Arrasate-Mondragón

Arrasaten San Juan jaietan murgilduta gaude bete-betean eta Arrasateko horma ere horrexen islada izan da egunotan. Giroan soma zitekeen aldartea bero-bero zegoela iada, atzokorako prest. Ikaragarria izan zen atzokoa, a ze jendetsa eta giro paregabea!

Laburpena hasteko Beñat Mendietak Arrasateko horman partekatu zuen albistea ekarri behar dugu lerrootara. Aste bukarean motorrak berotzen hasteko egindako hainbat ekintzetako batean izan zen Beñat, hain zuzen ere, haur dantzarien egunean. 300 ume inguru bildu ziren plazan egun hartan, hona hemen albistea eta bertan dantzaldiko argazkiak.

Asteartean berriz, umeen txanda heldu zen, beno eta ez hain umeena baita ere. Izan ere, ehunka umek eta guraso zein aiton amonek primeran pasa baitzuten Pirritx, Porrotx eta Marimototsekin Monterron parkean. ‘Ongi etorri Pupu eta Lore’ ikuskizuna eskani zuten, hona hemen Olatz Gartziak mondraberri web gunean aurkitutako argazkietako bi, gainontzeko argazkiak ikusteko edota albiste osoa irakurtzeko hemen.

arrasate-pirritx porrotx-1

arrasate-pirritx porrotx-2

Ba al dakizue Arrasateko San Juan jaietan abesten dugun ereserkia 1930 ingurukoa dela? Urte hura baino lehen, jarraian datorren bideoan ikus-entzun dezakezuena abesten zuten gure arbasoek, baina berau, berriaren eraginez baztertua izan zen azkenean. Ane Zabalak ekarri digu historiako pasartetxoa Arrasateko orrira. Zuek ba al zenuten kantu honen berri?

Badakizue onena hasi besterik ez dela egin, Arrasateko San Juan jaietako egitaraua begiratzea nahikoa da, aurretik, ekintzaz betetako hiru egun dauzkagula ohartzeko. Baina egunotan indarrak biltzen aritu gara eta eguraldia ere lagun izango dugu… mundiala izango da! Joseba Uriartek proposamen musikala utzi digu gaurko Arrasateko orrian: Golden Apple Quartet. Eta ez doa bide txarretik, izan ere, herriko plazan Dragoi Jana egiteko elkartu eta gero musika izango da nagusi. Monterronen Golden Apple Quartet-ekoak arituko dira, plazan Ohian Vega-ren diskofesta, txosnagunean Skati, Disorders eta Kantuki arituko dira eta gaztetxean aldiz, Revolutionary Brothers. Eta bihar gehiago! Goza dezazuela! Gora Arrasate! Gora San Juan!

Share on Facebook

DNA Arrasaten bertan ikertzen ari direla eta IV. Debagoieneko Jardunaldi Gastronomikoak Arrasateko kontu aipagarrienen artean.

Oso albiste pozgarria jaso dugu asteon Arrasateko horman, medikuntza, osasuna, eta zientziarekin lotura estua duena eta Eutsi Mondraren eskutik: ‘Mondragoen hasi dira ADN (DNA) ikertzen. Garai batian Elhuyar anaiek Bergaran egin zuten moduan, ia zientziak aurrerapauso garrantzitsua ematen daben geure herrixan bebai.’ DNAa, gaztelerazko ADNa luzatu eta hortik are eta informazio gehiago ateratzen bada, birus, bakteria…eta abarrei aurre egiteko urrats handia izango da. Laborategi txiki txiki batekin, ekarpen handiak iritsiko dira CIC microGUNE enpresan egiten ari diren lanari esker. Hemen duzu albistearen esteka.

Arrasate, askotan, kooperatibengatik ezaguna da baina, badira baita bestelako kontuak eta horien artean gastronomia dugu, Ane Goikoetxeak horrela parte hartu du gurean: ‘Debagoieneko Jardunaldi gastronomikoak martxan daude, zein jatetxetan izan zara? Menu interesgarria topatu duzu?’ Zure gustukoa topatzen baduzu eta zure iritzia eman nahi baduzu, badakizu non gauden beraz, esaguzu. Arrasaten Hilarion, Kanpazar eta Santa Ana dituzu aukeran. Bitartean bertan duzu informazioa zabaltzeko esteka.

