Arrasate-Mondragón

Arrasateko Zarugalde kaleko etxebizitza bat erre zen atzo arratsaldean sortuko sutearen ondorioz. Arrasateko orrian bildutakoari jarraiki, horixe izango da aste honetako laburpenaren lehen protagonista, has gaitezen!

Jesus Elorduik partekatu du atzo arratsaldean sorpresaz harrapatu gintuen albistea, hementxe irakur dezakezue. Zarugalde kaleko etxe baten azken soilaruan piztu zen sua eta kaltetuek kontatu dutenez, telebistan izan zuen sorburua. Bertan bizi zen bikotea onik atera zen, sua piztu bezain pronto ohartu omen ziren eta ziztu bizian alde egin zuten kalera. Hori bai, suak guztia erre du baina zorionez, ez du kalte pertsonalik eragin.

Musika kontuak zeharo errotuta daude gure herrian, horren adierazle aste honetan, ETB-3 kateko Sut&Blai saioan, Repelencia taldeari egindako erreportajea. Ikusi al dituzue Imanol, Unai eta Sergio? 12 urteko hirukoteak argi dauka musika atsegin duela eta ondo pasatzeko hartu dituztela instrumentuak eskuetan, a zer ekarria duten gainera! Hauekin etorkizuna ziurra izango da! Hona hemen, Repelencia taldea Sut&Blain:

Duela astebete, urriaren 21ean, Arrasate eta inguruko emakumeentzat Kafe Tertulia antolatu zuen Emakume Txokoak Seber Altube plazan. Arratsaldeko 17:00etan izan zen hitzordua, feminismoaren ekarpenak eta erronkak izan zituzten berbagai. Zer deritzozue ekimenari, bertaratu al zineten? Zuentzat zeintzuk dira arrasaten lehentasunez garatu beharreko erronka feministak?

Arrasateko erronka feministen inguruko kafe tertuliaren kartela

Eta aste honetako laburpena amaitzeko Sustatuk argitaratutako albistea aukeratu dugu. Pasadan astean, Arrasateko orrian komentatu genizuen bezala, gure mugetatik kanpo ere interes handia eragiten du Mondragon korporazioak, horregatik, Ameriketako Estatu Batuetako Moving Images produktora independenteko hiru kazetari kooperatibak bisitatzen aritu dira azken egunetan eta dokumentala egingo dute. Hementxe albiste osoa irakurgai.

Gaurkoz besterik ez, jakizue datorren astean berriz ere bilduko ditugula Arrasateko Facebookeko orrian esandako guztiak. Orain, zuena da hitza! Elkarbanatu albisteak, argazkiak, kexak, iradokizunak… nahi duzuena. Parte hartu! Bitartean, ongi pasa asteburua arrasatearrok, batzuentzat luzea izango da gainera Ongi izan eta laster arte!

Share on Facebook

Aire garbiaren aldeko apustua, Arrasateko artea, eta herriaren promozioa dira besteak beste aste honetan Arrasateko hesiko gai nagusiak.

Aste honetako errepasoari ekiteko, aurrera begira jarriko gaituen asmo batekin egingo dugu. Arrasate Mondragonen emaria da eta berak dionez, gure herriko kutsadura maila altuaren aurrean, airea garbitzen duten eraikinak jarri beharko genituzke, esate baterako Donostiako Larogei enpresaren adibidea jarraitzera gonbidatzen gaitu. Ideia gustuko izanez gero, hemen duzu informazio gehiago eskuratzeko esteka.

Bestalde, Arrasate Mondragonen emari berria dugu, honako galdera utzi zigun: ‘Euskal Herriko, eta batez ere Arrasateko ondare artistikoa ezagutzen duzu? Arte-munduan sortzen diren diru-laguntzak eta bekak interesatzen zaizkizu? Orduan bat egin “Artearen historia” komunitatearekin.’

Aste honetan jasotako ekarpenen artean, Arrasate Mondragon dugu nagusi, berak ekarri baitizkigu kontu eta albiste interesgarri asko. Oraingo honetan, gure herria promozionatzeko, Oñatiarrei begira jarri beharko ginatekeela dio, herrian, turismo, hizkuntzak, edota bestelako ikasketak duten herriko gazteei, beraien arloan lana eskaini ahal izateko. Besteak beste, gureak direnak kontutan hartzeko deia ere egin du Arrasate Mondragonek eta baita beste eskaera hau ere: ‘Mondragoek turismo bulegua bidau, museua bidau, ostalaritza sustatzeko ajentzia bidau, natur baliabideak ustiatzeko ekipamendua bidau.’ Asmo horrekin taldeak herrian diru sarrera gehiago izateko itxaropena ere badu eta horren harira, Beñat Mendietak zera gaineratu du: ‘Asmo berriak eta lanpostu berriak…ia eskutik helduta datozen… ‘ Bertan utzi du Oñatitik ikasten joateko esteka…

Ni Neuk lagunak, bere aldetik, herria promozionatzeko elementu berriak utzi dizkigu, izan ere zera dio berak hesian: ‘Iñigo Arregi eskultore mondragoetarraren erakusketa bisitatzera gonbidatzen zaituztet. Erakusketa martxoaren 12a arte egongo da ikusgai Bilboko Krisis Factory aretoan. Lan bikaina Iñigo, segi horrela!!!’

