Arrasate-Mondragón

Emakume artisauen eta baserritarren azoka Arrasaten, ‘Ellas bailan solas‘ antzerki lana eta Bilbora joateko eta Bilbotik etortzeko autobus gehiago jarriko dituztela. Hauek izan dira aste honetako gai protagonistak Facebookeko orrialdean.

Martxoaren 8an emakumearen eguna izan zen, eta horren inguruan, emakumeen txokoak hainbat ekitaldi antolatu zituen. Horien artean, biharkoa. Zein den jakin nahi duzue? Atzo esteka honekin jakinarazi genizuenez, bihar, larunbata, emakume artisauen eta baserritarren azoka jarriko dute Seber Altube plazan, 10:00etatik aurrera. Joateko asmoa duzue?

Antzerkia mintzagai. Asteartean ‘Ellas bailan solas’ antzezlana ikusteko aukera izan genuen, kasu honetan ere Seber Altube plazan. Olatz Gartziak eskaini zigun informazio hau esteka honen bidez. “Giro ona egongo da egun horretan inauterien amaiera eta emakumearen nazioarteko eguna direla eta, ezta?“, galdetu zigun. Bertaratu zineten? Giro ona ikusi zenuten?

Asteko laburpena amaitzeko, garraioari buruz hitz egingo dugu. Itxaso Apraizek asteazkenean kontatu zigun arabera, Bilbora joateko eta Bilbotik etortzeko autobus gehiago izango ditugu. Badirudi apirilaren amaieran edo maiatzaren hasieran hasiko dela martxan. Ordutegia ikusi nahi baduzue, Itxasok utzitako esteka honetan egin dezakezue. Zer iruditzen zaizue?

Gaurkoz, amaitutzat emango dugu aste honetako laburpena. Eskerrik asko gure hesian parte hartzen duzuen guztioi! Hurrengo ostiralean gai berriak ekarriko dizkizuegu. Mila esker hor egoteagatik! Agur bero bat eta ondo izan!

Share on Facebook

Ken Zazpik kontzertua emango du Arrasaten, Takarraran emakumeen herri-lasterketaren III. edizioa eta palindromo lehiaketa izan dira protagonistak herriak Facebooken duen orrialdean.

Kontzertu batera joateko gogoa? Ez galdu Ken Zazpik Arrasaten eskainiko duena. Olatz Gartziak honen datuak partekatu ditu gurekin. “Maiatzaren 20an izango da, 22:00etan, Amaia Antzokian“, esan du. Sarrera erosi nahi baduzu, azkar! Dagoeneko salgai daude. Joaten bazara, ez ahaztu gurekin partekatzeaz!

Kirolarekin jarraituko dugu. Emakumearen Nazioarteko Egunaren programazioan sartu du gure udalak Takarraran emakumeen herri-lasterketaren III. edizioa. Itxaso Apraizek jakinarazi digunez, martxoaren 12an ospatuko da, 12:30etatik aurrera. Parte hartu nahi duzu? Ba 12 urtetik gorako emakumea bazara, izena emateko epea martxoak 10era arte izango duzu irekita. Anima zaitez!

Amaitzeko, palindromo lehiaketa irabazi duen esaldia utzi zigun astelehenean Maite Bazterretxeak: ‘Utzi penak Ane, piztu’. “Zer iruditzen palindromo lehiaketaren irabazleari?“, galdetu zuen. Eta badakizue zein den Arrasateko palindromorik onena? Aitor Bengoa Maldabirena, ‘Atzo, arotza, zeruak erreka urez aztora ozta’.

Hauxe da gaurkoz guztia. Hurrengo astean gai berri gehiagorekin bueltatuko gara. Eskerrik asko zure laguntzagatik. Agur bero bat eta ondo izan!

Share on Facebook

Oñati Lainopean, Udalaitz fondoan. Argazkia: Iñigo Goñi

Kaixo guztioi:

Barikua heldu da eta horrek zubirako bidaia txartela ematen digunez, horretan pentsatzen jarriko gara. Hala ere, horren aurretik, aste honetako labur bilduma prestatu dugu. Arrasateko orrialdeko hesian jasotakoak ekarri ditugu gurera astero egiten dugun legez. Sarreran jarritako argazkia, asteon, eguraldiblogera iritsitako da, eta zuk ere horrela egin dezakezu nahi izanez gero.