Laburpenaren hurrengo kontua ere Eutsi Mondrak ekarri digu:’Aldundixan www.gipuzkoamendizmendi.net busa ailegau da Mondragoera, bertako natura-parke eta biotopoak ezagutzera emoteko. baina mondragoetarroi interesatzen jakuna ez dabe larrei kontuan hartzen diputaziñokuak, geuk Udalatx biotopo izendatzia gura dou. Bus gutxiau eta biotopo gehixau. ‘ Gaur arte, Laubide plazan izan da, beraz, gaur, ostirala, azken eguna duzue. Akaso, bertara joan eta zure iradokizuna ere egin dezakezu eta horrela Udalatx-en aldeko apustua egin. Hemen uzten dugu gehiago jakiteko lotura.

Orain, oso bestelako gaia jorratzeko unea iritsi da, eta hori gure taldeak aipatutakoa da izan ere, nerabeen aita edo ama bazara, zuretzat ikastaroa antolatu du udalak. Interesgarria oso, norberaren erantzukizuna ahalik eta heziketarik hoberena ematea bada ere, askotan bidea oso maldan gora izaten delako. Hemen duzue ikastaroaren berri.

Kontu alaiagoen txanda datorkigu Joseba Uriarteren eskutik, musika eskolakoek apirileko egitaraua prest dutelako eta jada kontsultatzeko aukera dagoelako. Bertan gehiago jakiteko lotura.

Agenda betetzeko ekitaldiekin gauden honetan, honatx Eutsi Mondraren berbak: ‘Hogjaw taldia maitzaren 7an Amaia atzokixan euren Arizonako doinuekin, eta 20an berriz, euskal musika Ken Zazpiren eskutik.’ Badakizue, zuen hitzorduak eguneratzen joan behar duzuela, eta orain udaberrian, dena loratzen den sasoi eder honetan, kalera ateratzeko gogoak areagotzen direla aprobetxatuta, apuntatzen joateko unea da. Animatzen joateko, Eutsi Mondrak utzitako bideoa duzue hemen.

Gogoan izan, oraindik zuk egindako argazkiaren zain gaudela, Arrasateko argazkirik izango duzu, eta seguru ederra den baten bat edukiko duzula, beraz, orrialdeko horman jarri eta boto gehien lortzen dituen argazkia izango da blogerako aukeratuko dena.

Bitartean, gure orrialdean edota hemen, gure herriko blogean topo egingo dugu.

Share on Facebook

Murugain mendiko Burdin Aroko aztarnak eta Arrasateko Eroskiren handitzea dira aste honetan facebookeko orrialdeko gai nagusiak.

Kristo aurreko lehen milurteko herrixka Murugainen aurkitu zutenean 1988 urtea zen, eta orain, Aramaiok aztertuko duela jakin dugu. Burdin aroko herria Gipuzkoan dauden bederatzi herrien artean dago eta gurean dagoen herrixka ere ez dago edonon eraikita. Oso toki estrategikoak erabiltzen zituzten eta Murugainekoa ere horrela dago. Askotan lur azpian lanean hasi baino lehen, aztarnak jasotzen dituzten profesionalak behar izaten dira, eta Murugain mendian ere, telefonia mugikorrerako antenak jarri aurretik, arkeologoen presentziak oso aurkikuntza bereziak ekarri dizkigu. Ane Goikoetxeak zera utzi zigun Arrasateko horman: ‘Murugainen dago hitzordua, Aramaiok Burdin aroa ikertzeko bidea hartu du. ‘ Hemen duzu gehiago jakiteko albistea.

