Arrasate-Mondragón

Kaixo guztioi!

Uda on danori!

Opor usaia bai eta baita kale hutsak ere bai, baina bestelakoetan ezer gutxi gure herrian.

Hala ere Arrasateko orrialdean jasotakoekin laburpena prestatu dugu astero moduan.

Lehenik eta behin oporrak gida baimena ateratzeko aprobetxatzen dutenentzat bideo barregarria ekarri nahi izan dugu, barreterapia egitea ere oso osasuntsua baita. Sasian barrena autoeskola: martxa atrasa, “Wazenmank” saioaren eskutik. Ondo pasatu.

Pantaila txikitik, orain pantaila handira salto egingo dugu, “Bi Anai. ” Bernardo Atxagaren mundua pantaila handira bueltatu da. ‘Bi anai’ eleberriaren zinemarako adaptazioak forma hartu du Imanol Rayo zinemagile nafarrari esker, filmaren azken albisteak ere ekarri baititugu, bertan Mariasun Pagoaga arrasatearra dugu beste behin ere lanean.

Eserlekua lortu dugunez, bertan jesarrita geratuko gara. ‘80 egunean’ pelikula, 2010eko Donostiako Hiria Sarirako hautagaia. Jon Garañoren eta Jose Mari Goenagaren luzemetraia ‘Pájaros de papel’ eta ‘La isla interior’ filmekin lehiatuko da. Irabazlearen izena Zinemaldiaren 58. edizioa bitartean ezagutzera emango dute.

Felicikas festetarako VIP gonbidapen bat nahi duzu? Abuztuaren, 20an eta 21ean Donostian (eta inguruko zenbait herritan) egingo diren ligatzeko party-etarako sarrerak, kamisetak eta txapak oparituko dizkizugu, zuretzat eta beste hiru lagunentzat!

Arrasatek baserri eta mendietarako bideetan 40 kilometro berreskuratuko ditu. Abuztuan zehar garbiketa lanak egiten arituko dira.

Gipuzkoak, bidaia txartel bakarra izango du 2.012 urterako. Herriko autobusak, herrien artekoak, eta baita Renfe eta Euskotrenen ere.

Errepasoari amaiera gozoa emateko, Iturriotz kalera joko dugu eta benetan plan ederra proposatuko dizuegu. Zapore klasikoko izozkiak saltzen dira gehienbat udan. Esnea, esne-gaina eta azukrea dira izozkien osagai nagusiak, baina Arrasateko Izozkitegi tabernako Josu Uribarrenek bestelako osagaiekin ere egiten ditu izozkien. 25 urte daramatza izozkiak egiten eta orain dela urte batzuk, esaterako, babarrunezkoak edota dilistakoak egitea iruditu zitzaion. Azaldu duenez, bere garaian ikusmin handia piztu zuen herritarren artean baina, zoritxarrez, ez zuen arrakasta handirik izan.

Honenbestez laster arte esanez eta eskainitako arreta eta laguntza guztia eskertuta, asteburu ona opa dizuegu.

Gogoan izan Elgoibarko jaiak ospatuko direla eta akaso……

Share on Facebook

Besarkada freskoa baita gaur ere!

Ez dakigu zein ordutan sartuko diren hodeiak, baina bitartean, udako egunaz gozatzeko gomendioarekin gatoz, baita Arrasateko orrialdean jasotako emarien laburpenarekin ere.

Hasteko, ospitalean jarritako berrikuntzak ekarri ditugu. Teknologia berrienak eskaintzen dituen markesina jarri dute ospitale ondoan. Etorkizuneko markesina, horrela izendatu dute, Arrasaten, ospitale ondoan jarri duten markesina berria. Udalak Arrasate kristaldegiarekin lortutako akordioaren ondorioz jarri dute. Autobus aterpea ez da nolanahikoa; teknologia berrienak erabiliz erabiltzaileen erosotasuna bilatu gura du, hain zuzen. Besteak beste, irratia, wifi sistema eta autobusen ordutegia adierazten duen ukimen pantaila dauka markesina berriak.

Bestalde, udan egiteko plan desberdinak ere jaso ditugu zuontzat. ‎’Bi Errepidean’: Oporrak pasatzeko moduak.Urrutira joan gabe ere, bertatik bertara, ohiko bizilekua utzi eta egun hauek bestelako giroan bizi daitezkeela erakutsiko dute Alex Sarduik eta Urko Aristik.

15 adin txikiko daude Gipuzkoan era profesionalean hartuta. 15 adin txikiko daude Gipuzkoan era profesionalean hartuta.

Debagoiena odoltsua. Monterroneko kontearen erailketa edota Eskoriatzan lapurtutako 2.500 zilar pieza baino gehiago dira eskualdean argitu gabeko misterioen artean aurkitzen ditugunak. Sarraskiak, bandoleroak eta abarrak odolez bete zuten Debagoienako historia.

Eroskiko biribilean dagoen seinalea (eman bidea) lurrean dago.

Arrasate. Eroskiko biribila

Animaliek euren “hotela” dute Arrasaten. Etxean animaliak izatea, askotan traba izaten da oporretara joateko. Animalia eramaterik ez baduzu eta ez baduzu norekin utzi, zaila izaten da oporraldia antolatzea. Horregatik, Arrasaten dagoen “animalien hotela” zerbitzu ezin hobea da opor sasoi honetarako. Mari Kruz Kortabarriak azkeneko 19 urteetan dihardu aipatutako zerbitzua ematen Arrasate Zoo dendan. Animali txikiak hartzen ditu; besteak beste, katuak, txoriak eta untxiak. Garbitzea eta zaintze da bere lana.

