Bermeo

Ginean desagertutako arrantzalea eta Bermeoko Arrantzaleen Museorako bisita gidatuak eta argazkiak dira aste honetako kontu nagusiak.

Iragan astetan zehar, Boli Kostan ezin etxera bueltatu dagoen Aitor Fernandez del Campo arrantzalea hizpide izan badugu ere, orain, Ginean desagertutako Bermeoko arrantzaleen inguruko albisteak jaso ditugu, hemen. Uzten dugu gehiago jakiteko esteka.  Bestela ere Ane Goikoetxea berak ere, berak non irakurri duena ere utzi digu horman bertan.

Bestelako kontuekin abiatuko gara, helduei eta baita Bizkaiko Emakume Taldeei zuzendutako ekimen berri bat ezagutu baitugu, Arrantzalearen Museoan bisita gidatuak eskainiko baitituzte eta horrek lagun asko erakarriko digu Bermeora. Bertan duzu albistearen lotura.

Ikusmenarentzat oparia diren irudiekin goaz orain, Urdaibai Aran Mundakak esaterako horrela dio: ‘beste argazki bat….Oingoan portuen….Nire aitaren moduko baporak, gero ta gitxiago, bera hainbeste urte diez ez dauela, baina ondino ilusinoa emoten dost halako baporak ikustean…’

Bermeo. Argazkia: Urdaibai aran mundaka

Ziortza Neskak ere bere erretratuak utzi ditu gure horman eta horietaz gozatzeko aukera eskaini nahi dizuegu orain.

Bermeo. Argazkia: Ziortza neska

Guk asko eskertzen ditugu, baina Josimar Machado Silvak ere argazkiak ederrak direla aipatu du gurean.

Irudi ederrekin jarraitzeko orain, Patxi Xabier Kareaga Ruizek Ogoñotik ateratakoa ekarri dugu.

Bermeo. Argazkia: Patxi Xabier Usabiaga

Bestalde, eta Madalenetan dotore joateko proposamenekin iritsi da Mikel Monasterio: ‘¡¡ Hau bai da bermioatarraren kamiseta bat!! ¡¡ Label Basko eta dena!!’ bere proposamena ezagutzeko hemen utziko dugu esteka, kamiseta zelakoa den ikusi nahi baduzu hau duzu aukera.

Orlando Imperatorek Sollube mendatetik egindako erretratua utzi digu horman eta guk zuek guztiokin partekatu nahi izan dugu.

Bermeo. Argazkia: Orlando Imperatore

Irudi eder hauekin itxi nahi dugu aste honetako laburpena, hori bai, horrelakoak jasotzen jarraitzeko prest gara, bide batez, eskerrak emateko ere aprobetxatuko dugu. Bermeoko orrialdean edota gure herriko blogean topo egiteko aukera duzula gogoratu.

Share on Facebook

Aitor Fernandez del Campo bere emazte eta semearekin Abiyanen dago, frantsesen basean dauden bakarrak dira. Bermeora iristeko gogoz gaude guztiok.

Aitor Fernandez del Campo, bermeoko arrantzalea Boli Kostara ezkontzera joan zenean, dena ondo zegoen, baina liskarrak eta erasoak hasi zirenean han harrapatu zuten eta atera ezinik dago. Errepasoa kronologikoki egitearren, Itxaso Apraizek iragan astean utzitakori helduko diogu: ‘oraindik Aitor ezin du Boli Kosta utzi bere semearen paper bat falta delako…hau amesgaiztoa…’ Benetan oso gogorra izaten ari dela, eta are gehiago paper faltagatik denean. Bertan duzu aipatutako albistearen esteka.

Eta Itxaso Apraizek gaur bertan zera aipatu du horman bertan: ‘oraindik Aitor Fernandez del Campo bere familiarekin gurean izateko itxaroten…’ Frantziako base batean daude, eta jada, frantziar guztiak beraien etxean dauden bitartean, Aitor eta familia hor jarraitzen dute atera ezinik. Berez, hegaldia, Frantziatik igaro barik, Espainiara zuzenean joango balitz orduan, seguru, etxean egongo zela baina…, hemen uzten dugu gehiago jakiteko lotura.

Korrika 17. Bermeo. Argazkia: Orlando Imperatore.

Dena albiste gogorrak ez direlako, Korrika 17 herritik igaro dela eta, Orlando Imperatorek utzitako argazkia ikusteko aprobetxatuko dugu. Esker mila horman utzitako guztiengatik, benetan eskertzekoa da zuk egindako lan guztia.

