Amorebieta-Etxano

Zornotza emakumeen indarkeriaren aurka azaldu da azken egunotan, ez dago umeen bahiketaren gaiarekin larritzeko arrazoirik, pare bat lehiaketa proposatu dizkigute… horiek dira pasadan astetik hona Amorebieta-Etxanoko orrian berbagai izan direnak, ekin diezaiogun laburpenari!

Emakumeen kontrako Indarkeriaren eguna izan zen ostiralean eta, nola bestela, Amorebieta-Etxano ere indarkeriaren aurka agertu zen beste urte batez. Gure Facebooeko orrialdean ere, Hodei Zambranok utzi zigun mezua, hala zioen: EMAKUMEENGANAKO INDARKERIARI EZ!!! eta bideo hauxe elkarbanatu zuen. Ahal bezain laister egun honek bere zentzua galtzea litzateke onena, ea hala den…

Imanol Aragonek Bizkaie kazetari taldeak abiatutako lehiaketa baten berri eman zigun pasadan astean. ‘Zornotzako Jauregibarria jatetxean bi lagunentzako dastaketa-menua irabazi nahi??? Bialdu zure argazkiak Bizkaie! 2011ko argazki lehiaketara‘. Eider Garaikoetxearen esanetan, ‘Joe ba saria ez da txarra! Baina nire argazkiak bai! ’ eta geuk, Amorebieta-Etxanoko orritik Imanoli galdetu genion ea bere argazkiak aurkezteko asmorik ba ote duen. Ezetz dio berak, anima zaitez gizona!

Azaroaren 20an hauteskunde orokorren nondik norakoak kontatu genizkizuen eta badakizuenez, hauteskundeen emaitzak Zornotzan ez zuten ezusteko handirik utzi; EAJk irabazi zituen hauteskunde orokorrak Amorebietan. Eta Amaiur izan zen bigarren indar bozkatuena, PSOE eta PPren aurretik. Zer deritzozue?

Bestalde, gaiz aldatuz, Athleticen Europa Leagueko partida doan ikusi nahi? Abenduaren 1ean San Mamesen jokatuko den Athletic-Slovan Bratislava partidarako sarrera bat zozkatzen du EITB Kirolak orriak. Abenduaren 1eko 12:00ak arte EITB Kirolak orri honen zale egiten diren guztien artean zozkatuko dugu sarrera. Sarrera hori Bilboko EITBren egoitzan (futbolzelai ondoan) jaso ahal izango da! Zorte on!!

Amaitzeko, azken egunotan bolo-bolo ibili den gaia dakarkigu lerrootara: umeen bahiketak. Hodei Zambranoren bidez sareratu dugun albiste honetan irakur dezakegunez ez dago arduratzeko arrazoirik, ez dago umeak bahitzeko boladarik Zornotzan. Lasai hartu orduan, baina beti bezala ez begirik kendu etxeko txikiei badaezpada…

Agur bat Zornotzako Facebooeko orrian parte hartu duzuen guztioi, eskerrik asko! Egun gutxi barru elkartuko gara berriz ere, bitartean ongi segi eta ondo bizi!

Share on Facebook

Zornotzako orrian San Martin bezperako ilargi betearen eta gaur goizeko egunsentiaren argazkiak jaso ditugu. Eskerrik asko Imanol Aragon, ederrak dira benetan! Ikusi egingo ditugu ezer baino lehen

Amorebieta-Etxano | San Martin gaueko ilargi betea ARGAZKIA: Imanol Aragon

Amorebieta-Etxano | San Martin eguneko egunsentia ARGAZKIA: Imanol Aragon

Agur bero bat bidali digu Imanol Aragonek; eta guk berriz ere diogu, ederra izan zen bart gaueko ilargi betea eta onak dira bai argazkiak. Gaur goizeko egunsentiaren kolorea ere ikaragarria izan da, Karmele Aurtenetxek esan bezala, ‘Bai, gaurkoa goiz gorri-gorria izan dogu! Eta ederra argazkia‘.

