Bermeo

Indiako Ozeanoan dauden atunontzien segurtasuna, herriko merkatariak eta bestelako kontuak dira aste honetan Bermeoko orrialdeko emari nagusiak.

Bermeoko orrialdeko hesian jasotako emarien labur bildumarekin ekiteko, gure taldeak jarritako posta dugu: “Azken bi asteetan zortzi aldiz saiatu dira piratak Indiako Ozeanoan diharduten atunontziak erasotzen. Anabacek Espainiako gobernuari batzarra eskatu deutso oso kezkatuta baitago.” Bilera egin, egin zen, eta hortik segurtasunekoak ondo prestatuta egoteko bermea izan dezaten, neurriak hartuko dituztela erabaki zen. Egia esan, oso kontu latzak dira hauek eta Alakrana moduko kasu gehiagorik ez da inolaz ere ongi etorri izango. Hemen duzu albistea.

Juanvi Romanek bere hausnarketa ere utzi digu: “Agur Doloriagako negozioei, kaleak gero eta estuagoak eta udaltzaingoak isunak barra-barra jartzen. Uda honetan, ingurutik datozen udatiarrak ez dira ezta hurbildu ere egingo. Udal azoka, ezta Bermibusekin ere ezingo da zapaldu. Eta Doloriaga bezala, herriaren gainerako guztia. Bermeoko udalak herritik kanpora erostera bultzatzen duela dirudi”. Juanvik esandakoaren inguruan, zuek ere zerbait izango duzue komentatzeko, baina, momentuz hesian horrelakorik egon ez denez, ezin izan dugu hona ezer ekarri.

Bestalde, gabonetako loteria ate joka dugun honetan, prestatzen joan behar dugunez jarraian Bermeon dauden loteria saltokien zerrenda utzi dizuegu.

Orain beste kontutxo bat ekarriko dugu asteroko labur bilduma honetara, Beñat Mendietak horrela posteatu zuen: “154 ume jaio ziren iaz Bermion. Ume bakoitzarentzako bertso-paperak liburu batean batu dauz Udalak eta domekan aurkeztuko dabe. Bazoaz jaira?” Orain, ia joango ote zaren galdetzea tokiz kanpo geratzen bada ere, bertan izan bazinen, Bermeoko orrialdeko hesitik igaro zaitezke eta bertan bizitakoa zer moduzkoa izan zen kontatu dezakezu. Esteka honetan informazio gehiago.

Bakakizu Bermeon gertatzen denaz informatzeko hesia zuretzat dagoela eta honi Miren Herrerok horrela erantzun zion: “egia da, euskal gente asko dago, Bermeotik kanpo, guk osasunagatik, baina herentxi bat daku, herentxia ez da erosten, itxi egin behar dogu alabari eta ilobari, eta herentxia da gure euskera, eta jatexea, eta ni bermeotarra, moduz, gure kostumbrie eta gure raizek, eruten dot leku guztietatik….aupa gure Bermio, Miamitik”. (jatorrizko testua horrela iritsi denez, errespetatu nahi izan dugu eta horrela argitaratzen dugu)

Bermeoko hesian jasotzen ditugun esteken artean, Valeria Ominettik utzitakoa ekarri nahi izan dugu, oso bideo ikusia izan da eta guk ere ikus dezagun hesian utzi du: “Ez diezaiogun Euskal Herriari mugarik jarri!” eta jarraian Iñaki Perurenari egindako elkarrizketa baten inguruko bideoa utzi digu. Ikusteko modukoa da, benetan gomendagarria, hemen duzu esteka.

Bukatzeko, jasotako bestelako postak ere hemen dituzue. Xavier Loyola Caminos: “aitak zera zioen: Bermeo New York txikia. Aupa bermeotarra”. Edo Bo Elizegik dioena: “Aupa Bermeo, baina jakin badakizue Izaro Mundakarra dala”. Honen inguruan edo bestelako kontuen gainean zerbait esan nahi baduzu, badakizu hemen edo hesian bertan zure iritzia emateko aukera duzula.

