Bermeo

Maiatzaren 18tik 20ra ospatuko da Arrain Azoka Bermeon, ostiraletik igandera arte. Aurtengo edizioak 1912ko galerna gogoratuko du ‘Galerna 1912-2012’ izenburuarekin. Bertan 141 arrantzale euskaldun hil ziren eta horiek omentzeko asmoa du Bermeoko Udalak.

Kontserba-industriak izango du protagonismo handia azoka horretan zabalduko diren 25 erakustokietan. Egunero zabalik egongo dira 11.00etatik 15.00etara eta 16.30etatik 21.00etara, igandean izan ezik, egun horretan arratsaldez ez baita zabalduko. Horrez gain, hitzaldiak eta erakusketa ugari antolatu dira.

Azokaz gain, hainbat gertakarik biziaraziko du Bermeo egun horietan. Hementxe daukazue egitaraua:

Bermeoko arrain azoka 2012 | kartela

Barikua, hileak 18:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan. 11:00etan eta 18:00etan,  dohainik).
• Jantoki-Karpa (12:00, 17:00, 19:00 – 22:30).
• Arrain salmentaren itxurak Kofradia Zaharrean (11:30, 13:00, 18:00, 19:00) .

Ekintzak:

12:30ean: Arrain Azokari harrera, aurreskua eta hasiera ofiziala Lameran

13:30 Hegaluze Saria

17:30 Fanfarrea Lameran eta Portu Zaharrean

20:00: Alkartasuna Dantza Taldea Lameran eta Portu Zaharrean

Zapatua, hileak 19:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan, 11:00etan eta 18:00etan, dohainik).
• Jantoki-Karpa (12:00, 17:00, 19:00 – 22:30).
• Arrain salmentaren itxurak Kofradia Zaharrean (11:30, 13:00, 18:00, 19:00)

Ekintzak:

12:00 Danborrada Lamera, Gaztelu eta Portu Zaharretik

12:00 Txistulariak Lameratik eta Portu Zaharretik

12:30 Musika Eskolako trikitilariak eta panderistak, txistulariak eta haize taldea  Lameran eta Portu Zaharrean

13:00 Pintxo Lehiaketaren sari banaketa Kioskoan

19:00 Musika Lameran eta Portu Zaharrean

22:00 Habanerak frontoian

Domeka, hileak 20:

• Haur eta Gazteen Txokoa
• Urpeko Zinearen Zikloa (Nestor Basterretxea Aretoan, 11:00etan, dohainik).
• Jantoki-Karpa (12:00 – 17:00).
• Arrain salmentaren itxurak Kofradia Zaharrean (11:30 – 13:00).

Ekintzak:

11:00 Umeen marrazki lehiaketea

11:00 Pilota partidak frontoian

12:30 Erraldoiak eta gaiteroak Lameran eta Portu Zaharrean

14:30 Marrazki lehiaketearen sari banaketa umeen karpan

Giro ona izango da Bermeon datorren asteburuan! Adin guztiek ederto pasatzeko aukera izango duzue bertan! Musika, pintxo, hitzaldi… Animatu joaten eta gero konta iezaguzue!

Share on Facebook

Bermeoko triatloiak bere seigarren edizioa bete zuen pasa den larunbatean. Maiatzaren 5ean, Aritzatxu triatloi taldeak antolatuta, parte hartzaileek 750 metro egin behar izan zituzten igerian, 22 kilometro bizikletan eta 5 kilometro korrika.

Gizonezkoetan, SVC taldeko Jon Unanue izan zen garaile, Egoitz Zalakain ATT San Sebastianeko triatleta eta Javier Ricarte Saltokiko kideen aurretik. Emakumezkoetan berriz, Estefania Gomez Saltokiko triatleta heldu zen lehenengo helmugara, bigarren Ane Ziaran Eibar Taldekoa eta hirugarren tokian Nerea Murua Codeam talde zarauztarrekoa.