Hasteko, aisialdirako beta apur bat, izan ere, dena lana eta eginbeharrak ez dira izango eta, horregatik apuntatu bestelakoak zuen agendan, egon badaude eta. Beñat Mendieta: “Antzerki emanaldia eta erakusketa Emakume Txokoan. ”

Maite Bazterretxea: “Mondragón ez litzateke “erromantze izena” izango. Zuek irakurri eta ia zer iruditzen zaizuen…. “

Nuria Munoz: “Belgikatik muxu haundi bat Arrasatear guztientzat, Nuria.”

Arrasate-Mondragón: ” Arrasatearra bazara edo, herritik kanpo egonda ere bertan gertatzen direnak ezagutu nahi badituzu, hauxe duzu zure topalekua. Hemen jasotzen baititugu deialdi, ohar, albiste, iritzi eta abarrak. Animatu eta zurea jarri, gero lau haizetara zabalduko dugu. Hemen espero zaitugu.”

Leslie Adams: “Beñat Barberenak debuta egin dezake Euroligan gaur. Power Electronics Valentzia taldeak Istanbulen jokatuko du 19:15ean, Efes Pilsenen taldearen kontra. Jokalari arrasatearrak EBA ligan jokatzen du Valentzia Basket taldearekin.”

Arrasate-Mondragón:” Domu Santurako autobus zerbitzu bereziak….adi egon! ”

Azken ohar honekin agurtuko gara, hori bai zubi on eta eder bat igaro dezazuela opa nahi dizuegu. Baita zuen parte hartzea eskertu ere.

Share on Facebook

Kaixo danori:

Udazkena heldu da, txoriak kantari…eta baita gainerakoak ere, eztarriak berotzen egongo dira, izan ere laster Maritxu Kajoiri abestu beharko diogu.

Hemen gaituzu, beste aste batez, Arrasateko orrialdeko hesian jasotakoen laburpenarekin.

Lehenik eta behin, hasteko, Maritxu Kajoi bera hartuko dugu hizpide.

Rud Beckia: “Nobenarixue hasten da gaur bertan!!! dena prest?”

Maite Bazterretxea:” Maritxu Kajoik web gune berria dauka!!! Gora Maritxu!”

Ainere Agirre: “Gaur barra librea, Mondra Taberna inauguratzeko. Gaur, eguena, 19:00etan zabalduko ditu ateak Mondra Tabernak herritar guztiendako; eta indartsu zabaldu ere, izan ere, 21:00ak bitartean, kontsumizioak doan emango dituzte. Pintxo-pote eguna ere badela kontuan hartuta, herritar ugari espero dituzte inaugurazio ekitaldian.Beñat Mendieta: “mondra taberna gaur zabaltzen daue ero??ze ordutan??gaur pintxopote + barra libre!!!que buena” Maria Abadiño: “atzo egon nitzen ta mutil guapuek daz…”

Amaia Fernández: “Nola daramazu ama eta langile izatea?” Asteon, nazioarteko albiste bat ere heldu da gurera, Emakumeek familia eta lana bateratzeko dituzten oztopoak salatu nahi izan du honela Licia Ronzulli eurodiputatu italiarrak. Ainere Agirre: “Horrela ibili behar ere! egia esan ez da batere erreza izaten biak ondo eramatea, ama zarenean lanean beste bat bezala hartzen zaituzte eta.”

Leslie Adams:“Albiste latza benetan. Asko asko sentitzen dot benetan. Motor-gidaria hil egin da, auto batekin istripua izan eta gero.” Arrasate eta Aretxabaleta arteko saihesbidean (GI-627) gertatu da istripua. Udaltzaingoak emandako informazioaren arabera auto batek eta motorrak elkar jo dute eta autoa bidegorrira erori da. Motor-gidaria, 38 urteko gizonezko arrasatearra (A.D.S inizialduna), istripua gertatu den lekuan bertan hil da.” Leslie Adams: “argazkiak benetan beldurgarriak dira.Ainere Agirre: “Asko sentitzen dot”

Beñat Mendieta: “Aski da!!!! Elkarretaratzea eguenean, emakumeen aurkako indarkeria salatzeko. 76 urteko gizonezko batek emazte ohia hil zuen Miarritzen. Hori dela eta Arrasateko Emakumeenganako indarkeriaren aurkako Plataformak deia luzatu die herritarrei emakumeen aurkako biolentzia salatzeko.” Ainere Agirre: “Egia da! Aski da! noiz arte horrela?”

