Bermeo

Bermeok alkate berria du larunbatetik eta, hori dela eta, askok Idurre Bideguren zoriondu nahi izan dute. Izan ere, udal hauteskundeen emaitzen ondotik, udalbatza osatu zen larunbatean eta agindu genizuen bezala, adi jarraitu genuen osoko bilkuran gertatutakoak.

Eguerdian zen zita, eta oso luze itxaron gabe etorri zen albistea: Idurre Bideguren (Bildu) da Bermeoko alkate berria. Bideguren herriko lehen emakumezko alkatea izango da.

Bermeoko jendeak ongietorria eman nahi izan zion Bidegureni ATSEGIN DUTeri emanez: 11 lagunek egin zuten horrela gure orrialdean. Gerora etorri ziren zorion mezuak, Isidoro Arrizabalagarenak edo Iratxe Portuondorenak, besteak beste.

Patxi Xabier Kareagak, bestalde, alkate berriaren argazki bat utzi zigun horman, balkoira agurtzera atera zenekoa:

Idurre Bideguren udaletxeko balkoian, alkate izendatu ostean.

Beste bi argazki hauetan Bildu Bermeoko zinegotziek udaletxeko balkoian presoen aldeko bandera jarri zutenekoak dira:

Presoen bandera ipintzen. Patxi Xabier Kareagak bidalitako beste argazki bat

Patxik bidalitako beste argazkia.

Horrela bukatuko dugu larunbateko osoko bilkuraren inguruan prestatu dugun laburpen berezi hau: laster bueltatuko gara blog honetara, udalaren osaketaren ingurukoak ez diren gaiak errepasatzeko. Eskerrik asko zuen partehartzeagatik!

Share on Facebook

Idurre Bideguren (Bildu) izango da Bermeoko alkatea datozen 4 urteotan, 2011ko udal hauteskundeetan boto gehien lortu duen hautagaitza izan baita berea. Bermeoko udala osatzeko osoko bilkura gaur egin da, eta ez da inolako ezustekorik gertatu. Hala, udal gobernua Bilduri dagozkion 9 zinegotziekin osatu da, maiatzaren 22ko hauteskundeetan botoen %47.82 lortu baitzuen.

Bermeoko udal hauteskundeen emaitzen arabera, EAJk (8 zinegotzi) izango ditu eta oposizioan egongo da, beraz, orain arte alkate izan denak, Xabier Legarretak (EAJ), bere kargua utziko du.

Idurre Bideguren EAko zerrendetako hautagaia izan da 2011ko udal hauteskundeetan, aurreko legealdietan “oso lan ona” egin zuelako, bere alderdiaren esanetan. 31 urte ditu eta Ekonomian lizentziatua da Bideguren, eta gaur arte, Bermeoko Udaleko Ongizate, Pertsonal eta Komertzio gaietarako zinegotzia izan da. DEMA Enpresa Garapena erakunde publikoan enpresak sortzeko aholkulari lanetan jarduten du. Bermeoko lehen emakumezko alkatea izango da Idurre Bideguren.

Hau duzue Bermeoko udalak datozen lau urtetarako izango duen itxura. Hala ere, ohi legez, blog honetan eta baita Facebookeko orrialdean ere, kontu hau edota gure herriari dagozkion bestelako gaien inguruan jasotzen diren guztiak arretaz jarraituko ditugu.

Share on Facebook

Bermeotarra da aurtengo ‘Bizkaiko Mister Gay’a, Jorge Jimenez da bera eta gure komunitateko orrialdean ere horrela jaso dugu.

Asteon, Beñat Mendietak honako oharra utzi zigun Bermeoko horman: ‘Bermeotarrak….benetan guapoak!!! Jorge Jimenez mister gay Bizkaia!!!’ Jorge Jimenez, 27 urteko bermeotarra da eta berak dioenez, emakume artean oso eroso sentitzen da. Lagun batengatik izango ez balitz ez luke par hartuko, baina lagun duen emakume bati eman beharko dio baita eskerrak ere. Hemen duzu aipatu berri duguna albistea eta Jorge Jimenezi egindako elkarrizketa.

