Amorebieta-Etxano

‘Amorebieta-Etxano Eraikitzen’ argazki lehiaketa, ‘También la lluvia’ filma Zornotzan eta ‘Emakumea lanean’ erakusketa Zelaieta aretoan. Gai hauek nagusitu dira aste honetan Facebookeko orrialdean.

Argazkigintzaz hitz egiten hasiko gara aste honetako laburpenean. Gaur amaitzen da ‘Amorebieta-Etxano Eraikitzen’ argazki lehiaketarako erretratuak aurkezteko epea. Joseba Uriartek utzi zigun astelehenean informazioa eta esteka, datu gehiago begiratu ahal izateko. Aurkeztu dituzue zuen argazkiak?

Itxaso Apraizek ‘También la lluvia’ filmaren trailerra utzi zigun asteazkenean. Eskerrik asko! . Eta horrekin batera, Zornotza aretoan ikusgai izango dugula esan zigun. Igandean eta astelehenean izango da, arratsaldeko 20:00etan. Ikustera joango zarete?

Eta amaitzeko, erakusketa bat. Asteartean eman genizuen abisua; ‘Emakumea lanean’ erakusketa Zelaieta aretoan egongo da martxoaren 17ra arte. Informazio gehiago nahi baduzue, utzitako estekan, hauxe, begiratu ahal duzue. Joango zarete? Ikusi baduzue, zer iruditu zaizue?

Honenbestez, amaitu dugu gaurko laburpena. Kultura nagusitu da aste honetan; zein gai izango da protagonista hurrengo asteko laburpenean? Zuen esku dago! Eskerrik asko hor egoteagatik. Agur bero bat eta ondo izan!

Share on Facebook

Bizkaiko Bertsolari Txapelketako finala, Euskaldendan botoak eman zituztenak eta Emakumearen aurkako Indarkeriaren kontrako Nazioarteko Eguna dira aste honetako gai nagusiak. Astero legez, Amorebieta-Etxanoko orrialdeko hesian jasotako emariak hartu eta ohiko labur bilduma ekarri dugu.

Lehenik eta behin asteburuan jokatuko den Bizkaiko Bertsolari Txapelketaren finala aipatu nahi dugu. Onintza Enbeitia bertsolaria finalera pasatu baita eta Zorionak eman nahi izan dizkiogu. Abenduaren 18an BECen egoteko txartela lortu du eta orain, asteburu honetan bertan bigarren finalaurrekoa igandean Amorebietako Zelaieta Zentroan ospatuko da arratsaldeko 17:30etan. Igandean, finalera joateko lehian Eneko Abasolo “Abarkas” eta Miren Amuriza berriztarra egongo dira. Informazio gehiago, hemen.

Bestalde, eta aurtengo Durangoko Azoka iritsi aurretik, ospatutako azkena ekarri digu Maite Bazterretxeak gogora: “Stand onenaren aldeko botoak eman dira eta Felisa Azagirrek parte hartzeagatik saria lortu du. Zorionak saria lortzeagatik! eta besarkada beroa artisau guztientzat. Aurten gainera berrikuntzekin etorriko da Artisau Azoka. Pasatuko zara?” Oso gutxi geratzen da Durangoko artisau azokarako eta jakina baita Euskal Dendarako ere beraz, bertan topo egingo dugu. Albistea esteka honetan duzu.

Atzoko egunez, (azaroak 25) Maite Bazterretxea berak albiste honekin aipatu zuenez, Emakumeen aurkako Indarkeriaren kontrako Nazioarteko Eguna gertu dagoela eta, Amorebietan bertan badira ikusi, entzun eta egitekoak. Estreinatu berri den ‘Nagore’ filma ikusteko aukera izango da besteak beste.

Beñat Mendietak hauxe esan zuen: “Zabor artean bizi zen alargunaren kasua entzun duzu? Zaborra pilatzen zuen baina asko gainera, 6 edukiontzi atera dituzte bere etxetik. Nola bizi daiteke horrela?“.

Hodei Zambrano Troncosok, bere aldetik, hau utzi zuen hesian: “GEUR LIPDUB-A BOZKATZEKO AZKEN EGUNA DA!!!! 6.postuen gauz ETA LEHENENGO 5en artean egon behar gara BERAZ….. BOZKATU BOZKATU BOZKATUUUUUUUUUU“.

Eider Garaikoetxeak, bukatzeko, hauxe partekatu zuen atzo: “Ay, me acabo de enterar… el aitite que desapareció el fin de semana ha sido hallado muerto! ”.

Honenbestez, agur esango dizuegu; beti bezala, zuen laguntza eskertu nahi dizuegu, eta hesiari begira jarraituko dugu, hortxe esaten duzuena gero hona ekartzeko. Mila esker!! Hurrengora arte!!

Share on Facebook