Beñat Mendieta: Eneko Abasolo: “Iurretarrok ez dugu sekula aukerarik izan Maritxu Kajoira joateko eta pentsatu dugu guk egitea Maritxuren lehengusuaren eguna: Migeltxu Kajoi” Beñat Mendieta: “Halaxe azaldu du Eneko Abasolok, Iurretako jai batzordeko arduradunak euren ideiaren jatorria. Iurretako Sanmigelak izan ohi dira Maritxu Kajoi egunean eta horregatik ezin izaten dute Arrasatera etorri. Beti etortzeko harra izan dute eta horregatik sortu dute Migeltxu Kajoi. “Baina inork ez dezala pentsatu konpetentzia denik, ezta gutxiago ere, ez dadila inork txartzat hartu; beste jai osagarri bat da”, hori ere gehitu gura izan du iurretarrak.” Mark Burns: “Bueno baina, Maritxu Kajoi Arrasateko egun dotorea da benetan…., gainera, Laudion ere Urkixo Kajoi ospatzen dute baina ez da egun berean egiten…..hau da hau…” Ainere Agirre: “Maritxu kajoi arrasatekua da, eta hori ez dau inork aldatuko…eta zer abestuko dotsie?”

Momentuz hemen utziko dugu aste honetako laburpena baina, laster Maritxu Kajoiko prestaketak eta baita egun eta gaua bera zelan igarotzen diren jasoko dugu gurean, jakina, hori dena zure parte hartzeari esker izango da. Ondo izan.

Share on Facebook

Kaixo guztioi!

Arrasate

Astearen ekuadorra elkarrekin igaroko dugu, horrela aurrera begira jartzeko indarrak hartuko ditugu. Arrasateko hormatik pasatutakoak jaso ditugu orain, Arrasateko Blog-ean eskaini ahal izateko.

Aurrera begira jarriko gara, orain, ikasturte berria gertuko dugu. 25 urtetik gorakoenentzat prestakuntza eskaintza berezia MUn. MU+ (profesional learning space) izena eman diote eskaintza berriari. Mondragon Unibertsitateak etengabeko prestakuntza formatuaren alde egin nahi du berrikuntza honekin. Eskolan bertan jarraitzeko eta online burutzeko ikasketak biltzen ditu, eta banakako eta pertsona zehatzen prestakuntza beharrak nahiz mota guztietako enpresenak erantzun nahi ditu. Datorren ikasturtean eskainiko dituzte zortzi titulazio berri: gradu titulazio bat eta zazpi master.

Unibertsitatean gauden honetan, bertan geratuko gara eta….JuanAntonio Lopez de Uralde: “AHTk krisian dagoen eredu bati eusten dio” [Bideoa] Mondragon Unibertsitateko Goi Eskola Politeknikoko ingenieritzako 2009ko promozioko ikasleen diploma banaketa ekitaldia egin zuten pasa den barikuan. Ekitaldian Juan Antonio Lopez de Uralde, Greenpeace Españako zuzendariak hitzaldi bat eskaini zuen. Bisita aitzakia hartuta, berarekin egon ziren goienako kazetariak.

Unibertsitarietatik orain…..57ko kinto arrasatearren urteroko batzarra maiatzaren 22an izango da.  Maiatzaren 22, zapatua izango da hitzordua, 57ko kintoak elkartu egingo dira, baina aurreko ekitaldietan ez bezala, aurten ez da mezarik egongo eta hitzorduaren ordua 13:30etan izango da, jarraian txikiteoa egiteko jakina.