Lehen Bermeotarrak Joseba Madariaga eta Rakel Alzaga izan ziren. Zorionak!!!

Arratsaldeko 4ak aldera ekin zioten lanari eta antolatzaileen hitzetan, giro ederrean bizi izan da aurtengo proba.

Hauexek eguneko irudiak:

Bermeoko VI. triatloiaren podiuma ARGAZKIAK: aritzatxutriatloi.com

Bermeoko VI. triatloia bizikletan ARGAZKIAK: aritzatxutriatloi.com

Bermeoko VI. triatloia uretatik asfaltora ARGAZKIAK: aritzatxutriatloi.com

Bermeoko VI. triatloia korrika ARGAZKIAK: aritzatxutriatloi.com

Aizu, zuk ere argazkiren bat egin ahal zenuen? Hala bada, bidaliguzu eta besteekin batera jarriko dugu! Ongi izan!

Share on Facebook

Bermeo euritsu esnatu zen pasadan larunbatean. Hala ere, umore ona gosaldu zuten bermeotarrek apirilaren 21ean eta baserritar zein arrantzale jantzita irten ziren herritar asko Erromeidxe egunaz gozatzera.

Aurtengoa Bermeoko Erromeidxe jaiaren bigarren edizioa izan da. Kankinkabara Txistu Taldetik helarazi digutenez, oraindik ere talde guztiak balorazio orokorra egiteko batu ez badira ere, eguna zinez arrakastatsua izan zen. Hona Erromeidxe 2012ko argazkiak:

Erromeidxe 2012 erraldoiekin dantzan ARGAZKIA: Aritz Arrizabalaga

Erromeidxe 2012 eskutik helduta zahar eta gazte ARGAZKIA: Aritz Arrizabalaga

Erromeidxe 2012 bermeoko andrak taldian ARGAZKIA: Aritz Arrizabalaga

Erromeidxe 2012 kantuan ARGAZKIA: Aritz Arrizabalaga

Erromeidxe 2012 trikitilariak ARGAZKIA: Kankinkabara Txistu Taldea

Erromeidxe 2012 kalejira ARGAZKIA: Kankinkabara Txistu Taldea

Erromeidxe 2012 dantzan ARGAZKIA: Kankinkabara Txistu Taldea

Erromeidxe 2012 agarrauen dantzan ARGAZKIA: Kankinkabara Txistu Taldea

Erromeidxe 2012 sueltuan dantzan ARGAZKIA: Kankinkabara Txistu Taldea

Erromeidxe 2012 bazkaria frontoia ARGAZKIA: Kankinkabara Txistu Taldea

Erromeidxe 2012 triki eta pandero ARGAZKIA: Kankinkabara Txistu Taldea

Erromeidxe 2012 txistulariak oholtzan ARGAZKIA: Kankinkabara Txistu Taldea

Kankinkaratik oso balorazio positiboa egin dute eta datorren urteko Erromeidxerako erronka berriak aipatu dituzte: talde gehiago inplikatzea, aktibitate gehiago prestatu, herri bazkarirako lagun gehiagorentzako leku aproposa antolatzea…

Gustora geratzeaz gain, herritarrek jaia era parte hartzailean gozatu dutela azpimarratu dute; eta ez da gutxiagorako izan, hona datuak:

Goizean euria izan arren bisitari alde-zaharretik ibili ziren musika jotzen, kantatzen eta dantzatzen.

Jende asko hurbildu zen baserritar edo arrantzale jantzita eta denak ondo pasatzeko prest.

Bazkaria eta dantzaldia ere oso giro onean eta kopuruei dagokienez, 405 lagun bazkaltzen eta beste 300 lagun momentu diferentetan.

Erakusketa antolatzen, muntatzen eta zaintzen  50 lagunetik gora ibili ziren eta bertatik 800 bisitari pasatu ziren.