Bestelako gaiak eta bestelako lurrak hartuko ditugu hizpide orain. Eutsi Mondrak Eroskiren handitze proiektuarekin zer gertatzen den jakin nahi du eta galdera zabaldu du Arrasateko horman. Kontua auzitegian ote dagoen ere galdetzen du berak. Errudunetaz ere galdetzen du, izan ere, Eroski merkatal gunearen aldetik handiagoa egiteko eskaera egin omen zen eta orain erantzunaren zain daude. Arauak ere badira, metro koadroak zehazten dituztenak eta abarrak…badirudi,  Udalaren erantzunik jaso ezean, Eroskik kalte ordainak eskatuko dituela….hemen Eutsi Mondraren berbak: ‘herritarrok, udaleko arduradun horren akats barkaezinagatik, Eroskiri kalte-ordaina eman beharko diogu? Gu guztiok, miloi askotako kalte-ordain horri aurre egiteko gai izango al gara? Hor doaz neure kezkak, ia norbait erantzuteko gai dan.’ Hemen izango duzu informazio gehiago. Eutsi Mondrak utzitako emariari Carlos Fernandez Secok horrela erantzun zion: ‘Mira como amplio yo Eroski……… HEROSQUI. Ya esta mas grande ‘

Aste honetako laburpenean Beñat Mendieta ere badugu, Arrasateko komunitatean horrela parte hartu baitzuen: ‘ingeniari teknikoek diplomak jasoko dituzte, zure txanda da edo oraindik ez? ‘ Amaia Antzokian gero Mondragon Unibertsitateko ikasleak  dotore-dotore diplomak hartzera. Bertan duzu informazioaren esteka.

Atzo, eguena, Arrasateko gaztetxean, musika nagusitu zen eta herrian, Batusi taldearen fusio doinuak entzun ziren.

Bukatzeko, gure komunitateak eskertuko duen mesede txiki bat eskatu nahi dizuegu; hemen horman, astero uzten dugun laburpenarekin batera ‘automatikoki’ azaltzen den irudia aldatu nahi dugu. Zuen argazkia izatea gustatuko litzaiguke, originala behar du izan zuek aukeratutakoa. Arrasateko orrialdean zuen argazkia uzteko aukera izango duzue eta hurrengo asteartean ‘atsegin dut’ boto gehien dituena izango da aukeratutakoa. Eskerrik asko guztioi eta gora Arrasate!

Badakizue, facebookeko orrialdeko horman edota gure herriko blogean nahi duzunean topo egingo dugula. Eskerrik asko parte hartzeagatik eta asteburu ona izan.

Share on Facebook

Maialen Ruiz de Azua, Arrasateko autobus urbanoa, Bedoñako Santa Eulalia eliza eta herrian dauden animalia basatiak dira aste honetako kontu nagusiak.

Egubakoitza eta astero moduan, Arrasateko orrialdeko hesian jasotako emarien laburpena egiteko prest gara. Hasteko, kirol tartea zabalduko dugu, eta txalo zaparrada eskatuko dugu hemendik Maialen Ruiz de Azua pertika jauzilariarirentzat. Zera idatzi zuen Joseba Uriartek gurean: ‘Maialen Ruiz de Azuak zilarrezko domina lortu zuen aurreko asteburuan pertika jauzian; 3,65 metroko saltoa egin zuen. Lan bikaina, ezta?‘ Jakina lan bikaina izan zela, eta etzi, domeka, Atletida txapelketa jokatuko da Anoetan; Aretxabaleta eta Arrasateko 40 atletatik gora bertan izango da. Hemen duzu informazioa.

Gure kirolari onenak sasoian daudela erakusten duten bitartean, bada, Arrasaten gehiengo handi bat, oinez baino, autobusa nahiago duela. Gero eta gutxiago hartzen da autobusa, akaso, igogailuak jarri direlako edota, krisiak ere gogor eragin duelako, eta autobus urbanoaren azken geltokia merkatal zentro handikkoa izaki, iazko datuen arabera, gutxiago kontsumitu bada, baita autobusa gutxiago hartu ere. Arrasateko hesian Maite Bazterretxeak honakoa utzi du: ‘Bus urbanoa askotan erabiltzen al duzu?’ Zure erantzuna, hementxe bertan edota gure blogean usteko aukera izango duzu. Bertan topatuko duzu informazioa.

