Arrasate-Mondragón

Topagunearen ekimenez aurten ere laburmetraiei pantaila handia jarriko diegu Arrasaten, Film Laburren VIII.Zirkuitua Arrasatetik pasatuko baita.

Bergararra dela esaten badugu eta ‘Aupa Etxebeste’ film luzearen egilea dela esatean, argi dago, ‘Kixi’taz hitz egiten ari garela, bere laburmetraia ere Arrasaten ikusteko aukera izango dugu, ‘Artaldea’. Asteon, Beñat Mendietak honako oharra utzi digu Arrasateko horman: ‘laburmetraiak gustuko dituzu? herrian bertan aukera paregabea duzu!!! Laburbira Arrasatera iritsi da!!!!’ Albiste pozgarri honetaz gehiago jakiteko, Asier Altunabertan utziko dugu esteka.

Bestelakoak ere izan dira gurean, eta tartean Eutsi Mondrak utzitako hausnarketa: ‘maiatzeko hauteskundeen harira, blog ugari hasi dira sortzen herritarren partehartzea bultzatzeko. Momentuz honako hauek aurkitu ditut; Mondraberrik sortutakoa,  Aritz Arrieta PSOE-ko hautagaiarena. Beste batzuk izango direlakoan nago. Ezagutzen al dituzue zuek?’ Eutsi Mondrak airean utzitako galderaren erantzunik baduzu, badakizu gurean ongi etorri izango zarela. Bitartean, hemen jarraitu dezakezu, 2011ko udal eta foru hauteskundeen albiste eta bideoak.

Gaurko beste hitzordu bat ere badago gurean, herritik atera gabe eta gainera aurpegian irribarrea izateko oparia barne. Maite Bazterretxeak gaurko plan ona eta barre egitekoa gomendatu digunez, guk zuentzat ekarri dugu proposamena bertan duzue. Bakarrizketak nagusituko dira goizaldeko 01:00-ak bitartean Fredy & Carola Maldonado herrian izango baitira.

Asteburua pasatuko da, eta egunak joan eta etorri honetan, oporretara begira jartzeko unea ere iritsi denez, oso ondo datorkigu, Joseba Uriartek zabaltzen digun leihoa: ‘ardoa maite baduzu eta aste santurako planik ez baduzu….Arrasatetik enobusa aterako da. Errioxatik bira egiteko aukera paregabea. Topa!’ Asmoa gustuko baduzu, ez duzu oporren zain egon beharrik, bestelako datak ere eskaintzen baitira, hemen duzu lotura.

Bukatzeko guk topatutako ekitaldia utzi dugu, apirilaren 13an Erizaintza Laguntzailea protagonista izango baita, hori dena Arizmendi Ikastolaren ekimenez, eta parte hartu edo bertaratu nahi izanez gero, Arrasateko Kulturaten topo egingo dugu.

Honenbestez, laster arte esango dugu, eta badakizu Arrasateko horman edota gure herriko blogean topo egingo dugula.

Share on Facebook

Kaixo guztioi!!!

Bihar jada, San Joan bezpera ospatuko dugu eta horrekin batera, iazko urte osoan zehar kezkatu gaituztenak atzean utziko ditugu.

Papertxo batean idatzi eta sutara!!!!

Hemen dugu, jaietan buru belarri sartu aurretiko laburpena, Arrasateko Orrialdeak daukan hesian jasotakoen bilduma prest dago beraz.

San Joanak 2010 kartela

Haur dantzarien egunean, 400 ume izan ziren dantzan. Iparraldekoak izan ezik, gainerako herrialdetatik etorritako dantza taldeen ordezkariak elkartu ziren Arrasaten; Otsagabia, Aramaio, Durango, Legazpi, Pasaia, Soraluze, Oñati, Aretxabaleta eta Antzuolako gaztetxoak izan ziren zehazki. Gehienak, beraz, gipuzkoarrak.

Urte guztian ikasitakoak praktikan jarri zituzten Dragoi gimnasia taldeko neskek egubakoitzean. Lagunen eta gurasoen aurrean ibili ziren; erakustaldia amaitzeko gutxi falta zela euria hasi zen eta uste baino lehenago bukatu behar izan zuten.