Bukatzeko, eta aurrekoarekin lotura estua duena dakar oraingo honetan, Ni Neuk lagunak : ‘beste erakusketa bat. Oraingoan Mondragoen bizi den Juan Ayesta beasaindarrarena. Bergarako AROZTEGI aretoan izango duzue ikusgai otsailaren 20a arte. ‘ Egun gutxi geratzen dira beraz, asteburua aprobetxatu beharko duzue horretarako. Hemen duzu erakusketaren inguruko informazioa.

Honenbestez, aste honetako errepasoa agurtuko dugu, eta datorren asteko kontu berriak badituzu, badakizu, hemen bertan, edota komunitateko orrialdean utzi dezakezula zure emaria. Eskerrik asko eta asteburu ona izan.

Share on Facebook

Gabonetako argiak, Museo falta, eta Reala Arrasaten entrenatuko duela dira aste honetako gai nagusiak beste askoren artean Arrasateko Orrialdeko hesian.

Krisia dela eta neurriak hartu behar diren sasoi honetan, gastuak nonbaitetik gutxitu behar eta gabonetako argietatik ere zerbait aurreztuko da. Beñat Mendieta: “Aurten gabonetako argirik ez! Ibai Artek jarritakoarekin aurrera. Krisiari aurre egiteko erabakiak. Ondo deritzot. Ondo iruditzen zait” Eskerrak zerbait egiten den, eta gainera herria ez da inolaz ere ilunpetan egongo, gainera Ibai Artekoek ere jarriko dituzte eta gabon giroa egon, egongo da. Gehiago jakiteko hemen albistea.

Bestelako gabeziak ere badira, baina kasu honetan herriaren eta herritarren kaltetan, Arrasate Mondragonek horrela parte hartu zuen gurean: “10.000 biztaletik gorako herriek museo bat izateko eskubidea dute. Mondragoek 22.000 ditu eta ez du museorik. Arrasaten, eta Leintz Bailaran, Euskal Herriko historiaren aro guztiak biltzen dira. Zergaitik ez du Foru Aldundiak bertan inbertitzen eta behar dan moduko Interpretazio Zentro bat eraikitzen. Donostitik hain h …urrin gaude? Zer egin behar da bertako aurkikuntzak merezi duten bezala musealizatzeko?” Horri Beñat Mendietak horrela erantzun zion: “Ia, ia, Herrian Museoa jartzen duten…etzan batere txarto egongo” eta Arrasate-Mondragonek bere azalpena ere utzi zigun bertan: “Hori da neuk uste dotena. Mondragoen topau eta sortu dien gauza guztixak herriko jendiai eta bisitariei erakusteko. Lezetxikiko Homo Heidelbergensis-aren humeroa.Lezetxikiko Homo Neanderthalensis-en hagin eta zintzilikarixak. Lezetxikiko hartzak eta leize lehoiak. Labeko Kobako Homo Sapiens-ak zizelkatutako harriak (Euskal Herrian aurkitu den arte adierazpen zaharrena dela uste dot). Larragaingo aizkora, brontze arokoa berau. Murugaingo esparru gotortua. Burdin Aroko herrixka. Garagartzako erromatar garaiko meategia. Goi Erdi Aroko Arrasate herrixkaren gaztelua.Behe Erdi Aroko Mondragón hiribildua. Meatzaritza, burdina, olak…Olen desagerpena. Guerrateak. Gerra Diputazioa Mondragoen.XIX. mendeko industria-iraultza. Zerrajera. Viteri Eskolak. XX.mendeko industri iraultza.Gerra Zibila. Kooperatibismoa. Arizmendiarrieta. Mondragon Unibertsitatea….Guzti hori eta askoz ere gauza gehiago konta daitezke museo baten eta garai guzti horietan Mondragoe adibide ezin hobea da Euskal Herriko historia guzti-guztia laburbiltzen duelako. Baina noski, Donostiatik urruti egoteak suposatzen dau bertan ibertsio gutxiago ikustea. Nazkatuta nau Foru Aldundikoekin, eurentzat mundua Donostian hasi eta Zarautzen bukatzen baita, baina gero, gure dirua bildu gustora itxen dabe.” Museoaren kontuarekin gora eta behera gabiltzan honetan, Amaia Fernandezen emaria ekarri nahi izan dugu: ” Arrasatek asko dauka erakusteko eta Museoa ez legoke batere txarto egongo. Ia Mondragoe kontutan hartzen dabien…..”Museoaren eta historiaren gainekoen berri izateko.