Bestalde, herriko irudi eta toki ederrak asko badira ere, aste honetan Begoñari egokitu zaio. Osteratxoa egin, eta honako galdera bota genuen: ‘Bedoñako Santa Eulalia eliza. Noiz egin diozu azken bisita Bedoña auzoari?

Arrasate. Begoña. Santa Eulalia eliza. Argazkia: Ikusteka.com

Galderak, erantzunak izan zituen eta tartean, Ekain Velez de Mendizabalek esandakoa: ‘izango dira hamar bat urte ….. jeeeesus !’ baita Eutsi Mondrarena ere: ‘Ba Bedoñan elizako erliebiak bisitatu behar diez. Aspaldi irakurri nauen Euskonews-en eskultura horei buruzko artikulu bat. Mondragoeko historialari batek idatzi zauela uste dot. ‘Vestigios del románico’ izenburua du eta hau da esteka‘. Ane Goikoetxea ere bere erantzuna utzi du: ‘Aupa Bedoña….hor inguruan txakolina ere egiten zan edo?’ Jakina egiten zela bere garaian, ia orain ere horrela egiten jarraitzen duten….

Bukatzeko Eutsi Mondraren beste emari bat ekarri nahi izan dugu, bere iritzian, Arrasaten bertan, animalia basatiak dabiltza eta berak guztiok animatzen gaitu, horrelako bat ikusi eta argazkia egitera gero hementxe bertan partekatzeko. San Andres auzoko larreetan azeria, edo orain amuarrainak..bestela ere horrela dio: ‘katamixarrak ibiltzen diez gure herriko zuhaitzetan, tximeleta koloretsuak be badaz… Animatu eta erretratua atera geure bizilagun basatiei.’ Ane Goikoetxeari oso ideia ona irudi zaio, eta baita guri ere, beraz, ia apurka apurka animali basatiei ateratako argazkiak gure hesian agertzen hasten diren. Eskerrik asko benetan, guztion artean hemen, Arrasateko hesian jartzen duzuen informazioagatik, horrela, gure herriko blogak ere zuek ekarritakoari bozgorailua jarriko baitio.

Share on Facebook

Udako Abenturak, aeronautikari buruzko jardunaldi bat Arrasaten, LOKEko judokak lortutako dominak eta Garibai etorbideko asfaltatze lanak izan dira aste honetako gai nagusiak Facebookeko orrialdean.

Zure umeak abenturak gustuko baditu, adi Leire Bazkezek utzitako informazioari! Debagoienako Txatxilipurdi eta Jardun elkarteak eta Debabarrenako Pil-Pilean elkarteak bat egin dute. Zertarako? Udako Abenturak antolatzeko! “Gazteak aisiaz gozatzeko eta lagun berriak egiteko aukera bikaina, ezta?“, galdetu zigun Leirek. Informazio gehiago nahi baduzue, begira hurrengo esteka honetan.

Aeronautika interesatzen zaizue? Dagoeneko hasi da Titanioaren mekanizazioari buruzko jardunaldia Garaia Berrikuntza Gunean. Honen inguruko hainbat gai landuko dituzte eta arratsaldera arte iraungo du. Bertan bazaude edo joaten bazara ez ahaztu blogean edo Facebookeko orrialdean komentatu ahal duzula! Hemen duzue informazio gehiago eskuratzeko esteka.

Kirolari buruz hitz egingo dugu orain. Beñat Mendietak LOKEko judokak otsailean lortutako domina pilaren informazioa jasotzen duen albistea partekatu zuen gurekin esteka honetan. “Lan bikaina“, adierazi zuen.

Azken gaia Garibai etorbideko asfaltatze lanak dira. Eutsi Mondrak honen inguruko albistea partekatu zuen gurekin, hemen, eta horren inguruan duen iritzia ere utzi zigun atzo.