Krisi garaian gauden honetan, lan proposamenak ez dira gure postontzira hala nola iristen hori dela eta funtzionari izateko bideak jorratzeko proposamena ekarri nahi izan du gu.643 lagunek eman du izena Arrasateko lanpostu publikoetarako, Internetez. Horixe da Udal Enplegu Sailak jakinarazitako datua: 643 lagun apuntatu dira, momentuz, Arrasateko Udaleko oposizioetara. Baina gehiago izango dira, eta seguru aski, pilatxo bat gehiago, Biztanleen Arreta Zerbitzuan eta korreo tradizionala erabilita izena eman dutenak kontatu barik dituzte-eta. 18 lanpostu publiko bete behar ditu Udalak, horietatik 15era edozein aurkeztu ahal izango dira. funtzionari izateko lanpostuak dira.

Emanaldi dibertigarria eskaini zuen Albert Plak.

Albert Plá Amaia Antzokian

“Agertokian biluzik nagoelako, antolatzaile asko ez dira ausartzen nire obra eskaintzera”.  Emakume Txokoaren eskutik, Ester Bellver antzezlea ‘protagonizo’ lanarekin etorriko da Kulturatera, maiatzaren 26an (19:00). Aretxabaletan estreinatu zuen, iaz, eta Bergaran ere izan da; orain Arrasateren txanda da. 26 urte inguruko ibilbidea duen antzezle esperientziaduna, lehen ikuslea bere burua ..

Alboko herrira joango gara, beste batzutan bezala, baina azken honetan, Euskadiko emakumerik politena izandatu dutenaren bila. Ainhoa Sanchez, Miss Euskadi.  “Euskadiko neskarik ederrenaren” koroa jantzi zuen zapatuan BECen Ainhoa Sanchez aretxabaletarrak. Miss Araba titulua eskuratu eta Miss Gipuzkoan ohorezko dama izendatua izan eta gero, 2010eko Miss Euskadi da, 1,80ko altuera eta 90-61-93 neurriak dituen 23 urteko gaztea.

Atzo, martitzena, San Isidro spinning master class, egizu festa! ekimenean apuntatzeko azken eguna izan zen.  Egubakoitzean, San Isidro jaiak hastearekin batera, egingo dute San Isidro spinning master class, egizu festa! ekimena, eta bihar da, martitzena, izena emateko azken eguna. Spinning saio horretan esku hartzeko ez da ezer ordaindu behar izango.

Primeran pasa dute langileek JMA-ko 1. Euskara Egunean.Jokoak, olinpiadak,… ospatu zituzten elkarrekin euskaldun berriek eta zaharrek, Sara jatetxe inguruan, larunbatean.

Maialen Axpek jubenil mailako Euskadiko errekorra hautsi du.  Pertika jauzilari arrasatearrak 3,66 metroko marka egin zuen zapatuan Anoetan, urrezko domina eskuratuz. Lore Mar aretxabaletarrak zilarra lortu zuen, eta luzera jauzian Oihane Urzelaik lehenengo postuan sailkatu zen 5,05 metroko jauziarekin.

Orain, ardoa maite dutenentzat ekitaldia. Errioxako ardoak eta Arrasateko txakolina, Kajoiren Ardoaren Astean.

Ertaroko azoka

Erdi Aroko azoka egitea kolokan; maiatzean behintzat ez da egingo. Azken sei urteetan maiatzean egin izan da Erdi Aroko azoka. Bada, Udalak jakinarazi duenez, aurten ez da maiatzean egingo. Maiatzean ez egitearen arrazoia da, Udaleko Kultura sailak dioenez, Naparbideak elkartearekin ez direla akordio batera iritsi, azoka noiz egin zehazterakoan. Orain arte Udalak Naparbideak elkartearekin antolatu izan du azoka.

Batetik bestera mugitzeko, garraio publikoa erabiltzea gomendatzen den aroan gaudenez, erabiltzaileentzat oharra dator orain. Autobus urbanoak ordu erdiro emango du zerbitzua.

Eskerrik asko guztioi zuon parte hartzeagatik eta laster arte agurtzen gara.

Share on Facebook

Kaixo guztioi!

Arrasateko Blog-eko azken post-ean komentatzen genituen albisteen artean andrazkoen albiste pozgarriak jarri genituen, hala ere, horrenbeste berriren artean, akaso, agian…apur bat zokoratuta geratutako kontua ekarri nahi izan dugu gaurko mezutxo honetan. Ekin-ek 15 urte bete ditu eta benetan horrelakoak ez dira egunero gertatzen beraz, hemendik, zorionak esateko aprobetxatuko dugu.