Honenbestez, aste honetako labur bildumaren amaierara iritsi gara, beraz, laster arte eta ondo izan.

Share on Facebook

Bertan dugu 2010eko gabonetako loteria zozketa handia. Bermeon, hainbat loteria administrazio daude eta gainera, asko gara loteria txartelak erosi eta saltzen ditugunak, batzuk, kirol taldea dela, edo bestelako elkarte, talde, ikas bidaia… Post honekin zera lortu nahi dugu, guzti honetaz informazioa eman (guztion artean, beti bezala) horrela herrian bertan dauden zenbakiak guztion artean partitu ahal izango ditugu. Nork daki, agian, gustuko duen baten bat ikusi eta gehiago saltzeko balio du baita honek ere.

Lehenengo, Bermeon dauden loteria administrazioak. Guztira 3 daudela ikusi dugu (horrela izango ez balitz, barkatu eta zuzentzen lagundu).

.- 1. Loteria Administrazioa (Pl. Prantzisko Deuna Atea, 1)

- 2. Loteria Administrazioa (Arostegi, 17)

.- 3. Lotería Administrazioa (Zubiaur Tar Kepa, 26)

Gainera, ziur gaude Gabonetako Loteriarako txartelak saltzen dituen, talde, elkarte edo kirol-talde hori ezagutzen duzula edota horietako batetako partaide zarela. Jakin nahi dugu! Post honetan zure iruzkina utzi eta horrela nortzuk zareten eta zenbakia zein den eta non saltzen den jakingo dugu, herrian dagoena zuri esker ezagutuko dugu.

Eta jakina, Gabonetan egokitzen ez bada… 2011ko Erregetako Loteriarekin beste aukera bat izango dugu.

Zorte on! eta edozein modutan ere, osasuna barra-barra.

Share on Facebook

San Martineko etxebizitzak bukatu aurretik bota behar dira, ‘Intertuna III’ atunontzia arriskuan, Bermeoko trafikoa ere ez da behar bezalakoa eta bokartaren biomasa hirukoiztu dela dira aste honetan Bermeoko hesian jaso diren kontu nagusiak.

Astero legez, labur bilduma egiteko unea iritsi da, eta horretarako Bermeoko orrialdeko hesira jotzen dugu,zuek idatzitakoak eta posteatutakoak gero, hona, blogera ekartzen baititugu. Hasteko, gure herrian eta beste hainbat tokitan gehien kezkatzen duen kontua, etxebizitzarena, izan ere, gure taldeak horrela idatzi zuen iragan astean gure hesian: “Etxebizitzen zozketa abenduaren 15ean izango da. Beruala San Martinen daude eta 20 dira zozkatuko direnak. Zu ere horretan sartuko zara? ia zortea duzun.” Beti izaten da oso albiste pozgarria, zure zenbakia zozketa batean ateratzea, eta zure etxerako giltza badakar are gehiago. Albistea bertan duzu.

Kontuak horrela, etxebizitzaren albiste ona, txarrean bilakatu da hurrengo astean, Iban Bilbao Barturenek honako posta jartzen baitzigun: “VPOko dozena bat etxe botatzera zigortu dute Bermeoko udala” Guztiak bota behar ez badira ere, ia prest zeuden etxeak bukatu beharrean bota behar direla jakitea ez da batere pozgarria izan. Horretaz gainera, Bermeoko udalak, gaurtik aurrera etxebizitza horiek bota gabe igarotzen dituen egunengatik isuna ordaindu beharko du. Informazio gehiago, ondorengo estekan.

Orain Beñat Mendietak ekarritakoa jaso dugu laburpenean. ‎”Intertuna III” atunontzi bermeotarra eraso batetaz libratu da. Atzo goizean (2010/11/22) Somaliatik 600 miletara gertatu zen. Zerbait gehiago entzun duzue?” Egia esan, itsasoan bizi den arriskua handia izanik, are gehiago bahitzeko beldurraz lana egitea. Jarraitu ondorengo berria.