Ane Albisuren hitzaldi-tailerrak 75 parte-hartzaile izan zituen.

Zozketako tiketak berehala saldu ziren, balantze ekonomikoa nahiko orekatua izan da beraz.

Erromeidxeko muntatze eta desmuntatze lanetan, taldetako kideez gain hainbat herritarrek ere hartu zuten parte.

Datorren urtean ere aurten beste goza dezazuela! Aupa Bermeo, bejondeizuela!

Share on Facebook

Bermeo aurten ere oreztaz betekoa da Apirileko Ferian. Sebilla urruntxo geratzen den arren, urtero legez, Bermeoko Txo Sevilla elkarteak antolatuta asteburu ederra izango da apirileko azkena Sollube inguruan. Bertan atonduko dute karpa eta umore ona izango da nagusi beste behin.

Eguneko egitaraua dakarkizugu jarraian. Eta… zuk nola bizi duzu Bermeoko Apirileko Feria?

Apirileko feria bermeon, denak soineko luzez ARGAZKIA: fotolog.com/abuelo_rebelde

Apirileko Feria 2012 – Egitaraua

Apirilak 28, larunbata

12:30 >  Txupinazoa, pregoia eta karpea edegitea Cannon Erretegian (Sollube). Sevillana eta Ohorezko aurreskua agintarientzako

13:00 > Bertaratzen diranentzako ‘Vinito Andaluz’. Jarraian, runbak, sevillanak… dantzatzeko

15:00 > Bazkaria

16:30 > Puzgarriak umeentzako

18:00 > Sokamuturra

18:30 > ‘Txo Sevilla’ eta talde gonbidatuen ekitaldiak. Ondoren, ‘Romero y Dama de Honor’ eta ‘Premio Naranja y Limon’ sariak banatuko dira

20:00etatik aurrera > Dantzaldia

*Egun guztian zehar, Calesa eta zaldiak Cannon aurreko zelaietan (eguraldiaren arabera)

Apirilak 29, igandea

12:30 > ‘Misa Rociera’

13:30 > Gazpatxo txapelketa

18:00 > Dantza txapelketa

18:30 > Talde gonbidatuaren ekitaldia

*Egun guztian zehar, Calesa eta zaldiak Cannon aurreko zelaietan (eguraldiaren arabera)

Share on Facebook

Merka merke azoka hartuko du asteburu honetan Bermeok. Berton Bermeoko txik-erdi enpresen alkarteak antolatuta, martxoaren 30ean eta 31an eta apirilaren 1ean herriko hainbat dendak produktu ugari ipiniko dituzte salneurri merkeetan. Hona xehetasun guztiak:

Merka Merke azokaren kartela.

Noiz: Martxoak 30 eta 31 eta apirilak 1.

Non: Lameran

Dendak: Txalintxu, Arber, Marian Modas, Itsasora begira, Cotton, Betty Boop, Modas Monica, Panpoxa, Urrats oinetakoak, Aurtxoa, Tonini, Gozo-txo, Decoraciones Rafa, Gloss, Itsaslore, Izarzugaza harategia, Lenceria Ariana.

Ordutegia eta egitaraua:

Barikua, martxoak 30

10:00 Azokearen hasikerea

13:00 Inaugurazinoa eta Bertoneko web orriaren aurkezpena

15:00 Azokea ixten da

17:30 Azokea zabaltzen da

20:00 Karpa barruan, Bertoneko web orriaren aurkezpena Cavagaz ospatuko dogu.

21:00 Azokea ixten da.

Zapatua, martxoak 31

10:00 Azokea zabaltzen da

12:00 Txu-txu trena (15:00ak arte. Ibilbidea karpearen aurrean hasi eta amaituko da)

15:00 Azokea ixten da

17:30 Azokea zabaltzen da

18:00 Txu-txu trena (21:00ak arte. Ibilbidea karpearen aurrean hasi eta amaituko da)

21:00 Azokea ixten da.