Hiru urre ekarri dituzte arrasatearrek Espainiako atletismo txapelketatik. Maialen Axpek pertika saltoan urrea irabazi zuen, 3,65 metroko saltoa eginda. Iñigo Uribarrenek ere urrea salto hirukoitzean, 14,60 metroko saltoa eginda. Salto hori haizea aldeko zuela egin zuen, bere marka onena 14,26an dago. Azkenik, Euskadiko 4×100 errelebo lasterketan urrea lortu zuen Eukene Dorronsorok parte hartu zuen laukoteak.

Badatoz  San Joanak: koadrilen bazkarian lepo beteko da gaztetxea, eta ez dago guztiendako txartelik. Heltzear dira San Joan jaiak eta gogor hasiko diren itxura dute. Izan ere, koadrilen bazkarirako txartelak salgai jarri bezain pronto agortu ziren eta askok ezin izan dute txartelik lortu. Txartela lortu ez dutenen artean, gazte batzuek kexa azaldu dute, diotenez, txartel asko “erreserbatuta” zeudelako. Kontuak kontu, eguaztenean, hau da, San Joan bezperan, giro paregabea ziurtatuta dago, egun osoan.

"Mondra"ko diseinua ikuzkizun. Argazkia: Goiena

‘Mondrako’ diseinuak ikuskizun bilakatuta. 3 aretoa beteta, Amaia Albes eta Ane Garaik egindako lana txalo artean hartu zuten. Arrasateko moda urbanoa eta rockeroa ekarri zuten ibiltokira gazte arrasatearrek. Guztira, 13 jantzi eta sorpresa bat: ‘body painting’-a zeraman kutsu mitologikodun modelo bat…

Pilota San Joanetan herrian bertan. Irujok Barañainen, Sopelanan, Arrasaten eta Mungian jokatuko du ostegunetik asteartera bitarte.

Bergarako zinegile ospetsua lanean ari da beste behin ere, atsedenik hartu barik dabil “Kixi”. Asier Altuna ‘Artalde’ film laburra Bilbon filmatzen hasi da.  ‘Artalde’ pelikularen filmaketa hasi da. Protagonista Pako Sagarzazu aktorea da. Donostiarrak artaldea galdu duen artzainaren rola beteko du eta inguruan dituen herritarrak deituko ditu pertsonez osaturiko artaldea osatzeko.

Herritik hirira egun pasa joaten direnentzat ere proposamen interesgarria topatu dugu: Iñigo Arregi eskultorearen lanak Donostian daude ikusgai.

Datu demografiko gaurkotuak ere jaso ditugu hileon, eta hemen dituzue: Arrasatek 22.011 biztanle ditu.

Esther Martinek horrela idatzi du Arrasateko Orrialdeko Hesian: “Laster San JuanaK! Ondo pasau…..”

Carlos Fernandez Secok ere parte hartu du eta zera dio berak: “my village”

Udal zerbitzu batzuk itxi egingo dituzte datozen egunotan, jaiengatik. Datozen jaiegunei begira Udalak gogora ekarri gura du udal zerbitzu batzuek ordutegi bereziak izango dituztela.

Uztailean herrian geratuko diren gaztetxoek ez dute aspertzeko aitzakiarik: Udaixe dator, bosgarrenez. Txatxilipurdik prestatutako planekin etxeko handiek lana egiten duten bitartean, gaztetxoek ere elegante!

Eskerrik asko zuon kolaborazioagatik eta laster arte agurtzen gara.

Ondo pasatu San Joanak eta laster laburpen berezi gehiago izatea espero dugu.

Share on Facebook

Eguerdi on danori!

Astea bukatzen denez, Arrasateko Horman izandako emarien laburpena prestatu dugu.

Mintza Eguna

Gure ohiturari jarraituz, ospakizunekin emango diegu hasiera. Al-Andalus elkartea 21. Aste Kulturalean murgilduta dago eta Andalusen Kultura Astea agurtzeko: Azken txanpan sartuko da Al-Andalus elkartearen Kultura Astea. Ardo dastatzea egiten ari dira orain bertan eta 60 lagunentzat lekua egin zuten, asmoa ez zen-eta jendea modu masiboan erakartzea. Bada, erabat bete da zerrenda, aste osoan zehar egin diren ekitaldiek izaten ari diren arrakastaren adierazle. Eta oraindik ez da bukatu, aste bukaera osoa falta da.