Gure komunitatea beti ari da, Bermeoko kontu ahalik eta polit eta interesgarrienak bilatzen eta aste honetan bertan, oso kontu ederra ekarri du. Bermeora etorri nahi dutenentzat beste arrazoi eder bat baitago, Donejakue bidea ere hemendik igarotzen baitzen. Oso kontu gustukoa izan da baita gure erabiltzaileen artean, eta tartean. Aingeru Astuiren komentarioa ekarri dugu gurera: ‘Donejakue bidea ez zan lehorretik bakarrik egiten, itsasotik be egiten zan eta… edo itsasotik zati bat eta lehorretik beste bat. Bermion desenbarka eta enbarka egiten ziran hainbat bidelari… bidea egiten ari dirala Bermion hilak be agertzen dira artxiboetan. Sasoia izan da.’ Hemendik, Aingeruri eskerrak eman nahi dizkiogu, eta gainerako guztiei, kontu honen ingurukoetaz gehiago jakiteko animuak bidali nahi dizkizuegu. Bertan uzten dizuegu gehiago irakurtzeko dokumentu interesgarria.

Bestelako kontuekin aurrera egingo dugu eta Mikel Larrubeltzak gure ekarritako dakargu hemen: ‘MIKEL OIHENART, el artista de Bermeo, ha publicado un nuevo trabajo de música etnosicofonica vasca‘ Mikel Larrubeltzak ere honako lotura utzi digu opari.

Zer entzun jaso dugunez, orain zer ikusi Juanvi Romanen irudiari esker hemen duzu. Berak Lurra-itsasoa-airea bataiatu du eta hemen Robert Jasonek gehitutakoa: ‘polit-polita da!! benetan…. ikuspegi harrigarria … asko gustatzen zait!!’

Bermeo. Argazkia: Juanvi Roman

Beñat Mendietak ostiralean, asteburuari begira jarri gintuen ondorengo mezuarekin: ‘gure herriko kulturistak ikusteko aukera Gernikan bihar Euskadiko Fitness Txapelketan‘ Bertan egoteko aukera izan bazenuen, zure iritzia jasotzea gustuko izango genuke, bitartean, hemen duzu ekitaldiaz hitz egiten zuen albistea.

Aste honetako errepasoarekin bukatzen joateko Aingeru Astuik idatzitakoa ekarri dugu: ‘mi amigo Ander Izagirre escribió el libro ‘Cuidadores de Mundos’ (ed. Altair), en el que me hacía merecedor de uno de esos títulos. El capítulo corresponde a la isla de Izaro, y es un compendio inmejorable sobre las leyendas y también las mentiras tenidas como históricas sobre esta isla.’ Gehiago jakiteko, hemen duzu esteka.

Laburpenari behar bezalako amaiera emateko, Aingeru Gaubeka Villotak gurean utzitako ‘Udeko Goizaldie‘ irudia ekarri dugu.

Bermeo. Argazkia: Aingeru Gaubeka

Badakizu, gure horman edota gure herriko blogean zurekin bat egiteko aukera mantenduko dugula.

Share on Facebook

Bermeoko Jon Pascua, Sudafrikako Mamelodi Sundwons taldeko atezainen entrenatzaile lanak bete ditu eta Bermeoko orrialdean jaso dugu albistea.

Patxi Xabier Kareaga Ruiz gure lagunak, Bermeoko orrialdean oso albiste polit eta hunkigarria utzi digu, izan ere, Jon Pascua bermeotarra, urtebete eman du Afrikan, eta Sudafrikako ligan parte hartzen aritu da. Mamelodi Sundowns futbol taldeko atezainen entrenatzailea izan da. Jon Pascua da bera, baina Melrose Arach auzoan, Johannesburgoko alderik eta dirudunenean Sweet Jon ezizenez ezagutzen dute. Hemen duzue Patxik utzitako albistearen lotura, bide batez etxera bueltan edota etxean ote dagoen ez dakigunez, zuk honetaz zerbait argitzen badiguzu asko eskertuko dizugu, gainera, besteak beste, Nagore Maeso Arrizabalagak albiste hau gustuko duela, edota atsegin duela esan du.

Bestalde, Mikel Monasteriok honako iruzkina utzi digu gure orrialdeko horman: ‘el artista Bermeano Mikel Oihenart, ha creado una marca de ropa deportiva vasca. Es pionero en este campo – CAMISETAS VASCAS Y PRENDAS DEPORTIVAS, – Honen inguruko informazio gehiago izateko, bertan duzu esteka.

Aste honetako laburpena bukatzeko, Juanvi Romanek oparitutako argazkiak izango ditugu ikusgai.

Bermeo. Argazkia: Juanvi Roman

Eskulturak agertzen direnekko argazkia Gotzon Markaida Urrestiri ere gustazen zaio, eta Arantza Asolo Monasteriok zera dio: ’super chula…y la foto dice mucho!!!!!!!!!!!’

Bermeo. Argazkia: Juanvi Roman

Bukatzeko, Bermeoko portua azaltzen den argazkia Jose Angel Bilbaori eta baita, Gotzon Markaida Urrestiri ere gustatzen zaie. Hementxe bukatzen da aste honetako laburpena, baina, badakizu, orrialdean bertan edota gure herriko blogean konektatuta jarraitu dezakezula.