Donostiara eta Bilbora su artifizialak ikustera erretiratuekin. Abaroa erretiratuen elkarteak su artifizialak ikustera joateko irteerak antolatu ditu Donostiara eta Bilbora. Donostiarako irteera hilaren 18an izango da, eguaztena. Autobusa 17:00etan irtengo da Arrasatetik eta 01:00etan itzuliko da. Interesa dutenek hilaren 10ean eman beharko dute izena elkartean bertan, 10:30ean 10 euro ordainduta.

Eskerrik asko guztiagatik eta laster arte.

Share on Facebook

Kaixo guztioi!

Udala, Urkulu, Monterron, edo…bueno bakoitzak uda sasoi honetan herrian egotea egokitzen bazaio gustuko txokoa izango dugu. Arrasateko orrialdetik bueltatxoa ere ematen dute askok, eta bertan jasotakoaren laburpena ekarri nahi dugu.

Autobidearen lanek eragindako kalteak konponduko ditu Bidegik. Bidegik ia 800.000 euro bideratuko ditu AP-1 autobideko lanek Aretxabaletan eragindako kalteak konpontzeko. Kalte handiak sortu zituzten autobidearen lanek, batez ere Izurieta eta Galartza aldean. Orain, kalteak konponduko dituzte. 570.000 euro inbertituko ditu Basagoitiko ubidearen eraikuntzagatik hondatu zen GI-3920 errepideko zati bat konpontzeko; eta, Izurietara (GI-3132) doan errepidea berritzeko 207.000 euro bideratuko ditu Gipuzkoako Foru Aldundiak, Bidegi Bide Azpiegituren Agentziaren bitartez.

Uztailean langabeziak behera egin du Debagoienean. Uztaileko langabezia datuen arabera, Debagoienean, uztailean 86 langabetu gutxiago zeuden ekainean baino. Datutan, ekainean 2.963 lagun ziren lanik gabe zeudenak; uztailean, ostera, 2.877. Hortaz, % 0,28 jaitsi da langabezia tasa gurean. Herriz herri begiratuta, langabeziak behera egin du herri denetan, Elgetan izan ezik.

‘Non gogoa, han zangoa’ argazkilaritza lehiaketa antolatu du Ternuak. Ternuak antolatutako lehenengo argazkilaritza lehiaketa izango da. Berezitasuna da, sare sozialen bitartez parte hartu ahalko dela lehiaketan. Publikoarekin harremanak estutzea da Ternuaren helburua; eta, baita, natura, elkartasuna edo ingurugiroarekiko begirunea bezalako marka-balioen bidez parte-hartzea sustatzea. Argazkiek “non gogoa, han zangoa” espiritua islatu behar dute.

Arrasateko Gose musika taldeak gaur, Gasteizko jaietan dohako kontzertua emango du. Rock-tecno-triki musika egiten duen taldeak beraz, Arabako hiriburuan jarriko du bere erritmoa. Vitoria.

Zinea, kalean. Ostirala hilak 6 Monterron Parketan gaueko 22:30etan, ‘Spanish movie’.

Alberto Iñurrategi: «Ideien errealizazioa, ahal izanez gero, bukaera arte aurrera eramaten ditut». «Mendizaletasun ahalik eta garbienarekin daukadan konpromisoarekiko fidela izaten ahalegintzen naiz » .

Monteko porra irabazi du ‘Martina Drullard’ zerrendak. ‘Martina Drullard’ izeneko zerrendak irabazi du Monte tabernako aurtengo Tourreko porra. 12.120 euroko saria jasoko dute.

Lanpostu publikoetarako probak, irailean eta urrian. INEMen bitartez Arrasateko Udalean bete behar dituzten lanpostuen probak abuztuko oporren ostean egingo dituztela jakinarazi dute Udal Enplegu Sailetik. Aldi baterako bost lanpostu dira lehiaketara atera dituztenak: peoi, delineatzailea, delineatzaile-argiketaria, basolanetako arduraduna eta gizarte hezitzailea. Peoi lanposturako 200 lagun pasak eman du izena.

Mariasun Pagoaga arrasatearra ‘Bi anai’ filmaren errodajean. Euskaraz egiten ari diren ‘Bi anai’ filmean, Klara Badiola edota Kandido Uranga aktore ezagunak ere badaude. Pelikulan parte-hartzea, “Zorte bat” izan dela kontatu digu Mariasun Pagoaga arrasatearrak. Errodajea bihar bukatuko dute eta 2011n estreinatuko da filma. Jarraian dituzue Mariasun Pagoagaren hitzak.

Arrasate. Aitor Fernandez

Aitor Fernandez Europako txapeldunorde geratu da 19 urtez azpikoen futbol txapelketan. Arrasatearrak Espainiako selekzioarekin jokatu du Europako txapelketa; hala, atzo Frantziaren aurka jokatutako finala 1-2 galdu eta txapeldunorde geratu da Fernandez. Luis Millak deituta jokatu du 19 urtez azpikoen futbol txapelketa Fernandezek. Gaur egun Athleticeko atezaina da Fernandez. Athleticeko harrobian hasitako jokalaria da; eta, 2009-2010 denboraldiaz geroztik talde nagusiko laugarren atezaina da.

Eskerrik asko guztiagatik eta laster arte.

Monterronen mesedez eta arren txoko bat gorde…

Share on Facebook