Bestelakoen artean, beti izaten dugulako zer ikasi, Mendi meteorologiari buruzko ikastaroaren berri eman nahi dizuegu, Besaiderekin egingo denez, jarraian duzue informazio gehiago. Besaide Mendizale Elkarteak Mendi Meteorologoari buruzko ikastaroa antolatu du. Gloria Latasa izango da irakaslea, klimatologian eta meteorologian espezializatua dagoena. Ikastaroa ekainaren 1, 8 eta 17an burutuko da arratsaldeko 18:30 etatik 21:00 etara, Kulturateko Jokin Zaitegi gelan. Prezioa: 40 euro bazkideak eta 45 euro ez bazkideak. Izen emateak: gaur eta bihar, Besaide Mendi Elkartearen egoitzan (Garibai 3, 943 77 30 66), 19:30etatik 20:30etara.

Alfredo Villar aurkitu dute, Tolosako (Frantzia) ospitale batean dago.  San Juan de dios ospitale psikiatrikoko Alfredo Villar gaixo arrasatearra aurkitu dute. Senitartekoen bozeramaile Andoni de Bedialaunetak jakinarazi duenez, Frantziako Tolosa hirian dago, bertako ospitale psikiatriko batean. Familiak oraindik ez daki zein den ospitalearen izena.

Etxeko txikienentzat ere bada zer apuntatu asteburu honetan. Txatxilipurdik haur eta gurasoendako jolas tradizionalak antolatu ditu. Maiatzaren 22an, zapatuan, egingo dira haur eta gurasoendako jolas tradizionalak 11:30etik 13:30era, Santamañako ludotekan. Txatxilipurdiren helburua da, familia bidezko hizkuntza transmisioa lantzea. Oraingo honetan, aspaldiko jolasekin (peontza, txapak, kanikak, txingor jolasa, kromoak…) aritzeko aukera izango dute 3-12 urte bitarteko haurrek eta hauen familiek.

Aretxabaletako Aratz elkartea txapelarekin

Atzegiren filme labur lehiaketa irabazi du Aratz elkarteak. Atzegik antolatzen duen filme laburren 3. lehiaketako irabazlea izan da Aratz, Aretxabaletako Atzeratuen aldeko elkartea. ‘Are-Baleko Sekretua’ izeneko lana aurkeztu zuten aretxabaletarrek eta aurreko edizioan moduan sari nagusia irabazi dute oraingoan ere.

Autoetako lapurretek ez dute etenik.  Aparailu elektrikoak eramateko asmoz autoetan egiten diren lapurretek ez dute etenik. Kaltetuetako batek adierazi duenez, eguazten goizaldean gutxienez lau autotan sartu ziren lapurrak eta guztietan eraman zituzten musika erreproduzigailuak.

Trafikoko Lege berriak eragina izango du Arrasaten ere.

Mariasun Pagoaga aktorearen “80 egunean” filma jada izan du bere aurre estreinaldia eta asteburu honetan zinema aretotan egongo da ikusgai.

Musakolako jaiak

San Isidro jaiak igaro berri diren honetan, ez ditugu atzean utziko eta oroimenean gordetzeko erretratua ekarri dugu. 170 lagun bildu ziren herri bazkarian eta festak egun guztian zehar iraun zuen.

Aurrera begira jarriko gara eta ekainean ospatuko den ekitaldi berezirako prestaketak egiten jarraituko dugu. Mintza Egunerako bazkarirako txartelak salgai baitaude.

Igor Leturia: Hizkuntza Teknologiaz ari da hurrengo bideoan ETBko Nick dut nik saioan.

Igor Leturia

Asteburuan kontzertuetaz gozatzeko aukera egoten denez, Arrasateko Anger taldearen jarraitzeek Etxarrira joan beharko dira.  Arrasateko Anger taldeak kontzertua eskainiko du igandean, 19:00etan, Etxarriko plazan. Arrasateko taldeak hamar urtetik gora darama sormena landuz; hamarkada bat erritmo oldarkorrak eta melodikoak uztartuz. Metal kutsuko doinu gogorrak lantzen hasi zen eta poliki-poliki bestelako sonoritateetan murgildu da laukotea.