Domeka, apirilak 1

10:00 Azokea zabaltzen da

15:00 Azokea ixten da.

Share on Facebook

Bermeo esakera eta izakera propioko herria da eta harro-harro gaude halantxe izatiaz! Baina gure esaera horiek, etorkizuneko gure gazteek ere erabiliko ote dituzte? Herriko euskal berben transmisioak iraun dezan horien ezagutza eta erabilera dira garrantzitsuak; horrexegatik, gaurkoan herriko esaera berezi batzuekin gatoz zuengana.

Joseba Mikel Ugalderen 'Ai gure Bermio' liburuaren azala

Joseba Mikel Ugalderen Ai gure Bermio – Esakerak eta izakerak liburua hartu dugu ardatz, baina zuen ekarpenak jasotzeko irrikaz gaude. Postaren amaieran utzi zuen iruzkina edo Bermeoko Facebookeko orrian. Josebak biltze lan ederra egin zuen libururako baina… agian, leiho ireki honetan, berbakera edo esakera berriren bat aterako dugu

Gaurkoan… Okasiñue!

Okasiñue, folloie edo pellikadie tartean danean botatzen direnak:

Urrun da fitx, betiko ta betiko

Siñuke ibili zara eta begikúnie jarrita

Barreketa gitxi e!

Betondué ipinite hasarre-hasarre

Kaka eitzen tsat

Ama txitxie!

Bermeotarrok, zuen txanda orain, herriak berba ein dezala. Hemen batu barik lagatako zer esakera erabiltzen dozuz okasiñue danien?

Share on Facebook

XIII. mendearen hasieran sortutako Bermeo tradizio luzeko arrantza herria da. Ia 800 urte pasa dira ordudanik, baina hala ere, euskal usadio batzuk bizirik diraute oraindik. Eta nola… bermeotarrek portu aldeko saregileen abileziaz josi dituzte usadioak aro garaikideko oihalera.

Ondo pasatzeko eta jai giroan gozatzeko helburuz, euskaldunon plaza izan ohi zen erromeria berreskuratu dute aurten bigarrengoz. Musika eta dantza aterako dituzte kalera apirilaren 21eko Erromeidxen.

Erromeidxe dantzaldia 2011 Bermeoko Kafe Antzokian ARGAZKIA: Aritz Arrizabalaga

Apirilak 21 ERROMEIDXE – EGITARAUA

12:30etan Bermeoko antzinako bost ateetatik irtenda KALEJIRA jai giroan

SANJUANPORTALE : Sanjuan Portaletik Izaro Abesbatza eta Bermeotarrak Fanfarrearekin kalejira

BEHIPORTALE : Nekazari kalearen hasieran zegoen atetik Musika eskolako trikitilariekin kalejira

SANTABARBARAPORTALE : Nardiz Tar Jon Kalearen hasieran zegoen atetik Alkartasuna Dantza Taldea eta Erraldoien Konpartsarekin kalejira

ERREMEDIOPORTALE : Erremedio kale hasieran zegoen atea, beraz, Fielato Enparantzan hasita Joseba eta Andoni trikitilariekin kalejira

ERRENTERIAPORTALE :  Ibarluzeatar Kosme kale hasieran zegoen atea, handik hasita Kankinkabara Txistu Taldearekin kalejira

14:00etan Talde guztiak Goiko plazan elkartuko dira. Bertan dantza batzuk egingo dira Arostegitik behera elkarrekin abiatu baino lehen. Portutik eta Gaztelutik jarraituko du kalejirak.

15:30etan Bazkaria frontoian. Tiketak eskuratzeko: martxoaren 22an eta 23an, arratsaldeko zazpietatik bederatzietara bitartean Kultur Etxean. Prezioa: 20€

Arratsaldean… Bazkalosteko Kantak eta dantzaldia gau aldera arte

* Jaialdi – Euskal Jantziakekoek emandako euskal jantziaren zozketa egingo da egunean zehar.