Kultura kontuak alde batera utziko ditugu, une batez, eta kirola aipatuko dugu. Amaia Fernández: “Reala ikustera joan eta partida galdu arren, lagun artean ondo pasatzeko aukera egon da asteburu honetan. Zuk ere Reala jarraitzen duzu? Toki guztietara joaten zara?” Gure taldea bada, beraiekin egon behar dugu garai on eta baita txarretan ere bestela ze jarraitzaile mota izango ginateke… Hemen albistea.

Kirolarekin jarraituz, gu beraiekin baina baita eurak gurekin ere. Beñat Mendieta: “Realak Arrasaten entrenamendu bat egingo du. Ikustera joango zara?” Hasi zaitezke, argazki kamera eta kamiseta prestatzen, hemen izango direlako, bai bai, gure herrira datoz, Arrasatera datoz. Jarraitu lotura.

Ikastolan asko ikasten da, baina batzuk baita irakatsi ere, ikasleetaz ari gara, Amaia Fernández: “Robot onena, Arizmendiko ikasleek egin dute, orain Espainia mailan lehiatzeko prest dira…Zorionak!!!” Herri komunikabideei dagokienez aitzindaria da Arrasate, eta baita kooperatibatan ere, baina teknologia aurreratuetan ez da atzean gelditzen inolaz ere. Berria hemen.

Kalera atera eta eguraldi honekin eskertuko dugun berrikuntza orain, Maite Bazterretxea: “Arrasaten, lehen markesina inteligenteak asteburuan probatuko ditugu eta ia zelakoak diren….Aupa Arrasate modernoa!” eta horri Arrasate Mondragonek honako berbekin erantzun zion: “Berri hori nahiko zaharra da. Arrasate Kristaldegikoek uztailean jarri zuten ospitale inguruan mota horretako lehen markesina. Nik dakidala orduan Mondraberrik eta DV-k informazio hori argitaratu zuten. Suposatzen dot Goienkarian be agertuko zala. Aspaldi ez zarete Nafarroa etorbidetik pasa, ezta?” eta Beñat Mendietak ere bere emaria utzi zuen: ” Bai, egia da, baina, aurretik ere hemen irakurtzeko aukera izan nuen, orrialde honetan ikusi nuen, horren jarraipena izango da. Bai bai…ni bebai, ez naz aspaldi Nafarroa Etorbidetik pasatu….Zuek probatu duzue? Zelan doa dana?” Hemen dakargu gaiaren inguruko esteka.

Arrasateko orrialdearen hesian dena sartzen da eta Arrasate Mondragonek bere lanak ezagutzeko gonbitea luzatu digu: “Euskal Herriko lehen arte adierazpena zein den ezagutu nahi duzue? Ba… sartu Lezetxiki haitzuloaren orrialdean.” Eskerrik asko eta hemen duzue lotura.

Bukatzeko, gure orrialdeak, Zorionak eman nahi dizkio saria jasi berri duen enpresari: “Zorionak Egokisport’s! kalitatearen aldeko apustua egiteagatik diploma jaso du eta! Zorionak!” Gehiago ezagutzeko albistea ekarri dugu.

Ez dakigu gabon gauaren egunean zuekin egoteko betarik izango ote dugun beraz, badaezpadan, zorionak eta eguberri on esan nahi dizuegu.

Share on Facebook

Indigenen truke programa, eta Gose musika taldearen disko berria eta kafe tertulia izan dira aste honetan Arrasateko Orrialdeko hesian jasotako gaiak.

Labur bildumari ekiteko, datozen asteotan aurrera eramango den ekimena ekarri digu Itxaso Apraizek: ” Truke programa martxan da. Garabide elkarteak antolatzen duen Herri eta Hizkuntzen esperientzien IV Truke Programa datozen hiru asteetan gauzatuko da. Indigenek kontatu digute, eurentzako oso garrantzitsua dela truke programa hau.” Benetan interesgarria aipatu berri duguna, orokorrean besteek kontatzeko duten entzuten ere oso kontu interesgarriak ikasten dira eta baita barneratu ere. Informazio zabalagoa izateko jarraitu ondorengo esteka.