Musika gehiago!!! Arrasate Musikaleko biolinisten kontzertua Arrasate Musikalek hiru kontzertu antolatu ditu datozen egunetarako. Hasteko, gaur ostiralean musika eskolako biolinistek joko dute San Juan parrokian arratsaldeko zazpietako mezaren ostean. Banakako eta taldekako interpretazioak egongo dira. Maitzaren 25ean tronpa eta tronpeta ikasleek kontzertua emango dute Kulturaten (18.00). Eta 27an kitarrako ikasleak arituko dira Kulturateko areto nagusian arratsaldeko 18.30etan hasita.

Goiena Telebistak 2.000 ikus-entzule irabazi ditu urtebetean Debagoienean. CIES erakundeak kaleratu ditu udaberriko neurketaren emaitzak. CIESek Hego Euskal Herriko hedabideen audientziak neurtzen ditu: entzule, ikus-entzule eta irakurle kopurua. Urtean bi neurketa egiten ditu: udaberrian eta udazkenean. Goiena Telebistaren eta ‘Goienkaria’-ren ikus-entzule eta irakurle kopuruak ere neurtzen ditu.

Eskerrik asko guztiagatik eta laster arte.

Share on Facebook

Zuhaitz Ezpeleta

Kaixo guztioi!

Orain, tril egiteko beste toki bat, dugunez, Arrasateko Taldean kontatutakoaren zati handi bat Blog-ean sartzeko ahalegina egiten jarraituko dugu.

Maritxu kajoi egunerako 2010 lagun batu nahi ditugu eta bide onetik bagoaz ere lagun gehiago behar ditugu eta denak ongietorri izango dira.

Hasteko sari eta ospakizunekin ekingo diogu laburpenari.

Jon de Andres ‘Oh Happy Day’ saioko irabazle  Jon de Andres arrasatearrak ETB1 telebista kateko ‘Oh Happy Day’ saioa irabazi du, Astigarragako abesbatzarekin. Zapatuko finalean Astigarragako, Eibarko eta Mallabiako abesbatzak lehiatu ziren, baina epaileek Astigarragari eman zioten saria, eta tartean zen Jon de Andres.

AEDk literatura lanik onenak saritu ditu Egubakoitz arratsaldean banatu zituzten Arrasate Literatura Lehiaketetako sariak. Kulturaten zuten hitzordua, 18:00etan, eta areto nagusia guztiz bete ez bazen ere, eserleku gutxi batzuk baino ez ziren geratu hutsik.

100 urte bete ditu Alejandra Zaldunbide Mallabiak, Mikel Zulueta zenaren ama da eta benetan oso andra bitxia, bere jubilazioan yoga, eta bestelakoak praktikatzen eman du, bestela nola iritsi liteke 100urte betetzera? Zorionak benetan! Besarkada bero beroa.

Alejandra Zaldunbidek 100 urte bete ditu

Aurrerago ere izango ditugu beste ospakizun eta urteurren batzuk baina orain pantaila handirako egindako lanik onenak ezagutuko ditugu. Huhezinema 2010: ‘Bizitzako Kopa’ lanak irabazi du euskarazko film labur onenaren saria  Pasa den ostiralean egin zuten Huhezinemako sari banaketa ekitaldia Aretxabaletako Arkupen. Enara Goikoetxearen ‘Bizitzako Kopa’ laburrak irabazi zuen Goiena Saria euskarazko lan onenari. Istorio berezia kontatzen digu zuzendariak: Alargun baten bizitza monotonoan gertatzen den ezusteko batek familia osoa batzen du eta monotoniatik aterako du emakumea. Finalista izateagatik irabazitako 400 euroez gain, beste horrenbeste irabazi zuen Goikoetxeak sari honi esker.