Eguna heldu bitartean eta giroa prestatzeko asmoz, erakusketa eta hitzaldia ere antolatu dituzte:

Euskal Jantzien erakusketa : Bermeoko Irrintzilariak taldearen eskutik, partikularren eta Alkartasuna Dantza taldearen erropak izango dira ikusgai. Martxoaren 20tik apirilaren 1era, Nestor Basterretxea aretoan, 19:00-21:00h.

Hitzaldi-tailerra : Euskeraz Berbetan taldearen eskutik, Ane Albisuk, Gure jantzi eta janzkerak azken 100 urteotan: Atontzearen garrantzia hitzaldia eskainiko du. Martxoaren 21ean, Nestor Basterretxea aretoan, 19:00h.

Zahar eta gazte dantzan Bermeoko Erromeidxe 2011an ARGAZKIA: Aritz Arrizabalaga

Lehen Erromeidxe Kafe Antzokian

Kankinkabara Txistu Taldeak eta Alkartasuna dantza taldeak abiatu zuten iaz, lehenengo Erromeidxe. Bermeoko Kafe Antzokian izan zen dantzaldia eta 200 lagun inguru batu ziren bertan dantzarako prest. Oholtza gainean Musika Eskolako trikitilariak, Bermeoko Gaiteruak eta Kankinkabara Txistu Taldea aritu ziren, 40 bat lagun orotara. Gustora asko igaro zuten arratsaldea bertaratutakoek eta etorkizunean, jai handiagoa osatzeko gogoa adierazi zieten askok antolatzaileei. Nahi horri erantzuteko asmoz, aurten, Bermeon erroldatuta dauden Kultur talde guztiei luzatu zitzaien parte hartzeko deia eta ondorioz, herriko hamabi taldek elkarlanean antolatu dituzte egun osoko jaialdia zein ekimen osagarriak. Antolatzaileak: Haitz nagusije, Bermeoko irrintzilariak, Alkartasuna dantza taldea, Erraldoien konpartsa eta gaiteroak, Euskeraz berbetan, Erdu txo! Gazte asanblada, Izaro abesbatza, Bermeotarrak fanfarrea, Bermeoko abesbatza, Musika eskolako trikitilariak, Joseba eta andoni trikitilariak, Kankinkabara txistu taldea, Zantzue kultur elkartea, Erroxape elkartea. Halaber, Erromeidxe osatzeko, Jaialdi – Euskal Jantziak eta Bermeoko Udalaren laguntza ere izan dute.

Honenbestez, badakizue, erakusketan ideiak hartu, hitzaldi tailerrean zapia eta jantzia atontzen ikasi eta baserritar edo arrantzale jantzita… apirilaren 21ean denok Erromeidxera!

Share on Facebook

Bermeo herrri ederra dela ez daukagu zalantzarik. Eta bermeotarrak mundialak direla… are gutxiago! Hori bai, badagoz bermeotar batzuk beste batzuk baino ezagunagoak direnak eta nahita, edo nahi gabe, gure herriaren izena ‘mugaz gaindi’ zabaldu dutenak. Nortzuk dira bermeotar ospetsuak?

Ezingo genituzke guztiak post  bakar batean bildu, beraz, gaurkorako aukeratu ditugun bermeotarrak bi dira. Emakumea lehenengoa eta gizonezkoa bigarrena. XX. mende hasierakoa bata eta amaiera aldekoa bestea. Biak zein baino zein bere lanetan. Hona hemen…

Ilaski Serrano

Gazte-gazte hasi zen Ilaski komunikazio lanetan. 21 urterekin eta karrera amaitu gabe zuela, Gaztea irrati-katean hasi zen lanean esatari bezala, oraindik Euskadi Gaztea deitzen zen garaian. Geroago, telebistako lanei ekin zion, hala ere, irratia baztertu gabe. Telebistan saio hauetan ikusi izan dugu: KTM!, Betizu Gain-Gaina, Betishow, Betizu Arena, Betimu karaokea, Kuxkuxeroak.