Share on Facebook

Bermeoko jendeak, Bermeok Facebooken duen orrialdean, unean-unean jarraitu ahal izan zuen, igandean, hauteskunde gaua, hesian bertan baieztatu genuenez. 2011ko udal hauteskundeek Idurre Bideguren alkatetzan izango dugula esatera etorri dira, Bilduren zerrendan bera baitzegoen lehen tokian. Hortaz, Bilduk 2011ko udal hauteskundeak irabazi ditu Bermeon; gu, gure aldetik, oso pozik gaude, orrialdean egondako parte-hartzea nabarmena izan delako. Benetan, eskerrik asko guztioi. Mundialak zarete!

Ikusmina handia zen Bermeon igande, arratsaldean, hauteslekuak ixteko bi ordu inguru falta zirela; une horretan, eztabaida ireki genuen orrian, ‘porra’ batekin. Jakin nahi genuen zenbat zinegotzi aterako zituen, zuen ustez, alderdi bakoitzak, baina inor ez zen ausartu ‘kiniela’ betetzen. Jakina, ez da erraza asmatzea nola banatuko diren 17 zinegotzigo… Nagore Maeso Arrizabalaga eta Rocio Gpe ‘atsegin dut’ sakatu zuten. Azkenean, dakizuenez, Bilduk eta EAJk lortu dute ordezkaritza izatea Bermeoko Udal berrian; bakoitzak, 9, eta 8, zinegotzi izango dituzte.

Igandean, Bermeoko emaitzak ezagutu eta Bermeoko komunitateko horman jarri genituenean 19 lagun izan ziren ‘atsegin dut’ ari eman ziotenak; besteak beste; Izaskun Garmendia, Nagore Bilbao Telletxea, Laura Sagristà Vilà, Patxi Xabier Kareaga Ruiz, Leire Jorge Astiazaran, Karmelo Siguenza Kamba, Iker Astui Barrena eta Nadia Nemeh Shomaly.

Hemen amaituko dugu ‘biharamuna’k ekarri duena; laster, hementxe ikusiko dugu elkar, blog honetan, ostegunetik hona hauteskundeetatik kanpo orrialdean esan duzuenaren berri emateko asmoarekin… eta, jakina, edozein gairen inguruan hemendik aurrera kontatuko duzuena ere hor islatuko dugu. Eskerrik asko guztioi! Agur bero bat!

Share on Facebook

Idurre Bideguren Bermeoko Udalerako Bilduren hautagaia izan da bozkatuena 2011ko udal hauteskundeetan: 9 zinegotzi eta botoen ia %48 jasota. Emaitza honek 2007tik zegoela aldatu du, izan ere, orain arte nagusi zen alderdiak, EAJk, lehen postua galdu du, 8 ordezkari eta 3.972 boto erdietsita (%42). Aralar da hirugarren indar, ez luke, ordea, zinegotzirik eskuratuko. PSE eta PP ere esku hutsik joan dira.

13.605 lagunek dute botoa emateko eskubidea Bermeon. Abstentzioa %51koa izan da. Hala, botoen %100 zenbatuta, Bermeon udal haustekundeen emaitzek argazki hauxe utzi dute Bizkaiko herrian:

Bildu: 9 zinegotzi, 4489 boto.

EAJ: 8 zinegotzi, 3972 boto.

Aralar: 0 zinegotzi, 397 boto.

PSE: 0 zinegotzi, 273 boto.

PP: 0 zinegotzi, 145 boto.

Datuak alderatu nahi izatera, horra, baita ere, Bermeoko 2007ko udal hauteskundeen emaitzek utzitakoak.

Emaitzak mahai gainean daude, honenbestez. Ondorengo egunotan, honen kontura sor daitezkeen berri eta aldaketak adi-adi jarraituko ditugu guk, blog honetatik eta Facebookeko gure kontutik.

Share on Facebook

Maiatzaren 22an, Bermeon 2011ko udal hauteskundeak egingo diren egunean, Bermeoko hauteskunde emaitzak eskainiko dizkizuegu zuzenean, grafikoak barne. Horrez gain, 2007ko udal bozekin egindako alderatzeak ere izango ditugu. Ikusmin handia eragin du hauteskunde gauak, eta ziur gaude, giroa gori-gori egongo dela.