Sari gehiago jasotzeko ere badira, eta horretarako herriko jaietarako kartel lehiaketan parte hartu besterik ez duzu. Zabalik dago sanjuanetarako kartel lehiaketarako izenematea. Bi hilabete eskas falta dira san joanetarako, eta urtero legez, Udalak lehiaketa abiarazi zuen joan den astean etxez etxe bidaliko den egitarauaren azalaren eta jaietako kartelaren irudia aukeratzeko. Kartelak honako testua jaso behar du derrigorrez: ‘2010 San Joan jaiak Arrasate‘.

“750. urteurrenak guretzat ez du ospakizun zentzurik; garai hartan konkistatuak izan ginen”  ‘Karta Pueblak 750 urte, ospatu ala ez ospatu?’ izenburupean, hitzaldia eman zuten joan den eguaztenean Beñi Agirre, Mirari Bereziartua eta Angel Rekaldek. Interes handia piztu zuen hitzaldiak; bilkuren aretoa lepo bete zen. Idatzita ez dagoen Arrasateko historia ezagutzeko balio izan zuen saioak. Angel Rekalde (Tolosa, 1957) soziologoarekin egon gara hitzaldian ateratako ondorioez berbetan.

Beste ospakizun handi bat, bi urtetik behin egiten dena. 300 Arantza, Arantzazuko amaren ‘magalean’.

Gure ondorengoei planeta garbiago bat uzteko egiten ditugun urrats guztiak gutxi izango direnez…bestelakoak antolatu behar dira, esate baterako: ‘Ekokaleak’ lehiaketak arrakasta izan du. Arrakasta handia izan du Arizmendi ikastolak aurten bigarren aldiz antolatu duen ‘Ekokaleak’ izeneko lehiaketak. Espainiako hainbat tokitako ikastetxeek eta ikasleek hartu dute parte, eta zakarrontzi baten diseinua egin behar izan dute bigarren aldi honetan, beti ere iraunkortasun irizpideak kontuan izanda. Lehiaketako sariak apirilaren 30an egingo duten eraikuntzari buruzko jardunaldian banatuko dituzte.

Natura asko maite dutenen artean mendizaleak ere badira eta herrian badugu benetan matxinsaltoa ematen duen bat. Zuhaitz Ezpeleta: Arrasate erditik Udalatx puntaraino 37 minututan.

Aipatu berri dugun tontorrak bere tokia hartu nahian dabil. Udalatx Biotopo Babestua izendatu guran.

Skinhead itxurako 15 bat ezezagunek Never Surrender taldea erasotu dute, Gasteizen Aurrekoan Des kontrol taldearekin Barakaldon gertatu zena or ain Arabako hiriburuan herriko beste talde batekin. Arrasateko Never Surrender taldeak kontzertua eskaini zuen atzo Gasteizko gaztetxean, bertako 22. urteurrenaren ospakizun ekitaldien barruan antolatutako kontzertuan. Bada, kontzertua eman ostean eta musika materiala kotxeetan sartzera zihoazenean, skinhead itxurako 15 pertsona inguruk eraso egin zituzten.

Aurrera begira jarriko gara eta Udan ume sahararrak etxean hartzeko kanpaina abian dela jakinaraztera gatoz.

Animuak denok ondo hartzen ditugulako: Realearekin bat!!! Primeran!!!

Arrasaten, emakumeak benetan ondo ari diren isla. Ekitaldi hunkigarri eta jendetsua, Ekin-en 15. urteurrenean.

Andre ezagunenen bizitzak eta datuak hartuta jolasa egin dute. Trivial feminista bat aurkeztu dute, emakumea protagonista duen jokoa, ikusi bideoa (jatorrizkoa, gaztelaniaz) Arrasate, Basauri, Ermua, Ondarroa, Zierbena eta Uribe Kostako mankomuniateak dira izan dira trivial feminista honen sustatzaileak.

Kontu eta kantu asko izan dira asteon Arrasateko Horman baina guk hauek batu ditugu azken laburpen honetan.

Hurrengoan ere Taldeko Horman edota Blog-ean elkartuko garen esperantzaz agurtzen gara.

Share on Facebook

Kaixo guztioi!

Astelehen on danori!

Udaberrian buru belarri sartuta, tenperatura gozoak eta giro ederra izango dugu baita datozen egunetan ere.