Udazkenean, kultur uztak jasotzeko sasoia izaten da, eta gero guzti horiek euskaldunon Mekan ikusiko ditugu, Durangoko azokan, jakina, non bestela. Gure taldeak azken nobedadeak eta herrian bertan egindakoak utzi ditu murruan: “Gosek diskoa eta bideoa kaleratuko ditu. Osinagaren taldea ez dator bakarrik, oso kolaborazio garrantzitsuak izango dituzte bertan, tartean: Oskorri, Gari, Pirritx eta Porrotx, Fermin Muguruza, Petti, Makala,Kutxi Romero.” Gosek beti harritzen gaitu eta azken lan honetan are gehiago, izan ere musika eta bideoa ere ekartzen baititu eta horiek denak aipatu bezala, Durangoko Landako gunean topatuko ditugu. Hemen albistea musikalaren lotura.

Aurrera egingo dugu eta Beñat Mendietak gaurko utzitako oharra ere jaso dugu gure errepasoan. “Ostiralean, kafe tertulia egongo da Arteaga jatetxean. Eider Zumalde egongo da bertan. ‘Enpresa lankidetza Industria Politikan’ EKAI Center-ek antolatzen du, eta ostiralean arratsaldeko 15:00tan izango da. Aupa Eider! Primeran egingo duzu.” Animoak ere ematen dizkio kafe tertulia egingo duen emakumearentzat, beraz, guk ere horrela egingo dugu. Honetaz gehiago jakiteko ondorengo loturan sakatu.

Bukatzeko beste ohartxo bat gorde dugu, aste honetan bertan Ane Zabalak kontzertura joateko gonbidapena luzatu baitugu, atzo bertan izan zen kontzertua eta berak horrela idatzi zuen Arrasateko hesian: “AEBetatik egon ostean, Capsulak kontzertua eskainiko du ostiral honetan!!!!! Animatzen?”. Zuk ere interesgarriak ikusten dituzun deialdiak bertan jarrita guztiok e eskertuko dugu eta horrela denon artean are eta koloretsuagoa den hesi eta agenda izatea lortuko dugu. Informazio gehiago hemen.

Eskerrik asko zuon parte hartzeagatik eta laster arte, ondo pasatu asteburua.

Share on Facebook

Kaixo guztioi:

Astea amaituta eta Domu Santu eguna jai izan ondoren, laburra izan den arren, batzuentzat maldan gora joan da dena. Egun gutxiago asteroko lana aurrera ateratzeko, baina kito! Amaitu da eta asteburuaren atarian gaude.

Orain, aurrera egin aurretik, Arrasateko orrialdeko hesian izandako emariak hartu eta gurera ekarriko ditugu asteroko labur bilduma egin ahal izateko.

Hasteko, gogoratu nahi dugu, gero eta kide gehiago garen arren, oraindik animatzen jarraitu behar dugula, gehiago izatea lortu behar baitugu. Arrasate-Mondragón: “Arrasatearra bazara edo, herritik kanpo egonda ere bertan gertatzen direnak ezagutu nahi badituzu, hauxe duzu zure topalekua. Hemen jasotzen baititugu deialdi, ohar, albiste, iritzi eta abarrak. Animatu eta zurea jarri, gero lau haizetara zabalduko dugu. Hemen espero zaitugu, edo bestela blogean bertan tril egingo dugu.”

Bestelako kontuak ere jaso dira gurean eta horietako bat Maite Bazterretxeak ekarri digu, berak horrela gehitzen du: “langabezia tasa jaitsi egin da Debagoienean. Zerbait bada ezta? zuk zenbat denbora daramazu langabezian?” Bere galderak erantzunik ez izatea, gure inguruan horrelakorik gertatzen ez dela sinistera eramaten gaitu, baina oraindik ere ez dakigu guztiak lanean ote dauden.

Orain lana aipatu dugun honetan, ikasketak eta mundu profesional batzen dituen ekimen bat ekarriko digu Beñat Mendietak: “Mondragon Unibertsitatea, Fagor Arrasate eta Koniker Zentro Teknologikoak makina erreminta sektorea bultzatzeko hitzarmena sinatu dute.”

Bukatzeko, Mark Burnsek utzitakoa hartu dugu: “autoa bide erdian utzi, eta tabernara. Domeka gauean gizonezko bat atxilotu zuen Ertzaintzak Zarugalde kalean, autoarekin aurreko autoari kolpea eman ostean bere autoa bide erdian laga eta taberna batera sartzearren. “Mozkortuta zegoen, gainera”, diote Herrizaingo Sailetik. Zuk ere horrela egiten duzu?” asteburuaren atarian gauden honetan, arren, kontuz gidatu eta tragoxka batzuk hartu badituzu autorik ez hartu.

Ondo pasatu asteburua eta hemen edo hesian topatuko garen esperantzaz agurtuko gara.

Share on Facebook

Kaixo:

Maritxu Kajoiko aje guztiak pasatuta, oraingo honetan, asteko laburpena besapean dakargu. Arrasateko Orrialdeko Hesian jasotakoak bildu eta hemen jarraian herritarrek asteon ahoan izan dituztenak hartuko dituzu.

