteko Erromeidxerako erronka berriak aipatu dituzte: talde gehiago inplikatzea, aktibitate gehiago prestatu, herri bazkarirako lagun gehiagorentzako leku aproposa antolatzea…

Gustora geratzeaz gain, herritarrek jaia era parte hartzailean gozatu dutela azpimarratu dute; eta ez da gutxiagorako izan, hona datuak:

Goizean euria izan arren bisitari alde-zaharretik ibili ziren musika jotzen, kantatzen eta dantzatzen.

Jende asko hurbildu zen baserritar edo arrantzale jantzita eta denak ondo pasatzeko prest.

Bazkaria eta dantzaldia ere oso giro onean eta kopuruei dagokienez, 405 lagun bazkaltzen eta beste 300 lagun momentu diferentetan.

Erakusketa antolatzen, muntatzen eta zaintzen  50 lagunetik gora ibili ziren eta bertatik 800 bisitari pasatu ziren.

Ane Albisuren hitzaldi-tailerrak 75 parte-hartzaile izan zituen.

Zozketako tiketak berehala saldu ziren, balantze ekonomikoa nahiko orekatua izan da beraz.

Erromeidxeko muntatze eta desmuntatze lanetan, taldetako kideez gain hainbat herritarrek ere hartu zuten parte.

Datorren urtean ere aurten beste goza dezazuela! Aupa Bermeo, bejondeizuela!

Share on Facebook

Bermeo aurten ere oreztaz betekoa da Apirileko Ferian. Sebilla urruntxo geratzen den arren, urtero legez, Bermeoko Txo Sevilla elkarteak antolatuta asteburu ederra izango da apirileko azkena Sollube inguruan. Bertan atonduko dute karpa eta umore ona izango da nagusi beste behin.

Eguneko egitaraua dakarkizugu jarraian. Eta… zuk nola bizi duzu Bermeoko Apirileko Feria?

Apirileko feria bermeon, denak soineko luzez ARGAZKIA: fotolog.com/abuelo_rebelde

Apirileko Feria 2012 – Egitaraua

Apirilak 28, larunbata

12:30 >  Txupinazoa, pregoia eta karpea edegitea Cannon Erretegian (Sollube). Sevillana eta Ohorezko aurreskua agintarientzako

13:00 > Bertaratzen diranentzako ‘Vinito Andaluz’. Jarraian, runbak, sevillanak… dantzatzeko

15:00 > Bazkaria

16:30 > Puzgarriak umeentzako

18:00 > Sokamuturra

18:30 > ‘Txo Sevilla’ eta talde gonbidatuen ekitaldiak. Ondoren, ‘Romero y Dama de Honor’ eta ‘Premio Naranja y Limon’ sariak banatuko dira

20:00etatik aurrera > Dantzaldia

*Egun guztian zehar, Calesa eta zaldiak Cannon aurreko zelaietan (eguraldiaren arabera)

Apirilak 29, igandea

12:30 > ‘Misa Rociera’

13:30 > Gazpatxo txapelketa

18:00 > Dantza txapelketa

18:30 > Talde gonbidatuaren ekitaldia

*Egun guztian zehar, Calesa eta zaldiak Cannon aurreko zelaietan (eguraldiaren arabera)

Share on Facebook

Bermeo esakera eta izakera propioko herria da eta harro-harro gaude halantxe izatiaz! Baina gure esaera horiek, etorkizuneko gure gazteek ere erabiliko ote dituzte? Herriko euskal berben transmisioak iraun dezan horien ezagutza eta erabilera dira garrantzitsuak; horrexegatik, gaurkoan herriko esaera berezi batzuekin gatoz zuengana.

Joseba Mikel Ugalderen 'Ai gure Bermio' liburuaren azala

Joseba Mikel Ugalderen Ai gure Bermio – Esakerak eta izakerak liburua hartu dugu ardatz, baina zuen ekarpenak jasotzeko irrikaz gaude. Postaren amaieran utzi zuen iruzkina edo Bermeoko Facebookeko orrian. Josebak biltze lan ederra egin zuen libururako baina… agian, leiho ireki honetan, berbakera edo esakera berriren bat aterako dugu

Gaurkoan… Okasiñue!

Okasiñue, folloie edo pellikadie tartean danean botatzen direnak:

Urrun da fitx, betiko ta betiko

Siñuke ibili zara eta begikúnie jarrita

Barreketa gitxi e!

Betondué ipinite hasarre-hasarre

Kaka eitzen tsat

Ama txitxie!

Bermeotarrok, zuen txanda orain, herriak berba ein dezala. Hemen batu barik lagatako zer esakera erabiltzen dozuz okasiñue danien?

Share on Facebook

XIII. mendearen hasieran sortutako Bermeo tradizio luzeko arrantza herria da. Ia 800 urte pasa dira ordudanik, baina hala ere, euskal usadio batzuk bizirik diraute oraindik. Eta nola… bermeotarrek portu aldeko saregileen abileziaz josi dituzte usadioak aro garaikideko oihalera.