Iban del Campo zinemagilea

Orain hasteko, Arrasateko taldean jasotako emarien laburpena izango dugu eta eze baino lehen bazen behin…

‘La Cenicienta que no quería comer perdices’ ipuinaren egileen elkarrizketa, Liburua orain euskaraz ere topatuko duzu.

Liburuetatik larregi urrundu barik, Kanpazarren San Jordi eguna ospatu dute.

Liburuetatik ezin ihes egin, baina oraingo honetan, liburutegian edota Santa Barbaran ikasten, Huhezik master berria eskaintzen du.

Karta Pueblaren 750. urteurrenaren inguruko hitzaldiak. Hirigutunaren 750. urteurrenaren inguruko hitzaldia

Putusein fanzine berria aurkeztu dute Gaztetxean.’Putusein’ fanzinea eta ‘Ekintza zuzena’ aldizkariaren azken alea aurkeztu dira. Eta Rud-ek berak horrela gehitu zuen “PUTUSEIN, izen honek oso oroitzapen onak ekartzen dizkit”.

Gaur, Gernikako bonbardaketaren 73.urteurrena betetzen denean, gurean, Arrasaten, jada izan dugu, Amaia Antzokian bonbardaketa dantzaren bidez erakutsita.

Datu historikoekin jarraituko dugu eta oraingo honetan: 1934ko iraultza Arrasaten.

Lagun berriak ere izan ditugu: Euskonews Gazteak zera gehitu zuen gure Horman “Iban del Campo arrasatearrarekin hitz egin dugu Euskonews Gaztea. Iban del Campo zinemagilea “Aperitifa”n Lo bakarrik, Ice dream edota Dirty Martini bezalako film laburren zuzendaria da Iban del Campo Arrasatearra.

Juan Ramon Garairi elkarrizketa Radio Euskadin (Bideo bidezko audioa).

Iñaki Martiarena eskiatzaile itsua, sendo Espainiako txapelketan. Guztira 60 eskiatzaile aritu dira maldan behera, eta Arrasatekoek postu nabarmenak lortu dituzte: Slalom proban 10. postua eta proba erraldoian 9. postuan.

Musika, musika!!! Ekainaren 28an San Mamesen egingo dute kontzertua. AC/DC kontzerturako sarrerak salgai, oraingoan arazo barik.

Bukatzeko, krisi garai honetarako bestelakok alternatibak. Gelmako 80 pisu MCCko kooperatibisten artean saltzeko, LKSrekin kontaktatu behar da, Kooperatibistek %10-15eko deskontua izango dute.

Eskerrik asko eskainitako arretagatik eta laster arte.

Share on Facebook

Kaixo!

Zelan joan da astea opor egun piloaren osteko astea? Seguru bati baino gehiagori luze samarra egin zaiola, baina jada, eguena da eta bihar barikua, beraz, pozik egoteko arrazoi gehiago ditugu, triste egoteko baino.

Errepublika eguna pasatu dugu eta biharamonari aurre egiteko, herriko Blog-ean Hesian jasotakoen laburpetxoa prestatu dugu.

Lehenik eta behin, hasteko, Artea eta Internet-a uztartzen dituen ekitaldiaren berri emango dugu ondorengo link-ean. Arte ekitaldia egingo du Ramon Arantzabalek eta Internet erabiliko duz abaltzeko.

Dena artea ez delako, eta arte handia behar izaten delako urteko sasoi honetan, 10-T-a eta bestelako dokumentuak batu eta dena prest duzunean artista izan behar duzu benetan emaitza onak lortu ahal izateko. Horretaz gainera, euskaraz egiteko aukera egon badagoela ere jakinarazi nahi dizugu ondorengo informazioarekin. Errenta aitorpena euskaraz egiteko deia.

Errenta aitorpena egiteko eta baita bestelako kontuetarako NAN dokumentua ezinbestekoa dela dakigun arren, aurten berritzekotan bazabiltza adi!!! Maiatzetik aurrera ez da Nortasun Agiria egingo Arrasaten.

7, bai, guretzat, euskaldunontzat zenbaki magikoa denak asteon albiste ona utzi digu, nahiz eta kaltetuek erne egoteko eskaera egin duten albiste baikorrarekin geldituko gara momentuz. Absolbitu egin dituzte ‘Egunkaria auziko’ bost auzipetuak.