2006ko urtarriletik hona berriz, ETB1-eko Mihiluze saioko aurkezlea da Kike Amonarrizekin batera. Baina hori ez da dena… gure bermeotarrak gogotik egiten du lan eta mikrofonoa maite du oroz gain. Horregatik, 2011ko irailetik hona, Euskadi Irratiko Oilategia irratsaioa ere aurkezten du Mikel Pagadizabal eta Joan Iraolarekin batera.

Ilaski Serrano, ETB-1eko Mihiluze saioko aurkezlea ARGAZKIA: eitb.com

Nestor Basterretxea

XX. mende hasieran jaio zen, 1924. urteko maiatzaren hasieran, artista eta zinegile bermeotarra. Herrian pasa zituen bere bizitzako lehen uretak baina Gerra Zibilak erbesteratu zuen familiarekin batera. Frantziara joan ziren lehenik eta Bigarren Mundu Gerrra tartean, Argentinara alde zuen azkenik, 11 urte pasa zituen kontinentearen beste alde hartan.

Bertan Emilio Pettoruti pintorearekin hezi zen eta publizitate arloan egin zituen bere lehen lanak. 1951. urtean berriz, Jorge Oteizak bultzatuta, Arantzazuko basilikako kriptako horma-irudiak egiteko lehiaketara aurkeztu zen. Aurkeztu eta irabazi.

1958. urtean Irunen ezarri zuen bizitokia eta bertan, eskulturari ekin zion, hala ere, pintura baztertu gabe. Bere eskultura-ibilbidea oparoa izan da, azpimarratzekotan; euskal kosmogonia arkaikoaren jainkoen inguruan haritz zurean eginiko Serie Kosmogonikoa delakoa, eta Eusko Legebiltzarreko eskultura-ikurra aipatu behar dira. Gaur egun, Hondarribian, Argentinan eta Estatu Batuetan bere hogeita hamar bat artelan daude leku publikoetan jarrita.

Industria diseinuan ere aritu izan da, batik bat, altzairu arloan. Arkitekturan eta literaturan ere lan batzuk jorratu ditu.Eta Basterretxea, ezbairik gabe, Euskal Herriko zinematografia modernoaren aitzindari da. 1963an Operacion H film laburra egin zuen, Juan Huarteren enpresen taldea sustatzeko. Frontera Films Irun ekoiztetxea sortu zuen 1964.urtean Fernando Larrukert irundarrarekin batera. Eta Pelotari (1964) (Zinemagintzarako Lehen Sari Nazionala), Alquezar eta batez ere bere lan nagusia Ama Lur (1968) (Donostiako Nazioarteko Zinemaldian Gipuzkoako Ateneo Saria) filmatu zituzten.

1972tik Hondarribian bizi da Idurmendieta baserrian eta bertan, bere obraren zati garrantzitsu bat ikus daiteke.

Nestor Basterretxea bere obrari begira ARGAZKIA: eitb.com

Share on Facebook

Bermeo 1912. urteak markatu zuen; Bermeoko galernak. 100 urte pasatu dira ordutik, baina mendeurren honetan ere betirako izango da abuztuaren 12a bermeotarron oroitzapenean. Arrantzale familiek kirioak dantzan izan zituzten gau malapartatu hartan. Uda garaiko berezko poztasunak ez zuen argirik ikusi abuztuaren 12an, enbatak ezustean harrapatu baitzuen Kantauri aldeko kostaldea.

