Bermeoko Guardiako botika zerbitzua, ‘Motxo’ uretatik atera dutela eta gabonetako postalak dira aste honetako gai nagusiak.

Bermeoko orrialdeak izandako jarduera labur biltzeko unea iritsi da eta hasteko, bizilagunak kezkatzen dituen kontua ekarri dugu. Herri guztietan nahiko lukete gauetan guardiako farmazia izatea, are gehiago kostaldean bazaude eta hurrengo herrira joateko bidea autopista ez denean. Honen harira Maria Abadiñok idatzitakoa ekarri dugu: “Guardiako botika gauero Bermeon izatea eskatu du udalak. Herritik kanpo atera beharko al dugu? Ez, mesedez ez…. herrian bat izatea nahi dut.” Kontuak horrela ez dakigu zer gertatuko den, baina hemen duzu jasotako albistea.

Bestalde, itsasotik datorrena dakargu, ‘Pasaiako herritik dator notizia’ esaten zuen abestiak, eta kasu honetan Maria Abadiño berak eta Pasaiak zera esan zuten: “Pasaiako kapitainak azkenean Bermeoko ‘Motxo’ uretatik kanpo ikusi du.” Pena handia da benetan, itsasontzi bat ezertarako balio ez duela jakiteak, baina egindako ahalegin guztien ondoren, amaiera horrelakoa izan da eta hemen duzue honen inguruko lotura.

Abenduaren bederatzia zen eta oharra luzatu zigun Amaia Fernándezek: “Gabonetako postal lehiaketa gaur (abenduaren 9an) amaituko da. Zurea bidali duzu?” Eleizalde ikastolak Bermeoko Udalaren Kultura, Gazteria eta Hezkuntza sailaren laguntzagaz, Gabonetako postal txapelketa antolatu du Orain, abenduaren 20an emaitza jakitea besterik ez da geratzen, beraz, ia epaimahaiak zer dioen eta gero hemen jakitera ematea espero dugu. Jarraian berria.

Orlando Imperatorek hainbat argazki utzi dizkigu, eta eskerrak eman dizkiogu. Baita bere argazki horietako bat gurera ekarri ere.

Bermeo. Argazkia:Orlando Imperatore

Gure orrialdeak parte hartzera deitzen duenean, askotan mezuak jasotzen ditugu eta baita atsegin dutenen oharrak ere, gustuko dutenak hamabost inguru izan dira, bestalde, eta aipatutako mezuei dagokienez hauek dira aste honetakoak: Miren Herrero: “Ni bermiotarra naz, eta oso pozik nau, urrun nau baie asko guztatu jat Kepa Junkeraren IBILI diskoan, zelan abestuten dauien Ana Belen eta beste batuk, ezkondurikan bapo bapo, geure Bermioko kantie.” Karmelo Siguenza Kamba: “animo laster 1.000 lagunek………..” Ia Karmelok esaten duena betetzen den.

Orain, azkenaldian aipatutako kontuarekin gatoz, Iban Bilbao Barturenek gaur bertan zera esan baitu: “Ia gustako lekidast jakitzie ia ze kriteidxo dakoien munizipalak multe 2 bardiñek bat “larridxe” eta bestie “arine” ezateko.” Egia esateko, bere kezka ulertzen dugu, eta baita Beñat Mendietak ere horrela erantzun baitio: “Barriro, multekin gora eta behera! jolin! urtea holan amaitzia be… ia opari ederren bat ailegetan dan, ez larrixe ezta arine be…(oparia esan gurot) Ia dana konponduten dan.” Tira ba, ia horrela den, eta desio baikorrekin mezua amaitutzat emango dugu.