Ane Zabala: “Rock musika Australiatik, barikuan bertan…Amaia Antzokian.”

Ainere Agirre: “Arrasateko euskalkia ikasteko edo hobetzeko ikastaroa antolatu du AEDk.”

Maite Bazterretxea: “TU Lankide aldizkaria: 50 urte, eta aurrera.”

Beñat Mendieta: “Zelan ikusten dituzu Arrasate inguruko errepideak?” Ane Goikoetxea: “Errepideak oso ondo ez, baina…zer deritzozue Altamirako kasuarekin?”

Ane Goikoetxea: “Pasabidea egingo ote da? “

Itxaso Apraiz: “Euskal Herritik zehar dantzan, bideo ederra benetan. Udalaitz eta Besaide ere ageri dira.”

Maite Bazterretxea: “Hau da marka!!! Mondragon Unibertsitateko ikasleak 2010eko Valentziako Hábitat Azokan erakutsi dituzte euren proiektuak.”.

Maria Abadiño: “Aupa Mikel!!! Gora ITXUNGI IRRATIXA!!!”

Honenbestez, irrati berri honen sintonia onarekin utziko zaituztegu, hori bai, Arrasateko Orrialdean edo hemen, blogean bertan topatuko gara. Eskerrik asko zuon parte hartzeagatik eta ondo izan.

Share on Facebook

Kaixo guztioi!

Barikua iritsi da eta horrekin batera Arrasateko Hesietan jasotakoen bilduma prestatu dugu.

Eguraldiari dagokionez, udaberriko egunak izango ditugu asteburu honetan, beraz lasai asko joan zaitezke egun pasa egitera.

Goiena Komunikazio Zerbitzuak

Albiste pozgarriak dira asteon jaso ditugun gehienak, tartean Goiena Telebistak 2.000 ikus-entzule irabazi dituela urtebetean Debagoienean. Zorionak!

Eguraldia ziurtatuta dagoela eta, orain krisiari aurre egiteko bidea jarriko dugu, horrela asteburuan etxean ez egoteko aitzakiarik ez duzu izango. Ibai-Artek hartzen duzuna ordaintzeko aukera jarriko du zozketan Garagardo azokan eta baita gazta eta ardo azokan ere.

Edurne Pasabanek bere ametsa errealitate bilakatu duen astean bertan, Aretxabaletako gaztea tontorrera begira jarri da; erronka berria Iñurrategi, Vallejo eta Zabalzarentzat.

Aramaioko Gazte Asanbladak ere egitaraua mardula prestatu du asteburu honetarako, bihar, zapatua egun pasa egiteko beste plan bat. Eguzkierripa Rock jaia zapatuan.

Kontu tristeagoak ere izan dira herrian, eta hauen artean, agur berezi eta hunkigarria. Besarkada beroa familiarentzat!! Joxepa Arregi Etxerat elkarteko ohorezko lehendakaria hil da. Astelehen iluntzean hil zen Joxepa Arregi Egidazu, Jesus Mari Zabarte euskal preso politikoaren ama eta Etxerat elkarteko ohorezko lehendakaria. Eguaztenean egin zuten hileta elizkizuna. Ekitaldi jendetsua Joxepa Arregiri azken agurra emateko.

Gure ohiturari tinko eutsiz, astebururako planak egiten jarraituko dugu, eta horretarako beste proposamen bat, GOSE Kontzertuak / ConciertosMaiatzak 28 Mayo. EIBAR . Pza Unzaga. 22,30h Euskal JaiaMaiatzak 29 Mayo. ANTZUOLA. 21h. Mundumira …2010, esate baterako Jurgen Barrionuevok, gustatu zaiola esan du.

Musika eta kirola uztartzeko aitzakia berria. Ekainaren 3tik 5era Herriko musikariak deitu ditu rugbi taldeak 12. Garagardo jaian parte har dezaten.  12 urte beteko ditu Arrasateko Rugbi taldearen Garagardo jaiak, eta honezkero arrasatearrek ez dute ekaineko lehen aste bukaera ospakizun hori barik ulertzen. Aurten karpa ekainaren 3tik 5era egongo da zabalik.

Bihar bertan egun pasa politerako aukera, Arizmendi Ikastolako udaberri jaia larunbatean. Bihar udaberri jaia Basabeazpi eta Almeneko gurasoek antolatuta ospatuko da. Ekintza asko daude: Goizean, Iturrigorrira irteera, denentzako jolasak, sagardo eta talo dastaketa eta talo tailerra. Eguerdian herri bazkaria eta arratsaldean tailerrak eta jolasak. Bosgarren urtez udaberriari ongi etorria egiteko sortu zenez, kukua agertu ohi da eta berari lagunduz hain ezaguna duten Agitxo ere ibiliko da.