18:00etatik aurrera gertatzen den guztia jarraituko dugu Bermeoko blog honetatik eta Facebookeko orrialdetik: balizko emaitzekin egindako porrak, inkestek iragarritakoak eta… herriko udal hauteskundeen emaitzak. Betiko moduan, zuen iruzkin eta ekarpenen zain gaude; horiek ere, astelehenean propio egindako post batean bilduko ditugu eta.

Gaur bukatuko da hauteskunde kanpaina eta biharkoa gogoeta eguna dugu; bide batez, Bermeoko 2007ko udal hauteskundeen emaitzak uzten dizkizuegu.

Adi, hortaz, blog honetara eta komunitatearen orrialdera. Emaitzak jakin ahala, jakinarazten saiatuko gara eta, hala, Bermeoko alkatea nor izango den eta herriko mapa politikoa zelan geratuko den jakingo dugu.

Share on Facebook

Bermeoko bokarta azoka eta maiatzaren 22ko udal eta foru hauteskundeak ditugu aste honetako kontu nagusiak gure orrialdeko horman.

Aste honetako errepasoari ekiteko, herrian izan dugun azoka aipatu nahi dugu, horman horrela jarri genuen…‘Bermeon…azoka prest! Bokartak prest! eta zuek?’ Zuek ere zuen erantzunak eman zenituzten eta tartean honakoak jaso ditugu: Maite Ara: ‘pues que bueno, mi familia de Lekeitio me manda anchoas en aceite y me las mandan a Texas !que ricas aaaaaanchoas!!Lindo dia Bermeo’ Igor Garai Saguri: ‘nahiko nuke jakin zeitzuk Bermioko karteletan Bokartari buruz esan ordez euskaraz antxoari buruz jartzen dute… nonguek gara ba?’ Alex Campillo Felíu: ‘buf, cómo me alegro…además de gustarme’ Hemen duzu, azoka iragartzen zuen informazio guztia.

Bestalde, Ruth de Celisek honako mesedea eskatzen zigun: ‘Mesedez… Lana dela kausa datorren ekainaren azken asterako alokairu baten bila dabil nire auzokide Ana (heldu bi eta mutikoa).Baten batek zerbait egin ahal izanez gero,mesedez jarri hementxe datuak…Milesker, Bermeotar guztiei!!!’

Orain…leihoa ireki eta argazkiez gozatzeko txanda iritsi da.

Bermeo. Argazkia: Imanol Aragon

Beñat Mendietak eguraldiaren txokotik, atzo, maiatzaren 16a, Imanol Aragonek Bermeon harrapatutako irudi ikusgarria oparitu digu; asteari ondo ekiteko modua. Hala ere, paisaia gehiago ikusi nahi badituzu…hemen sakatu dezakezu.

Bermeo. Argazkia: Juanvi Roman

Argazkien txanda zabaldu dugun honetan…Juanvi Romanek Bermeoko Kasinotik ateratako argazkia ekarri nahi izan dugu. Gainera, gogoratu, Bermeoko blogeko irudi nagusia izango denaren bila gabiltzala eta akaso zuk bidalitako horrek ‘me gusta’ gehiago lortzen baditu aukeratua izan zaitezke.

Bermeo. Argazkia: Aingeru Gaubeka Villota

Bermeoko argazki gehiago ere izan ditugu aste honetan eta orain ikusten duguna Aingeru Gaubeka Villotarena da…ederra benetan.

Ezin, gaurko laburpena maiatzaren 22ko hauteskundeak aipatu gabe. Iragan astean, Udal Hauteskundeak Bermeon gaiaren inguruan idatzi genuenean, erantzuna ere jaso genuen..eta mezua, José Nufanena zen, berak, Sevillatik idazten zigun eta bera Bilduren aldeko komentarioa utzi zuen gurean, horretaz gainera, giza eskubidearen alde eta inperialismoaren kontrako berbak ere ekarri zituen gurera. Zuk ere, zure iritzia edota hauteskundeen inguruko hitzak dituzu barrenetik ateratzeko beharra…tira ba! Hemen duzu aukera.

Aste honetako laburpen honekin bukatzeko, bertan ditugun udal eta foru hauteskundeen aurrean, iragan astean egin genuen bezala, igande honetan, (maiatzak 22), eta baita astelehenean (maiatzak 23) ere ahalegin berezia egingo dugula esan nahi dugu. Zuekin eta parte hartu nahi duen guztiekin bat egingo dugu, eta hitzordu berezi hauetan itxarongo zaituztegu, ez faltatu.

Eskerrik asko eskainitako arretagatik eta baita horman erakusten duzuen laguntza guztiagatik ere. Ohi legez, hemen edota gure herriko blogean bat egingo dugu.