Ondo pasatzeko eta jai giroan gozatzeko helburuz, euskaldunon plaza izan ohi zen erromeria berreskuratu dute aurten bigarrengoz. Musika eta dantza aterako dituzte kalera apirilaren 21eko Erromeidxen.

Erromeidxe dantzaldia 2011 Bermeoko Kafe Antzokian ARGAZKIA: Aritz Arrizabalaga

Apirilak 21 ERROMEIDXE – EGITARAUA

12:30etan Bermeoko antzinako bost ateetatik irtenda KALEJIRA jai giroan

SANJUANPORTALE : Sanjuan Portaletik Izaro Abesbatza eta Bermeotarrak Fanfarrearekin kalejira

BEHIPORTALE : Nekazari kalearen hasieran zegoen atetik Musika eskolako trikitilariekin kalejira

SANTABARBARAPORTALE : Nardiz Tar Jon Kalearen hasieran zegoen atetik Alkartasuna Dantza Taldea eta Erraldoien Konpartsarekin kalejira

ERREMEDIOPORTALE : Erremedio kale hasieran zegoen atea, beraz, Fielato Enparantzan hasita Joseba eta Andoni trikitilariekin kalejira

ERRENTERIAPORTALE :  Ibarluzeatar Kosme kale hasieran zegoen atea, handik hasita Kankinkabara Txistu Taldearekin kalejira

14:00etan Talde guztiak Goiko plazan elkartuko dira. Bertan dantza batzuk egingo dira Arostegitik behera elkarrekin abiatu baino lehen. Portutik eta Gaztelutik jarraituko du kalejirak.

15:30etan Bazkaria frontoian. Tiketak eskuratzeko: martxoaren 22an eta 23an, arratsaldeko zazpietatik bederatzietara bitartean Kultur Etxean. Prezioa: 20€

Arratsaldean… Bazkalosteko Kantak eta dantzaldia gau aldera arte

* Jaialdi – Euskal Jantziakekoek emandako euskal jantziaren zozketa egingo da egunean zehar.

Eguna heldu bitartean eta giroa prestatzeko asmoz, erakusketa eta hitzaldia ere antolatu dituzte:

Euskal Jantzien erakusketa : Bermeoko Irrintzilariak taldearen eskutik, partikularren eta Alkartasuna Dantza taldearen erropak izango dira ikusgai. Martxoaren 20tik apirilaren 1era, Nestor Basterretxea aretoan, 19:00-21:00h.

Hitzaldi-tailerra : Euskeraz Berbetan taldearen eskutik, Ane Albisuk, Gure jantzi eta janzkerak azken 100 urteotan: Atontzearen garrantzia hitzaldia eskainiko du. Martxoaren 21ean, Nestor Basterretxea aretoan, 19:00h.

Zahar eta gazte dantzan Bermeoko Erromeidxe 2011an ARGAZKIA: Aritz Arrizabalaga

Lehen Erromeidxe Kafe Antzokian

Kankinkabara Txistu Taldeak eta Alkartasuna dantza taldeak abiatu zuten iaz, lehenengo Erromeidxe. Bermeoko Kafe Antzokian izan zen dantzaldia eta 200 lagun inguru batu ziren bertan dantzarako prest. Oholtza gainean Musika Eskolako trikitilariak, Bermeoko Gaiteruak eta Kankinkabara Txistu Taldea aritu ziren, 40 bat lagun orotara. Gustora asko igaro zuten arratsaldea bertaratutakoek eta etorkizunean, jai handiagoa osatzeko gogoa adierazi zieten askok antolatzaileei. Nahi horri erantzuteko asmoz, aurten, Bermeon erroldatuta dauden Kultur talde guztiei luzatu zitzaien parte hartzeko deia eta ondorioz, herriko hamabi taldek elkarlanean antolatu dituzte egun osoko jaialdia zein ekimen osagarriak. Antolatzaileak: Haitz nagusije, Bermeoko irrintzilariak, Alkartasuna dantza taldea, Erraldoien konpartsa eta gaiteroak, Euskeraz berbetan, Erdu txo! Gazte asanblada, Izaro abesbatza, Bermeotarrak fanfarrea, Bermeoko abesbatza, Musika eskolako trikitilariak, Joseba eta andoni trikitilariak, Kankinkabara txistu taldea, Zantzue kultur elkartea, Erroxape elkartea. Halaber, Erromeidxe osatzeko, Jaialdi – Euskal Jantziak eta Bermeoko Udalaren laguntza ere izan dute.

Honenbestez, badakizue, erakusketan ideiak hartu, hitzaldi tailerrean zapia eta jantzia atontzen ikasi eta baserritar edo arrantzale jantzita… apirilaren 21ean denok Erromeidxera!

Share on Facebook