Bermeon jarraituta, baina kontuaz aldatuta, autoa hartu eta gero, horrela idatzi zuen Iban Bilbao Barturenek murruan: “Bueno ta ia zer pasaten dan Bermioko trafikuegaz, non dauz munizipalak bidizeniko? Markiñerarteko erreskadiegaz eta iñor agertu bez, hau doke ganorie!”. Beste lagun batek ere haserre antzean erantzun zuen, beraz, badirudi ez kontu honek herritarrak asko haserretzen dituela.

Kirol kontuek ere tartea izan dute aste honetan gurean, Beñat Mendietak ekarritakoa izan da eta horrela kontatzen zuen berak: “Ia neguan sartuta eta udako kontuekin bueltaka jarraitzen dugu. Josu Zabalando Urdaibai Arraun taldeko presidenteak Kortari bere zigorra ematea espero du. Zu ere iritzi berekoa zara? Zer deritzozu?”. Kortaren gora beherek ez dute inor ezer esan gabe uzten. Ondorengo loturan gehiago irakurtzeko aukera izango duzu.

Itsasoko kontuekin jarraitu eta baita bukatu ere, kasu honetan Maite Bazterretxea izan da eta horrela zioen berak: “Albiste fresku-freskue!!! Bokartaren Biomasa urte baten hirukoiztu egin da.” Egia esan oso albiste ona da, pozgarria benetan eta orain, une honetan krisian buru belarri sartuta gauden honetan, kresalak etorkizunerako kolore itxaropentsua dakargu, berdean pentsatzen jarraitzeko beste arrazoi bat. Hurrengo loturan klik egin dezakezu.

Bermeo. Argazkia:Jesus M. Echevarria

Bukatzeko irudi polit batzuk utziko ditugu, Maite Bazterretxea berak utzitakoak dira eta hurrengoan zerorrek ere horrelakoak utzi ditzazkezu: “Zelako argazki politak topatu ditudan Eguraldiblog-en, ederrak dira benetan. Bermeokoak dira eta Jesus Mª Echevarríarenak dira” Argazki gehiago ikusi ahal dituzu eta baita zureak igo ere.

Share on Facebook

Olatu eta haize zakarragatik izandako denboraleak bere kalteak utzi zituen Bermeon, aste berean San Martin ospatu genuen. Ekaitzaren ostean, barea dator, eta baita asteko labur bilduma ere.

Gero eta lagun gehiago batzen gara Bermeoko orrialdeko hesian eta horrek unean uneko informazioa eskuratzeko aukera ematen digu. Esaten baterako, guk, horrela idatzi genuen, azaroaren 9an, olatu eta haize denboralearen egunean bertan, “Bermioko kai-muturra ‘rompeolas’a urak eman du, berriz ere apurtu da. Argazki edo bideorik izanez gero, eskertuko genuke. Hemen jarri eta gero badakizu den dena blogera eramaten dugula, eta baita lau haizetara zabaldu ere. “ Jarraian parte hartzea oso aktiboa izan zen. Dabid Martinez Perezk horrela erantzun zigun “El correok orain ordu bete publikatu du ” Esteka honetan duzu den-denak ikusteko aukera. Jakina, horrelako prestutasuna taldeak asko eskertu zuen: “Eskerrik asko! Ondo izan eta animu eguraldi kaskar honekin. Espero dezagun hau ondo amaitzea” Egunak askorako eman zuen gure herrian, izan ere, gizon batek bere burua itsasora bota zuen eta gero erreskate lanetan ari zirenei ez laguntzeko eskatu zien, horren harira, Maria Abadiñok galdera aireratu zuen: “Iñork ba al daki zer gertatu dan?” Beste lotura honetan Mari Abadiñoren jakin mina asetzen ahalegindu ginen.