Share on Facebook

Maiatzaren 22an 2011eko udal hauteskundeak izango ditugu Bermeon. Kanpaina joan den ostiralean, apirilaren 29an, hasi zen, (baina azken asteotan gure orrialdeko hormara iristen ari diren iruzkin eta estekak ikusita, argi dago kontua askoz lehenago abiatu zela). Zalantza barik, bi asteotan ugaritu egingo dira hauteskundeen ingurukoak.

Honen aurrean, zera otu zaigu: Bermeok Facebooken duen jendearekin kanpaina bera eta hauteskunde gaua partekatzea; lehenengo aldia izango da Googlen ‘udal hauteskundeen emaitzak Bermeon’ bilatuta, blog hau edo Facebookeko orrialdea aterako zaiguna

Hori horrela, Bermeok Facebooken duen orrialdean kontatzen dituzuenez gain, hauteskunde gauean giroa berotzen ibiliko gara datuak gaurkotzen eta postak idazten. Are, emaitzak grafiko bidez eskaintzea ere pentsatu dugu… baina tira, ez dugu ezer aurreratuko!

Gau berezi hori zuokin partekatu nahi dugu Facebooken eta azkenean, Bermeoko alkatea nor izango den jakin: Xabier Legarreta Gabilondo (EAJ-PNV), Idurre Bideguren Gabantxo (Bildu), Alexander Latxaga Atxirika (Aralar), Juan Ramon Azkue Manterola (PSE-EE), Vicente Torres González (PP).

Blog honetan edota Bermeoko orrialdean ikusiko dugu elkar!

Share on Facebook

Bermeoko Alakrana atunontziaren bahiketa aspaldi gertatu bazen ere, orain ezagutu dugu sententzia eta aste honetako kontu nagusia da gure orrialdean.

Gure taldeak ere horrela ekarri zuen hormara, Alakranaren auziko sententziak 439 urteko zigor kartzela ezartzen du. Lerroburu honi ondoko galdera ere gehitu genion…Espainiako Gobernuak erreskatea ordaindu zuen? Orain zure erantzuna itxaroten dugun bitartean, bertan duzu albistearen esteka. Alakrana auziarekin jarraituko dugu, izan ere albisteak berritzen joan ahala guk ere gurean jarri genituen, hemen duzu azken albistea.

Auzitegi Nagusiak 439 urteko kartzela-zigorra ezarri die Somaliako piratei euskal atunontziaren bahiketagatik. Espainiako Gobernuak berehala gezurtatu du erreskatearen ordainketa. Albistea are gehiago jorratzeko aukera ere izan dugu asteon horregatik, hemen duzu jasotako azken bideoa.

Arrantza kontuekin jarraituko dugu, baina etorkizunera begira, Ane Goikoetxeak berak zera aipatu zuen gurean: ‘Nautika eta Arrantzako Lanbide Eskola Bermeon Itsamendikoirekin.’ Gehiago jakiteko ondorengo lotura ekarri dugu.

Asteburua igaro da eta ez dakigu Joseba Uriartek proposatzen zuen mendi irteeran parte hartu ote duzun edo ez, badaezpadan hemen duzu berak gurera ekarritako esteka. Akaso, hurrengo baterako.

Bermeoko horma kolorez betetzen duzuenok zuek zarete eta kasu honetan Orlando Imperatorek egindako irudiak dira eta benetan eskertzen ditugula, guk zuretzat ekarri dugu, ikusmenerako opari izan daitezen.

Bermeo. Argazkia: Orlando Imperatore

Bermeo. Argazkia: Orlando Imperatore

Bermeo. Argazkia: Orlando Imperatore

Bermeon, itsasoa, kresala eta arrantza maitatzeaz gain musika ere asko bizi da, eta horren lekuko da, Mikel Monasteriok gurera ekarritako komentarioa: ‘ ¡¡ SALGAI DAUDE, BILATU ETA ETORRI UZTAILAN 30 an FESTIBALERA !!’ Hemen uzten dugu gehiago jakiteko berak utzitako esteka.

Bukatzeko, Ruth de Celisek utzitako oharra utzi dugu, berak laguntza eskatzen du, etxea alokatu nahi du bi nagusi eta haur batentzat ekaineko azken astean bertan bizi ahal izateko, lana dela eta etxez aldatzeko eskaera betetzeko asmoz, gurera jo du laguntza bila. Beraz, hori eskaintzeko moduan dagoenik ezagutzen baduzu, Ruthek eskertuko duela uste dugu.

Besterik gabe, datorren astera arte agurtuko gara, hori bai, gogoan izan gure orrialdean edota gure herriko blogean topatuko garela.

Share on Facebook