EKIN emakume taldeak 15 urte

Arrasaten, emakumeak benetan ondo ari diren isla. Ekitaldi hunkigarri eta jendetsua, Ekin-en 15. urteurrenean.

Eskerrik asko guztiagatik eta laster arte.

Share on Facebook

Zuhaitz Ezpeleta

Kaixo guztioi!

Orain, tril egiteko beste toki bat, dugunez, Arrasateko Taldean kontatutakoaren zati handi bat Blog-ean sartzeko ahalegina egiten jarraituko dugu.

Maritxu kajoi egunerako 2010 lagun batu nahi ditugu eta bide onetik bagoaz ere lagun gehiago behar ditugu eta denak ongietorri izango dira.

Hasteko sari eta ospakizunekin ekingo diogu laburpenari.

Jon de Andres ‘Oh Happy Day’ saioko irabazle  Jon de Andres arrasatearrak ETB1 telebista kateko ‘Oh Happy Day’ saioa irabazi du, Astigarragako abesbatzarekin. Zapatuko finalean Astigarragako, Eibarko eta Mallabiako abesbatzak lehiatu ziren, baina epaileek Astigarragari eman zioten saria, eta tartean zen Jon de Andres.

AEDk literatura lanik onenak saritu ditu Egubakoitz arratsaldean banatu zituzten Arrasate Literatura Lehiaketetako sariak. Kulturaten zuten hitzordua, 18:00etan, eta areto nagusia guztiz bete ez bazen ere, eserleku gutxi batzuk baino ez ziren geratu hutsik.

100 urte bete ditu Alejandra Zaldunbide Mallabiak, Mikel Zulueta zenaren ama da eta benetan oso andra bitxia, bere jubilazioan yoga, eta bestelakoak praktikatzen eman du, bestela nola iritsi liteke 100urte betetzera? Zorionak benetan! Besarkada bero beroa.

Alejandra Zaldunbidek 100 urte bete ditu

Aurrerago ere izango ditugu beste ospakizun eta urteurren batzuk baina orain pantaila handirako egindako lanik onenak ezagutuko ditugu. Huhezinema 2010: ‘Bizitzako Kopa’ lanak irabazi du euskarazko film labur onenaren saria  Pasa den ostiralean egin zuten Huhezinemako sari banaketa ekitaldia Aretxabaletako Arkupen. Enara Goikoetxearen ‘Bizitzako Kopa’ laburrak irabazi zuen Goiena Saria euskarazko lan onenari. Istorio berezia kontatzen digu zuzendariak: Alargun baten bizitza monotonoan gertatzen den ezusteko batek familia osoa batzen du eta monotoniatik aterako du emakumea. Finalista izateagatik irabazitako 400 euroez gain, beste horrenbeste irabazi zuen Goikoetxeak sari honi esker.

Sari gehiago jasotzeko ere badira, eta horretarako herriko jaietarako kartel lehiaketan parte hartu besterik ez duzu. Zabalik dago sanjuanetarako kartel lehiaketarako izenematea. Bi hilabete eskas falta dira san joanetarako, eta urtero legez, Udalak lehiaketa abiarazi zuen joan den astean etxez etxe bidaliko den egitarauaren azalaren eta jaietako kartelaren irudia aukeratzeko. Kartelak honako testua jaso behar du derrigorrez: ‘2010 San Joan jaiak Arrasate‘.

“750. urteurrenak guretzat ez du ospakizun zentzurik; garai hartan konkistatuak izan ginen”  ‘Karta Pueblak 750 urte, ospatu ala ez ospatu?’ izenburupean, hitzaldia eman zuten joan den eguaztenean Beñi Agirre, Mirari Bereziartua eta Angel Rekaldek. Interes handia piztu zuen hitzaldiak; bilkuren aretoa lepo bete zen. Idatzita ez dagoen Arrasateko historia ezagutzeko balio izan zuen saioak. Angel Rekalde (Tolosa, 1957) soziologoarekin egon gara hitzaldian ateratako ondorioez berbetan.

Beste ospakizun handi bat, bi urtetik behin egiten dena. 300 Arantza, Arantzazuko amaren ‘magalean’.