Gai serioagoak jorratzekoak ere badira herrian bertan, bihar, zapatua hilak 29, Demokrazia Ekonomikoari buruzko II. Topaketa transnazionala.

Ikasturte berrira begira daudenentzat, Mondragon Unibertsitatearen master berriak daudela jakitera eman dira. Gipuzkoako Ganberak eta Mondragon Unibertsitateak MBA Executive masterra eskainiko dute.

Eskerrik asko guztiagatik eta laster arte agurtzen gara.

Asteburu on!

Share on Facebook

Kaixo guztioi!

Arrasate

Astearen ekuadorra elkarrekin igaroko dugu, horrela aurrera begira jartzeko indarrak hartuko ditugu. Arrasateko hormatik pasatutakoak jaso ditugu orain, Arrasateko Blog-ean eskaini ahal izateko.

Aurrera begira jarriko gara, orain, ikasturte berria gertuko dugu. 25 urtetik gorakoenentzat prestakuntza eskaintza berezia MUn. MU+ (profesional learning space) izena eman diote eskaintza berriari. Mondragon Unibertsitateak etengabeko prestakuntza formatuaren alde egin nahi du berrikuntza honekin. Eskolan bertan jarraitzeko eta online burutzeko ikasketak biltzen ditu, eta banakako eta pertsona zehatzen prestakuntza beharrak nahiz mota guztietako enpresenak erantzun nahi ditu. Datorren ikasturtean eskainiko dituzte zortzi titulazio berri: gradu titulazio bat eta zazpi master.

Unibertsitatean gauden honetan, bertan geratuko gara eta….JuanAntonio Lopez de Uralde: “AHTk krisian dagoen eredu bati eusten dio” [Bideoa] Mondragon Unibertsitateko Goi Eskola Politeknikoko ingenieritzako 2009ko promozioko ikasleen diploma banaketa ekitaldia egin zuten pasa den barikuan. Ekitaldian Juan Antonio Lopez de Uralde, Greenpeace Españako zuzendariak hitzaldi bat eskaini zuen. Bisita aitzakia hartuta, berarekin egon ziren goienako kazetariak.

Unibertsitarietatik orain…..57ko kinto arrasatearren urteroko batzarra maiatzaren 22an izango da.  Maiatzaren 22, zapatua izango da hitzordua, 57ko kintoak elkartu egingo dira, baina aurreko ekitaldietan ez bezala, aurten ez da mezarik egongo eta hitzorduaren ordua 13:30etan izango da, jarraian txikiteoa egiteko jakina.

Krisi garaian gauden honetan, lan proposamenak ez dira gure postontzira hala nola iristen hori dela eta funtzionari izateko bideak jorratzeko proposamena ekarri nahi izan du gu.643 lagunek eman du izena Arrasateko lanpostu publikoetarako, Internetez. Horixe da Udal Enplegu Sailak jakinarazitako datua: 643 lagun apuntatu dira, momentuz, Arrasateko Udaleko oposizioetara. Baina gehiago izango dira, eta seguru aski, pilatxo bat gehiago, Biztanleen Arreta Zerbitzuan eta korreo tradizionala erabilita izena eman dutenak kontatu barik dituzte-eta. 18 lanpostu publiko bete behar ditu Udalak, horietatik 15era edozein aurkeztu ahal izango dira. funtzionari izateko lanpostuak dira.

Emanaldi dibertigarria eskaini zuen Albert Plak.

Albert Plá Amaia Antzokian

“Agertokian biluzik nagoelako, antolatzaile asko ez dira ausartzen nire obra eskaintzera”.  Emakume Txokoaren eskutik, Ester Bellver antzezlea ‘protagonizo’ lanarekin etorriko da Kulturatera, maiatzaren 26an (19:00). Aretxabaletan estreinatu zuen, iaz, eta Bergaran ere izan da; orain Arrasateren txanda da. 26 urte inguruko ibilbidea duen antzezle esperientziaduna, lehen ikuslea bere burua ..

Alboko herrira joango gara, beste batzutan bezala, baina azken honetan, Euskadiko emakumerik politena izandatu dutenaren bila. Ainhoa Sanchez, Miss Euskadi.  “Euskadiko neskarik ederrenaren” koroa jantzi zuen zapatuan BECen Ainhoa Sanchez aretxabaletarrak. Miss Araba titulua eskuratu eta Miss Gipuzkoan ohorezko dama izendatua izan eta gero, 2010eko Miss Euskadi da, 1,80ko altuera eta 90-61-93 neurriak dituen 23 urteko gaztea.