Hementxe duzue aurreko albisteari lotutako beste bat, orain 7 urtekoa da baina gaur ageri da toki guztietan, Fermin Muguruza abeslariak Egunkariaren alde egiteagatik Madrilen jasotako txistuak entzun ditugu.

Albiste onak jaso ditugula ospatzeko, askotan mahaiaren bueltan egiten ditugunez, sukaldera sartuko gara orain, baina amantala jantzi gabe, izan ere elkarte gastronomiko batera sartuko gara eta han gizonezkoek janzten dituzte. Beste albiste on bat kasu honetan emakumeontzat zera da: Gastronomia munduan handienak gizonezkoak diren arren gure herrian ere badugu bestelakorik. Marije Arregi elkarte gastronomiko bateko presidentea den lehenengo emakume arrasatearra da.

Elkartea utzi eta MU-ra joko dugu orain honetan, Mondragon Unibertsitateak eta Euskadi Fundazioak sare sozial bat jarri dute martxan. Bizikleta gainean jarriko gara sare sozialak erabilita azken -azkenen berri izango dugu.

Bilbon pasa den asteburuan aspaldiko autoen rallya egin bazuten, hemen, Arrasaten ez gara atzean geratuko, 1954-ko auto batek paseoa eman baitu Arrasateko kaleetatik.

Orain atseden pixka bat hartu dezakegu, eserlekuan jezarri eta pantaila handira begira jarri gaitezke, proposamen berezia ekartzen duelako ondorengo berriak. Laburbira zirkuituak bederatzi filme labur ekarriko ditu bailarara. HUHEZIko ikus-entzunezko ikasleek antolatutako Huhezinema 2010 euskal filme laburren jaialdiko iragarkia duzu hau…eta jada Huhezinema 2010: aukeratu dituzte Lehiaketa Ofizialerako 10 filme laburrak.

Orain ospakizunen, jardunaldi eta bestelakoen egutegia prestatzen joateko aukera izango duzue, ‘Baobab’ eta ahozkotasun jardunaldiak asteon, Liburuaren Eguna ospatzen hasteko. Hitzaldi zikloa Arrasateko hiri-gutunaren 750. urteurrena dela-eta. Teknologia berriak aztergai Goieskolaren jardunaldietan. Apirilaren 22 eta 23rako deitu dituzte. Gaia aldatuz baina proposamenekin jarraituz,  ‘Emakumeak Mondragoen’ hizpide Ana Isabel Ugalderekin.

Honenbestez eta hurrengo mezura arte edo zuk gurekin bat egin arte laster arte esango dizugu, aldez aurretik eskainitako laguntza guztia eskertuz jakina.

Share on Facebook

Epa danori!

Hementxe gara beste behin ere, Arrasateko taldeak bere Horman jasotakoen emariekin laburpen mezuarekin.

Asko eskertzen dugu zuok guztion partehartzea, horrela, herrian eta baita inguruan gertatzen denaren berri jasotzen dugu.

Oraindik zure post hori jarri ez baduzu, badakizu itxaroten gaudela eta gainera eskuak zabalik hartuko dugula.

Arrasate herria betidanik egon da komunikazioarekin hartu eman zuzenarekin, eta baita komunikatzaile eta era berean errealizadore, kameralari eta abarrak egunero sortzen eta saritzen. Horregatik izango da? Auskalo, baina inoiz baino filme labur gehiagok parte hartu dute Huhezineman.

Orain, denon ahotan dabilen albiste triste eta gogorrarekin jarraituko dugu San Viatorreko nagusiak dio Arregirena kasu bakarra dela.

Bestalde, gaur, eguaztena, hilak 24, deialdi interesgarria luzatu dute gure Horman bertan: Emakumeen taldea sortzeko batzarra egingo dutelako gaur bertan.

Emakumearen arlotik, orain ikasleen mundura egingo dugu salto. Lanbide heziketaren astea antolatu dute apirilerako ‘Formazioa lanerako zure aukera!’ lelopean.

Honenbestez eskerrak emanez eta zuen partehartzea eskertuz agurtuko gara. Ondo izan.

Share on Facebook