Gure ondorengoei planeta garbiago bat uzteko egiten ditugun urrats guztiak gutxi izango direnez…bestelakoak antolatu behar dira, esate baterako: ‘Ekokaleak’ lehiaketak arrakasta izan du. Arrakasta handia izan du Arizmendi ikastolak aurten bigarren aldiz antolatu duen ‘Ekokaleak’ izeneko lehiaketak. Espainiako hainbat tokitako ikastetxeek eta ikasleek hartu dute parte, eta zakarrontzi baten diseinua egin behar izan dute bigarren aldi honetan, beti ere iraunkortasun irizpideak kontuan izanda. Lehiaketako sariak apirilaren 30an egingo duten eraikuntzari buruzko jardunaldian banatuko dituzte.

Natura asko maite dutenen artean mendizaleak ere badira eta herrian badugu benetan matxinsaltoa ematen duen bat. Zuhaitz Ezpeleta: Arrasate erditik Udalatx puntaraino 37 minututan.

Aipatu berri dugun tontorrak bere tokia hartu nahian dabil. Udalatx Biotopo Babestua izendatu guran.

Skinhead itxurako 15 bat ezezagunek Never Surrender taldea erasotu dute, Gasteizen Aurrekoan Des kontrol taldearekin Barakaldon gertatu zena or ain Arabako hiriburuan herriko beste talde batekin. Arrasateko Never Surrender taldeak kontzertua eskaini zuen atzo Gasteizko gaztetxean, bertako 22. urteurrenaren ospakizun ekitaldien barruan antolatutako kontzertuan. Bada, kontzertua eman ostean eta musika materiala kotxeetan sartzera zihoazenean, skinhead itxurako 15 pertsona inguruk eraso egin zituzten.

Aurrera begira jarriko gara eta Udan ume sahararrak etxean hartzeko kanpaina abian dela jakinaraztera gatoz.

Animuak denok ondo hartzen ditugulako: Realearekin bat!!! Primeran!!!

Arrasaten, emakumeak benetan ondo ari diren isla. Ekitaldi hunkigarri eta jendetsua, Ekin-en 15. urteurrenean.

Andre ezagunenen bizitzak eta datuak hartuta jolasa egin dute. Trivial feminista bat aurkeztu dute, emakumea protagonista duen jokoa, ikusi bideoa (jatorrizkoa, gaztelaniaz) Arrasate, Basauri, Ermua, Ondarroa, Zierbena eta Uribe Kostako mankomuniateak dira izan dira trivial feminista honen sustatzaileak.

Kontu eta kantu asko izan dira asteon Arrasateko Horman baina guk hauek batu ditugu azken laburpen honetan.

Hurrengoan ere Taldeko Horman edota Blog-ean elkartuko garen esperantzaz agurtzen gara.

Share on Facebook

Kaixo!

Zelan joan da astea opor egun piloaren osteko astea? Seguru bati baino gehiagori luze samarra egin zaiola, baina jada, eguena da eta bihar barikua, beraz, pozik egoteko arrazoi gehiago ditugu, triste egoteko baino.

Errepublika eguna pasatu dugu eta biharamonari aurre egiteko, herriko Blog-ean Hesian jasotakoen laburpetxoa prestatu dugu.

Lehenik eta behin, hasteko, Artea eta Internet-a uztartzen dituen ekitaldiaren berri emango dugu ondorengo link-ean. Arte ekitaldia egingo du Ramon Arantzabalek eta Internet erabiliko duz abaltzeko.

Dena artea ez delako, eta arte handia behar izaten delako urteko sasoi honetan, 10-T-a eta bestelako dokumentuak batu eta dena prest duzunean artista izan behar duzu benetan emaitza onak lortu ahal izateko. Horretaz gainera, euskaraz egiteko aukera egon badagoela ere jakinarazi nahi dizugu ondorengo informazioarekin. Errenta aitorpena euskaraz egiteko deia.

Errenta aitorpena egiteko eta baita bestelako kontuetarako NAN dokumentua ezinbestekoa dela dakigun arren, aurten berritzekotan bazabiltza adi!!! Maiatzetik aurrera ez da Nortasun Agiria egingo Arrasaten.

7, bai, guretzat, euskaldunontzat zenbaki magikoa denak asteon albiste ona utzi digu, nahiz eta kaltetuek erne egoteko eskaera egin duten albiste baikorrarekin geldituko gara momentuz. Absolbitu egin dituzte ‘Egunkaria auziko’ bost auzipetuak.