Bermeoko galerna 1912. urtean, Bermeoko portua irudian

Galernaren urteurren ekitaldiak antolatzen hasi ziren 2006. urtean, urtero itsasoan bizi direnak eta bertan sufritzen dutenak omentzeko asmoz. Aurten galernaren mendeurrena izango da eta oroitzeko hainbat ekitaldi antolatuko dira: sasoi hartako jantzien tailerrak, itsasontzien prozesioa, lore eskaintza eta estrainekoz bereziki, antzerki musikala.

Hasi dira dagoeneko herritarrek antzeztuko duten antzerki musikalerako kastingak eta arrakastatsu abiatu da ekimena. 100 bat bermeotar pasa dira dagoeneko baina parte hartu nahi duenak, Kultur etxera dei dezake oraindik ( 94 617 91 57 ), aste santuko oporren bueltan hasiko baitira entseguak. Antzerkia 2012ko abuztuaren 11an taularatuko da, larunbat iluntzean.

Bermeoko galerna 1912 - Orduko 'Victoria' txalupa portuan

Galerna madarikatua aurreikusi gabe iritsi zen kostaldera eta abuztuaren 12tik 13rako gaua, amaigabeko gau bihurtu zen Bermeoko portuan. Hegaluze bila zebiltzan hamar ontzi ondoratu eta 143 bat lagun itota hil ziren, 97 inguru -gehienak- herrikoak. Orotara, bermeotarren % 1 eraman zituen galernak betiko eta haien senideek itsasora begira egiten dute negar ordutik, haien gorpuak ez baitzituzten berreskuratu.

Denbora pasa arren, herria hunkitzen duen gertakaria da gaur egun ere. Horregatik, mendeurreneko ekitaldiak bereziak izango dira aurten Bermeoko herrian.

Share on Facebook

Bermeoko inauteriak 2012 otsailaren 18an hasiko dira eta otsailaren 21ean amaitu. Bermeoko bizilaguneak aurten ere, euren mozorroekin herriko kaleak kolorez beteko dituzte eta bihartik asteartera izango da non gozatu! Inauterietan gure herrian zer dagoen jakin nahi al duzu? Hona hemen Bermeoko inauteriak:

EGITARAUA

OTSAILAK 18, ZAPATUA

LANTZEKO INAUTERIAK

ALKARTASUNA DANTZA TALDEA ETA BERMEOTARRAK FANFARREA

Herriko kaleetan zehar / eguerdiko 12:30ean

Antolatzailea: Alkartasuna dantza taldea

OTSAILAK 19, DOMEKEA

TOSTADA TXAPELKETEA

Ogizko eta Ahiezko modalidadeak

Goiko plazan / eguerdiko 12:00etatik aurrera

Sari banaketea eguerdiko ordu 1:30ean

Antolatzailea: Haitz Nagusije

UMEENTZAKO DANTZALDIA

IZENBURUA / TALDEA

Bermeoko Kafe Antzokian / eguerdiko 12:00etan

Sarrerea: 4€

Antolatzailea: Jai Batzordea

3. ADINEKOENTZAKO DANTZALDIA

BELLE&BLUE HIRUKOTEA

Bermeoko Kafe Antzokian / arratsaldeko 6:00ean

Mozorrotuta datozan nagusiei tostadak emongo jakez. Mozorrotuta etorri!!!

OTSAILAK 21, MARTITZENA

UMEEN KALEJIRAK, goizeko 11:00etatik aurrera, herriko kaleetan zehar.

SAGRADO CORAZON IKASTETXEA, ELEIZALDE IKASTOLEA eta SAN

FRANTZISKO HERRI IKASTETXEA

TABERNA ETA DENDEN XI. MOZORRO TXAPELKETEA

Martitzen goizean epaimahaiak irabazleak zeintzuk diran erabagiko dau

KALEJIREA: ROCKBOX eguerdiko ordu 1:30etik aurrera

Herriko kaleetan zehar

UMEENTZAKO JOKOAK ETA FM DANTZALDIA

Lameran / arratsaldeko 4:30etik 8:30era

Share on Facebook