Atzo, martitzena, San Isidro spinning master class, egizu festa! ekimenean apuntatzeko azken eguna izan zen.  Egubakoitzean, San Isidro jaiak hastearekin batera, egingo dute San Isidro spinning master class, egizu festa! ekimena, eta bihar da, martitzena, izena emateko azken eguna. Spinning saio horretan esku hartzeko ez da ezer ordaindu behar izango.

Primeran pasa dute langileek JMA-ko 1. Euskara Egunean.Jokoak, olinpiadak,… ospatu zituzten elkarrekin euskaldun berriek eta zaharrek, Sara jatetxe inguruan, larunbatean.

Maialen Axpek jubenil mailako Euskadiko errekorra hautsi du.  Pertika jauzilari arrasatearrak 3,66 metroko marka egin zuen zapatuan Anoetan, urrezko domina eskuratuz. Lore Mar aretxabaletarrak zilarra lortu zuen, eta luzera jauzian Oihane Urzelaik lehenengo postuan sailkatu zen 5,05 metroko jauziarekin.

Orain, ardoa maite dutenentzat ekitaldia. Errioxako ardoak eta Arrasateko txakolina, Kajoiren Ardoaren Astean.

Ertaroko azoka

Erdi Aroko azoka egitea kolokan; maiatzean behintzat ez da egingo. Azken sei urteetan maiatzean egin izan da Erdi Aroko azoka. Bada, Udalak jakinarazi duenez, aurten ez da maiatzean egingo. Maiatzean ez egitearen arrazoia da, Udaleko Kultura sailak dioenez, Naparbideak elkartearekin ez direla akordio batera iritsi, azoka noiz egin zehazterakoan. Orain arte Udalak Naparbideak elkartearekin antolatu izan du azoka.

Batetik bestera mugitzeko, garraio publikoa erabiltzea gomendatzen den aroan gaudenez, erabiltzaileentzat oharra dator orain. Autobus urbanoak ordu erdiro emango du zerbitzua.

Eskerrik asko guztioi zuon parte hartzeagatik eta laster arte agurtzen gara.

Share on Facebook

Kaixo!

Zelan joan da astea opor egun piloaren osteko astea? Seguru bati baino gehiagori luze samarra egin zaiola, baina jada, eguena da eta bihar barikua, beraz, pozik egoteko arrazoi gehiago ditugu, triste egoteko baino.

Errepublika eguna pasatu dugu eta biharamonari aurre egiteko, herriko Blog-ean Hesian jasotakoen laburpetxoa prestatu dugu.

Lehenik eta behin, hasteko, Artea eta Internet-a uztartzen dituen ekitaldiaren berri emango dugu ondorengo link-ean. Arte ekitaldia egingo du Ramon Arantzabalek eta Internet erabiliko duz abaltzeko.

Dena artea ez delako, eta arte handia behar izaten delako urteko sasoi honetan, 10-T-a eta bestelako dokumentuak batu eta dena prest duzunean artista izan behar duzu benetan emaitza onak lortu ahal izateko. Horretaz gainera, euskaraz egiteko aukera egon badagoela ere jakinarazi nahi dizugu ondorengo informazioarekin. Errenta aitorpena euskaraz egiteko deia.

Errenta aitorpena egiteko eta baita bestelako kontuetarako NAN dokumentua ezinbestekoa dela dakigun arren, aurten berritzekotan bazabiltza adi!!! Maiatzetik aurrera ez da Nortasun Agiria egingo Arrasaten.

7, bai, guretzat, euskaldunontzat zenbaki magikoa denak asteon albiste ona utzi digu, nahiz eta kaltetuek erne egoteko eskaera egin duten albiste baikorrarekin geldituko gara momentuz. Absolbitu egin dituzte ‘Egunkaria auziko’ bost auzipetuak.

Hementxe duzue aurreko albisteari lotutako beste bat, orain 7 urtekoa da baina gaur ageri da toki guztietan, Fermin Muguruza abeslariak Egunkariaren alde egiteagatik Madrilen jasotako txistuak entzun ditugu.

Albiste onak jaso ditugula ospatzeko, askotan mahaiaren bueltan egiten ditugunez, sukaldera sartuko gara orain, baina amantala jantzi gabe, izan ere elkarte gastronomiko batera sartuko gara eta han gizonezkoek janzten dituzte. Beste albiste on bat kasu honetan emakumeontzat zera da: Gastronomia munduan handienak gizonezkoak diren arren gure herrian ere badugu bestelakorik. Marije Arregi elkarte gastronomiko bateko presidentea den lehenengo emakume arrasatearra da.

Elkartea utzi eta MU-ra joko dugu orain honetan, Mondragon Unibertsitateak eta Euskadi Fundazioak sare sozial bat jarri dute martxan. Bizikleta gainean jarriko gara sare sozialak erabilita azken -azkenen berri izango dugu.