Hementxe duzue aurreko albisteari lotutako beste bat, orain 7 urtekoa da baina gaur ageri da toki guztietan, Fermin Muguruza abeslariak Egunkariaren alde egiteagatik Madrilen jasotako txistuak entzun ditugu.

Albiste onak jaso ditugula ospatzeko, askotan mahaiaren bueltan egiten ditugunez, sukaldera sartuko gara orain, baina amantala jantzi gabe, izan ere elkarte gastronomiko batera sartuko gara eta han gizonezkoek janzten dituzte. Beste albiste on bat kasu honetan emakumeontzat zera da: Gastronomia munduan handienak gizonezkoak diren arren gure herrian ere badugu bestelakorik. Marije Arregi elkarte gastronomiko bateko presidentea den lehenengo emakume arrasatearra da.

Elkartea utzi eta MU-ra joko dugu orain honetan, Mondragon Unibertsitateak eta Euskadi Fundazioak sare sozial bat jarri dute martxan. Bizikleta gainean jarriko gara sare sozialak erabilita azken -azkenen berri izango dugu.

Bilbon pasa den asteburuan aspaldiko autoen rallya egin bazuten, hemen, Arrasaten ez gara atzean geratuko, 1954-ko auto batek paseoa eman baitu Arrasateko kaleetatik.

Orain atseden pixka bat hartu dezakegu, eserlekuan jezarri eta pantaila handira begira jarri gaitezke, proposamen berezia ekartzen duelako ondorengo berriak. Laburbira zirkuituak bederatzi filme labur ekarriko ditu bailarara. HUHEZIko ikus-entzunezko ikasleek antolatutako Huhezinema 2010 euskal filme laburren jaialdiko iragarkia duzu hau…eta jada Huhezinema 2010: aukeratu dituzte Lehiaketa Ofizialerako 10 filme laburrak.

Orain ospakizunen, jardunaldi eta bestelakoen egutegia prestatzen joateko aukera izango duzue, ‘Baobab’ eta ahozkotasun jardunaldiak asteon, Liburuaren Eguna ospatzen hasteko. Hitzaldi zikloa Arrasateko hiri-gutunaren 750. urteurrena dela-eta. Teknologia berriak aztergai Goieskolaren jardunaldietan. Apirilaren 22 eta 23rako deitu dituzte. Gaia aldatuz baina proposamenekin jarraituz,  ‘Emakumeak Mondragoen’ hizpide Ana Isabel Ugalderekin.

Honenbestez eta hurrengo mezura arte edo zuk gurekin bat egin arte laster arte esango dizugu, aldez aurretik eskainitako laguntza guztia eskertuz jakina.

Share on Facebook

Epa danori!

Hementxe gara beste behin ere, Arrasateko taldeak bere Horman jasotakoen emariekin laburpen mezuarekin.

Asko eskertzen dugu zuok guztion partehartzea, horrela, herrian eta baita inguruan gertatzen denaren berri jasotzen dugu.

Oraindik zure post hori jarri ez baduzu, badakizu itxaroten gaudela eta gainera eskuak zabalik hartuko dugula.

Arrasate herria betidanik egon da komunikazioarekin hartu eman zuzenarekin, eta baita komunikatzaile eta era berean errealizadore, kameralari eta abarrak egunero sortzen eta saritzen. Horregatik izango da? Auskalo, baina inoiz baino filme labur gehiagok parte hartu dute Huhezineman.

Orain, denon ahotan dabilen albiste triste eta gogorrarekin jarraituko dugu San Viatorreko nagusiak dio Arregirena kasu bakarra dela.

Bestalde, gaur, eguaztena, hilak 24, deialdi interesgarria luzatu dute gure Horman bertan: Emakumeen taldea sortzeko batzarra egingo dutelako gaur bertan.

Emakumearen arlotik, orain ikasleen mundura egingo dugu salto. Lanbide heziketaren astea antolatu dute apirilerako ‘Formazioa lanerako zure aukera!’ lelopean.

Honenbestez eskerrak emanez eta zuen partehartzea eskertuz agurtuko gara. Ondo izan.

Share on Facebook