Gainerako lagunek ere, kontu honetaz kezkatuta beraiek zuten informazioa ematen zuen murruan. Beñat Mendietak zera partitu zuen gurekin: “Kai-muturraren zati bat eraman du itsasoak eta horretaz gainera, 42 urteko gizon bat bere burua uretara bota zuen eta gero ez zuen ertzaintzak erreskatatzerik nahi.” Informazio gehiago izateko albiste hau duzu.

Denboralearen nondik norakoak hesian jarraitzeko aukera ere izan zen, Edurne Lacak hauxe itauntzen zuen: “zelan dago gure Bermio. “rompeolas”a apurtu da?” eta jarraian Ivinka Cid Landak zera erantzun zion: “olatuek zati bat eraman dutela esaten dute, baina nik etxetik ez dut ikusten, muturretik izan ez bada…”, guk ere orduan geneukan informazioa eman genuen: “Bai, bai, baieztatuta, kai-muturra puskatu da eta olatuek dikearen goiko petrileko 30 metro eraman dituzte olatuek”. Argazki gehiago ikusteko ere honako esteka utzi genuen.

Gaia erabat aldatuz, eta aipatu bezala, ekaitzaren ondoren, barea datorrelako Amaia Fernándezek bestelako kontu alaiagoak ekarri dizkigu: “Txerriki azoka bertan da. Lamera parkean goizeko 10:00tan hasiko da eta 32 postu itxaroten dira” eta. Edurne Lacak zera gaineratu zuen: “ze gozo, danak ondo pasa aldauenak. gutxi gasta da bueltak amari”. Azokaren prestaketak ezagutzeko berria hemen dago.

Bukatzeko, bestelako lagunek, dauden tokian daudela, gure herriari bidalitako agurrak batu ditugu. Alexa Korzeliusek zera esaten zuen: “i love Bermeo!!!!!!” Edurne Lacak ere idatzi zuen: “Bermeon pasatzen dena kontatu, oso urruti nago eta” azken emaria Lore Zarallorena da: “urrun nago, urrun bai, baina benetan ondo baino hobeto informatuta eta are gehiago egon nahi dut oraindik”.

Aste honetako labur -bildumaren bukaera iritsi da, baina, datozen egunetan, hemen, edota hesian bertan topatuko gara. Eskerrik asko zuon kolaborazioagatik eta laster arte.

Share on Facebook

Kaixo guztioi,

Olatuek Bermeon izandako eragina, ‘Motxo’ arrantzunzia eta etorkinen inguruko kontuak izan dira Bermeoko orrialdeko hesian jasotako gai batzuk. Beti bezala, bertara ekarriko ditugu. Gainera, gero eta kide gehiago gara, 813 lagun gaude bertan, beraz, eskerrik asko guztioi parte hartzeagatik eta segi horrela.

Gaurko denboralearen eraginez, kai-muturra apurtu da; olatuak gogor ari dira astintzen euskal kostaldea, eta gure herrian ere nabarmenak dira itsasoak utzitako ondorioak. Dabid Martinez Perezek partekatu du, hesian, olatuen denboraleak Bermeon egindakoaren argazkiak. Ikaragarria benetan. Ez du zerikusirik, egia esan, kostaldeko beste argazki honekin:

Bermeo. Argazkia: Jesus Mª Echevarría.

Bermeoko edo inguruetako argazki gehiago badituzu edota daudenak ikusi nahi badituzu hemen sakatu.

Bermeoko asteko errepasoa egiteko, betiko moduan, Bermeoko orrialdeko hesian jasotakoak hartu behar ditugu, eta horretarako, iragan astera joko dugu. Beñat Mendietak zera esan zigun hesian: “Bermeoko arrantzuntzi bateko bederatzi arrantzale erreskatatu dituzte Deban. Eskerrak, denak ondo dauden. “ Egia esan, eskerrak denak onik atera zirela. Beste kontu bat “Motxo” arrantzuntzian zegoen erregaia da, haitzetatik ateratzeko ahaleginak egiten aritu baziren ere, ontzia irauli egin baitzen. Itsasgoraren sai egon baziren ere, ez zuten espero zuten moduan atera, eta oraindik ere bertan da.