Bilbon pasa den asteburuan aspaldiko autoen rallya egin bazuten, hemen, Arrasaten ez gara atzean geratuko, 1954-ko auto batek paseoa eman baitu Arrasateko kaleetatik.

Orain atseden pixka bat hartu dezakegu, eserlekuan jezarri eta pantaila handira begira jarri gaitezke, proposamen berezia ekartzen duelako ondorengo berriak. Laburbira zirkuituak bederatzi filme labur ekarriko ditu bailarara. HUHEZIko ikus-entzunezko ikasleek antolatutako Huhezinema 2010 euskal filme laburren jaialdiko iragarkia duzu hau…eta jada Huhezinema 2010: aukeratu dituzte Lehiaketa Ofizialerako 10 filme laburrak.

Orain ospakizunen, jardunaldi eta bestelakoen egutegia prestatzen joateko aukera izango duzue, ‘Baobab’ eta ahozkotasun jardunaldiak asteon, Liburuaren Eguna ospatzen hasteko. Hitzaldi zikloa Arrasateko hiri-gutunaren 750. urteurrena dela-eta. Teknologia berriak aztergai Goieskolaren jardunaldietan. Apirilaren 22 eta 23rako deitu dituzte. Gaia aldatuz baina proposamenekin jarraituz,  ‘Emakumeak Mondragoen’ hizpide Ana Isabel Ugalderekin.

Honenbestez eta hurrengo mezura arte edo zuk gurekin bat egin arte laster arte esango dizugu, aldez aurretik eskainitako laguntza guztia eskertuz jakina.

Share on Facebook

Eguerdi on danori!

Barikua da, eta aste labur honen ostean, ohi legez, gure taldeko horman izandako emarien entsalada prestatu dizugu baita gaur ere. Gero eta lagun gehiago gara, eskerrik asko benetan, bertan izena emateagatik eta baita parte hartzeagatik ere. Arrasaten gertatu direnak eta ospatuko direnak ezagutzen badituzu, guk eskaintzen dugun plataforma erabiltzen jarraitu dezakezu horrela albiste den oro gurean edukitzeko aukera dugu.

Lehenik eta behin, eskuzabal ekingo diogu gure errepasoari, hots, opariak ematea gustuko dugu eta jakina Arrasateko taldearen kontzertura joateko aukera eskaini nahi dizugu. Goseren Elgetako kontzertura doan joan nahi duzu?

Gaur bertan, opor egunen azken txanpa aprobetxatzeko erakusketa bat gomendatzera gatoz. “Donde viven los monstruos” apirilaren 9an, barikuan bertan, Arrasateko Kutxa Aretoan bertan.

Debagoienean Saharar Herriarekin elkartasun astean buru belarri sartuta dago. Semana a favor del pueblo saharaui en el Alto Deba.

Musikarekin ekin diogu errepasoari eta orain bestelako ekitaldi deialdiarekin jarraituko dugu. Bide batez, Zorionak!!! hemendik Arrasateko Gaztetxeari horrenbeste urtetako lanagatik. Gaztetxea 19. urteurrenean murgilduta dago, herriko bazterrak astintzen segitzeko asmoz.

Musikaren txanda beste behin ere, gazteek kontzertuetan ondo baino hobeto egiten dituelakok ospakizunak. Enpresagintza Fakultateak doako kontzertua antolatu du Oñatin.

Publiko zabalari interesatuko zaion albistea ere jaso dugu horman. Drogen kontsumoa detektatzen duen partxea diseinatu dute Garaia Berrikuntza Gunean.

Udaberrian gaudela eta ordu aldaketa jasan dugula, orain eguzki energia hobeto aprobetxatzeko sasoioan gaude, hala ere, energiaz beteriko enpresa dugu herrian bertan. Eurenerrek kontratua sinatu berri du Alemaniako enpresa batekin.

Asteburuari begira, sofan etzanda ez egoteko beste arrazoi bat topatu dugu.Apirilaren 7tik aurrera “Africa, casa de palabras” erakusketa izango da Kulturaten.

Hau dau hau, herri indartsu eta aitzindarian bizi garela jakiten ginen, baina orain, energia barra barra zabaltzeko dohaina duela eta baieztatu dugu. “Izugarrizko energia kopurua jasotzen dugu eguzkitik egunero, baina ez gara kapaz hau gure beharretara egokitzeko”.

Josu Arteaga

Bukatzeko, Monterron, Santa Barbara edota Udalara motxilan eramateko liburuaren bila bazabiltzate, datorren astearte arte itxaron beharko duzue, Josu Arteaga arrasatearrak bere lehen eleberria kaleratuko du datorren asteazkenean, Donostiako FNAC dendan aurkeztuko du “Historia universal de los hombres gato” eta Arrasaten, hilak 17 zapatua.

Asteburu ona pasatu eta zoriontsuak izan.

Share on Facebook