Honenbestez, amaitutzat emango dugu laburpena. Hurrengo astean berriro bueltatuko gara informazio berriarekin. Mila esker zuen arretagatik! Asteburu ona izan eta laster arte!

Share on Facebook

Korrika 17ko abestia Gose taldearen eskutik, Lezetxiki eta Arrasateko bestelako ondarea eta Karlos Argiñano izan dira aste honetako gai nagusiak.

“Maitatu, ikasi, ari… euskalakari” lelopean ospatuko da aurtengo korrika, 17.era iritsi gara eta ez da txantxa, aste honetan bertan Beñat Mendietak utzitakoa ekarri nahi dugu: ‘Korrika aurten ospatuko dugula eta abestia……….Arrasateko labela dauko….ia zer iruditzen zaizuen…Aupa Ines!!! Aupa Gose! EUSKALAKARI!!! hasi entzuten prest egon behar dugu eta….pausoz pauso…’. Hemendik eskerrak emateaz gainera utzitakoa bideoa ere ekarri dizuegu.

Orain garena ulertzeko izan ginena ere ezagutu beharko genuke, hemen duzu Arrasate Mondragonek utzitako emaria: ‘Labeko koba aztarnategiari buruzko berriak daude irakurgai Lezetxiki orrialdean.’

Arrasate Mondragon taldeak orain beste galdera bat luzatzen digu eta azken honetan ‘Zer dakitzu Lezetxikiri buruz?’ Dio, bestela, hemen sakatu eta zure erantzuna eman. Animatu eta eztabaidan parte hartu.

Arrasate Mondragonk kontu honen inguruko galdera luzatzen digu horrela dio taldeak: ‘Animatu eta parte hartu eztabaidan.’ Erantzuna emateko hemen duzu esteka.

Orain, gure euskalkian Arrasate Mondragon taldearen emari abesgarriekin jarraituko dugu: ‘Mondrautar gehixenok igo gara noizbehin Udalatxera eta han ikusi dou eraikin baten hondakinak, baina gutako gutxik dakigu hondakin horien historixa eta gure herrixakin eta herritarrekin mende luzeetan izan daben lotura. Geure herrixa hobeto ezauketako animau dokumentu interesgarri hau irakurtzera eta zaindu dezagun geure ondarea!!! ‘ Gure ondarea gehiago ezagutzeko hemen duzu lotura.

Arrasate Mondragonek asteon ekarpen asko egin ditu eta beste honetan sukaldari mediatikoena aipatzen du: ‘Argiñanok ez ditu FAGOR-eko elektratresnak gehiago promozionatuko. BOSCH-era pasa da.’ Albiste honi Maria Abadiñok zera gehitu dio: ‘Hau da hau!!! baina negozioa negozioa da, horregatik ere beste telebista kate batean dago eta… honekin lotuta ‘. Informazio gehiago jasotzeko hemen duzu esteka.

Bestalde, ikusmena alaitzeko eta gure herriko argazki politak ikusteko Arrasate Mondragonek zera utzi digu: ‘Mondragoeko irudirik ederrenak FLICKR-en.’ Hementxe irudiak ikusteko esteka.

Gure komunitatearen ekarpenak ere oso bestelako kontua ekarri du: ‘MUko ingeniari batek, Japonia eta Ameriketako Estatu Batuetako elikadura ikertzen ari da.’ Honen gaineko iritzia Carlos Fernandez Secoren eskutik etorri da: ‘ez dago horren urruti joan beharrik, txinora edota Boliñetera bazoaz leku guztietatik zaporeak topatzen baitituzu’ Hemen duzu albiste honen inguruko lotura.

Bukatzeko, Itxaso Apraizek utzitako proposamena dakargu: ‘Ostegunean kontutan hartzeko ekitaldia!!! ‘ Aste honetakoa galdu baduzu, hurrengoetan izateko aukera duzu, bestela hemen informatu.

Hementxe utziko dugu aste honetako laburpena eta datorren astean berriz ere hemen topatuko gara, bitartean, Arrasateko orrialdeko hesia zabaldik izango duzu.

Share on Facebook