Arrantzuntziaren kasuaren bilakaera jarraitzeko, Beñat Mendietak idatzitakoa ekarriko dugu baita oraingo honetan ere. “Itsas istripua dela eta ‘Motxo’-ren armadoreak gaur jakinarazi beharko du zein asmo duen ontzia ateratzeko. Arrantzuntziak,i ngurumenean ez duela kalte handirik egingo dio Gipuzkoako Diputazioak. Ondo jokatu dela uste duzu? Zer iruditzen zaizu ‘Motxo’ren kasua?” Bakoitzak bere iritzia izango du, orain Gipuzkoako foru aldundiak ere kasua ikertuko du.

Bestalde “Motxo” ontzia biotopo batean dagoela eta, Rud Beckiak zera dio: “`Motxo´ ontzitik geratzen denarekin zer egin erabakitzeko, armadoreak eta kostakoek izango dute azken hitza, baina gaurko eguraldi zakarrarekin ez dakit zerbait egiterik izango duten.”

Gaia erabat aldatuko dugu, izan ere, Iban Bilbao Barturenek Bermeoko Udaleko eztabaidagunera joateko gonbite berri bat egin digu hesian. Aurreko labur bildumatan ere izan dugu arrazakeria, homofobia eta etorkinek jasotzen dituzten laguntzen inguruko mezuak eta gaur ere, hortik bideratu da eztabaida, bestela, bertan klik egin eta zerorrek ikusi.

Bukatzeko Jose Aitor Alberdi Bergarechek idatzitako ekarriko dugu “AUPA BERMIO TA BERMIOKO GENDEA.”

Zuk ere horrelakoak edota bestelakoak idatzi nahi baduzue, aukera bertan duzue, edota bestela Bermeoko Orrialdeko Hesian.

Share on Facebook

Kaixo guztioi:

Aste berria eta baita laburpen berria ere. Zubia igaro dugu eta Athletic zaleak pozik egoteko moduan daude. Hala ere, aste batetik bestera, ez bakarrik jai egun kopuruaren arabera baizik eta bestelakoak ondo badoaz, beharra eta gainerakoak ere ondo joaten dira, baita gure orrialde eta blogean ere. Bermeoko Orrialdeko Hesian jasotakoekin labur bilduma prestatzen dugu astero eta honetan ere horrela egiteko prest gara.

Hasteko, argazki bat ekarri dugu, Joseba Itxasok ekarritakoa eta berak horrela dio honen gainean; Joseba Itxaso: “Hau izango da Bermeoko irudi zaharrenetariko bat.”

Bermeo. Joseba Itxasok bidalitakoa

Hala ere, zuek bestelako argazkiak baldin badituzue eta eguraldiblogera bidali nahi badizue, hemen bertan klik egin eta salto batean zure argazkia igotzeaz gainera, gainerako guztienak ikusiko dituzu.

Bermeon artista handiak daudela esatea, ez da ezer berria, inondik inora, baina, daudenak ondo zaindu behar direnez, aste honetan hesian izan duten oihartzuna hemen ere izango dute. Bermeo: ‘Euskal Herria Ezagutu’ko irabazlea Aitor Gonzalez gernikarra da baina, bigarren Igor Zalbidea eta hirugarren Izarra Elortegi bermeotarrak izan dira. Zorionak!

Bukatzen joateko eta bide batez, hile honetako planak egin ditzazuen, hemen duzue aukeran herritik, mugitu barik dagoena. Beñat Mendieta: “Ezagutu azaroko kultura egitaraua! ondo izan eta gozatu.”

Honenbestez, eskerrak ematea besterik ez zaigu falta, eta hurrengoan ere, hemen edota hesian bertan topatuko gara.

Ondo izan eta laster arte.

Share on Facebook