Bermeo. Argazkia: Mila Egiguren

Bestelako argazkiak ere jaso ditugu gurena, esate baterako, Beñat Mendietak oparitutakoa: ‘Bermeon atera zuen Mila Egigurenek argazki eder hau. Paisaia oso polita da, eguzkipean, gainera. Horrelako gehiago, hementxe. Eskerrik asko baita zuri ere Beñat.

Orain Izaro Talatik ikusita Orlando Imperatoreren argazkian.

Izaro Talatik. Argazkia: Orlando Imperatore

Azken irudia, Urdaibai Aran Mundakak utzitakoa da: ‘Bermeo, orain dala denboratsue, Bakio bidean nioala….’ Eskerrik asko benetan, asko zarete hormari kolorea jartzen diozuenak eta bide batez, baita gure herriko blogari ere.

Bermeo. Argazkia: Urdabai Aran Mundaka

Bukatzeko, Filipinetatik bidalitakoa gorde dugu. Lawrence Bermeok horrela idatzi zuen Bermeoko horman: ‘hi im, lawrence bermeo from philippines .. ;’Urrutitik ere badatoz mezuak gurera.

Datorren astera arte agurtuko gara, eta opor zoriontsuak izatea opa dizuegu. Bermeoko orrialdeko horman edota blogean topo egingo dugu. Eskerrik asko guztiagatik.

Share on Facebook

Bermeoko arrantzale gaztea, Aitor Fernandez del Campo Boli Kostatik atera dute eta etxera bidean dago eta Alakrana ontziaren bahiketako epaiketa.

Horiek eta beste batzuk dira aste honetako Bermeoko laburpenean jorratuko ditugun gaiak. Gure aldetik, ahoz-aho dabilen albistea jarri nahi izan genuen gure orrialdean. Boli Kostan harrapatutako arrantzale bermeotarra oso kezkatuta baitzegoen. Oraindik, etxean ez dagoen arren, Boli Kostatik atera dute eta orain etxera bidean dago. Elkartasun mezu asko jaso ditu Aitorrek eta ez da gutxiagoagorako. Bere ama, Amaia Fernandez del Campo ere pozik egongo da eta irrikatan bere semea besarkatzeko, baita bere familia ere jakina. Javier Goikoetxea Seminariok bere aldetik horrela idatzi zuen gure horman: ‘eskerrik asko DENOI!!!!!’ orrialde honetan bertan jasotako berotasun guztia ikusi ahal izango duzue.  Bestela ere, bertan dago, bere garaian jasotako albistea ere.

Aitorrek gure orrialdean jasotako elkartasun mezu batzuk ere ekarri ditugu errepaso honetara, Aingeru Astui: ‘ia suertie dakoien eta bertora datozen…’ Andone Zarrabe: ‘ea laster etxean dagoen’, Maite Ugalde Bilbaok ere bere iritzia eman du, eta gobernuak hegazkina jarri eta handik ateratzeko eskera egiten du. Gobernua sartu den gudetatik atera dadin ere eskatzen du Maitek, arriskuan dauden lagunak ateratzeko eskaera behin eta berriro egiten du bere komentarioan.

Bestelako kontuekin jarraituko dugu, izan ere, urtebete baino gehiago igaro bada ere, Alakrana atunontziaren bahiketaren gaineko epaiketa egun hauetako titularretan dugu, esate baterako, Beñat Mendietak horrela idatzi du: ‘epaiketaren kapitulu berria eta orain pertsonaia misteriotsuekin gainera. Ia ondo bukatzen den guztia.’ Ia horrela den, bitartean, armadoreak dirurik ez zuela eman eta bitartekari misteriotsua Pepe izenarekin ez duela ezer argituko….hemen uzten dizuegu jaso dugun azken albistearen esteka.

Orain, oporretara begira jarri eta aste santuan zer irakurri ez dakienari, gure gomendioa egingo diogu ‘Ezpaten Erresuma’ eleberria kaleratu berri baitu Josu Munitizek…, beraz, herritarren lana maletan edo motxilan sartu dezakezu, hori bai gero zer iruditu zaizun ere komentatu dezakezu. Bertan duzu, liburuaren inguruko informazioa jasotzeko aukera.

Iragan astean Juanvi Romanek, honako oharra utzi zuen Bermeoko horman: ‘Peña Bizkai Buru Athletic Club Bermeo Gamiz Fikarako Autobusa da goizeko 11etan larunbatean, apirilak 4 (lehenago argazki bat aterako da, Urdaibai kafetegitik irtengo da’. Gure aldetik, Juanviri eskerrak eman nahi dizkiogu eta bide batez, horrelako oharrak jartzen jarraitzeko animuak eman nahi dizkiogu.

Pasa den asteko beste ohar bat ere badugu hemen, Nuntxaku Gauak Bermeok asteburu honetarako (apirilak 9rako) gonbita egiten zigun Nuntxaku kapillako kontzertuaren berri ematen zigun, hemen duzu informazioa.

Biharko hitzordu garrantzitsua, dena ez delako helduen eskuetan egoten… Itxaso Apraizek horrela idatzi zuen gure horman: ‘13an Eskolarteko Bertso Paper Lehiaketa. ‘ Zertan geratzen den ere jakin nahi dugu beraz, ia hemen ere horren berri emateko aukerarik dugun.

Orlando Imperatorek bere aldetik, berbak irudietan bilakatzen ditu, eta hemen duzue horren froga. Eskerrik asko Orlandok utzitako argazkiengatik.

Bermeo. Argazkia: Orlando Imperatore

Dyan Bermeok bere aldetik aspaldikoa da gure komunitatean, eta berak hasieran esan bezala, Bermeo abizena duenez, ia bere familiako inork erantzun duen jakin nahi du, baina, momentuz bederen, guk dakigula, gure horman ez da horrelakorik jaso…beste batean izango da.

Besterik gabe, hemen utziko dugu aste honetako errepasoa eta laster gure orrialdean, edota gure herriko blogean bertan topo egingo dugu. Eskerrik asko zure laguntzagatik.

Share on Facebook

Alakrana auzia berriz ere Auzitegi Nazionalean eta Bou Bizkaia taldeko lehendakariaren berbak dira aste honetako kontu nagusiak Bermeon.

Aste honetan Bermeoko laburpenari ekiteko, urtetako kontua berreskuratu dugu, atzo bertan, hilak 4, Auzitegi Nazionalean Alakrana auzia lerroburu izan zelako. Bitartekari lanak egin zituenak eta baita Canarias fragataren komandanteak euren adierazpenak eman zituzten atzoko epaian. Oso egoera gogorra bizi behar izan zuten. Maite Bazterretxeak aipatu digu albistea.

Itsasoan jarraituko dugu, baina orain oso bestelako ontzi eta eskifaiarekin, izan ere, gure taldeak asteon zera aipatu zuen Bermeoko horman: ‘talde garbia dugula dio Bou Bizkaiako lehendakariak.’ Adierazpen hauen aurrean, udari begira indartsu jartzeko beste arrazoi bat dugu. Eta berak aipatu legez, uretan irabazitakoa orain epaitegietan kendu nahi diete. Gernikako 2.epaitegiak bere epaia eman du eta antidoping  kodearen kontrako delitua eragotzi die Bermeoko taldeko 5 kideri, hauetako bat bera ere ez da arraunlaria. Hemen duzue albistearen esteka.

Uretatik atera eta kalean edo parkean gaudela, gure hormara begiratu eta Itxaso Apraizek zera idatzi dela ikusi dugu: ‘txakur jabeek elkartea sortu dute. Horrela, euren txakurrekin egoteko txokoak defendatuko dituzte.’ Hernanin esate baterako txakur kaken ADN-DNA eskatzen ari diren bitartean, hemen, gurean, txakurrekin egoteko txoko bila dabilen taldea topatu dugu. Eskaera edo egoera zeharo desberdinak biak, baina konponbidea behar dutenak. Bertan duzu gehiago jakiteko lotura.

Musika apur bat ere jarriko diogu gaurko laburpenari, Mikel Larrubeltzak honako emaria utzi baitu: ‘Bermeoko artista multifazetikoa, Mikel Oihenartek diseinuko kamiseta bilduma atera ditu saltzeko, eta nolakoak diren ikusi nahi baduzu, hemen duzu aukera.‘ Gure aldetik eskerrak eman nahi dizkiogu Mikel Larrubeltzari emandako informazioagatik.

Iragan astean oso plan polita proposatu zigun Beñat Mendietak : ‘asteburu honetan, Basurkoren PAKEA ontzian nabigatzeko aukera!!! joango zara?’ jada, pasatu da, baina bertan egoteko aukera izan bazenu kontatu zer iruditu zitzaizun. Guk hemen dakargu plana iragartzen zuen albistea.

Oso bestelako ekarpenen txanda da orain, Iban Bilbao Barturenek zera dio: ‘hauteskundietan “Su ta Gar”-eri botateko papeletie.  Hau da berak egiten duen proposamena, eta berak ekarri bezala ekarri dizuegu guk gurera.

Beste barik, hauxe izan da aste honetako errepasoa, eta badakizu, Bermeoko Facebook orrialdean edota gure herriko blogean bertan itxaroten zaitugula. Ondo izan eta Bermeoko argazkiak jarri, boto gehien jasotzen dituena izango baita blog honetako irudi nagusia.

Share on Facebook