Aurreko astebukaerarako berriz, proposamen hauxe egin genizuen: ‘Espero ez denaren zain al zaude? Horixe da datorren larunbatean Zornotza Aretoan taularatuko duten antzezlanaren izenburua, ‘En attendant l’inattendu’. Ustegabeko bat edo beste jasotzeko egun aproposa izan daiteke’. Karmele Aurtenetxeri izenburua gustatu zitzaion eta Eider Garaikoetxeari berriz, argazkia. Bertaratu al zineten?

Amorebieta-Etxano | En Attendant L´inattendu antzezlana Zornotza aretoan

‘Lip dub-a grabatzen ari dira herrian? Atzo musika eta jende pilo ikusi neban Udaletxe plazan… Baten batek badaki zerbait???‘ Eiderrek egin zuen galdera, ba al dakizue zertaz ari den? Egin al da bideoren bat? Hala bada, elkarbanatu ezazue Zornotzako Facebookeko orrian, guk ere ikusi nahi dugu!

Besterik ez gaurkoz, eskerrik asko parte hartu duzuen guztioi. Badakizue nahi duzuen oro konta dezakezuela blog honetan: herriko albisteak, argazkiak, bideoak, ekintzak… zure elkartearen agenda ezagutarazi, ekimenetarako gonbidapena luzatu, zerbait proposatu… Zure zain gaude! Ongi pasa asteburua, laster arte!

Share on Facebook

Amorebieta-Etxanok Kaitanako Osasun Zentro edo anbulatorio berria egin ahal izateko lursailak laga dizkio Eusko Jaurlaritzari. Eider Garaikoetxeak eman digu albistearen berri lotura honetan eta irakur dezakegunez, bertan, Kaitanako Osasun Zentroa eraikitzekotan dira etorkizun hurbilean. Lanak urte honen azken hiruhilekoan hastea aurreikusi zuten, denborak esango du noizko izango dugun zornotzarrok anbulatorio berria prest. Bitartean Eiderrek arrazoi, gero eta gutxiago falta da.

Imanol Aragonek berriz, atzoko hodeien argazkia partekatu zuen Zornotzako Facebookeko orrian. Frutas Francisco Salado-k ‘Fantastic, parece un ovni, muy bueno‘ aipatu zuen jarraian eta Eider ere bat etorri zen. Bitxia bada konposizioa baina, zuek zer diozue, ovnia dela dirudi bai ala ez?

2011ko urriaren 27ko hodeiak Zornotzan ARGAZKIA: Imanol Aragon

Hodei Zambranok berriz, ETB-ko Lokaleroak saioaren berri eman zigun pasadan astean. Honela zioen: ‘Aste honetan ez dira agertuko zornotzarrak baina adi egon ze hurrengo asteetan zornotzako lokalen bat ikusiko dozue. Saio kañeroa izango da, disfrutatu!’ Adi egon beharko dugu beraz, gure herriko gazteen lokalak kuxkuxeatzeko eta baita, lokaleroen egunerokoa zein den ezagutu ahal izateko ere. Eiderrek halaxe komentatu zuen: ‘Nire etxe azpian badago gazteen lokal bat, ea horiek diren!!!!’ Ez dakigu ba zure etxe azpikoak izango ote diren, Zornotzan badago non aukeratu eta! Zein izango ote da? Edo hobeto, zein lokal gustatuko litzaizueke zueri bertan ikustea?

Besterik ez gaurkoz, datorren astean berriz ere Amorebieta-Etxanoko Facebookeko orrian esandako guztia bilduko dugu asteko laburpenean. Orain, zuena da hitza! Elkarbanatu albisteak, argazkiak, kexak, iradokizunak… nahi duzuena. Parte hartu! Bitartean, ongi pasa asteburua zornotzarrok, batzuentzat luzea izango da gainera Ongi izan eta laster arte!

Share on Facebook

Amorebieta-Etxanoko argazkiak jaso ditugu Zornotzako orrian azken egun hauetan. Amorebieta-Etxanoko horman udako lozorrotik esnatu garela nabari da iada, hasi da kurtso berria eta bueltatu gara denok ohiko egin beharretara. Eguraldia bera ere udazkenera moldatu da dagoeneko eta gu ere hementxe gaude berriz ere, astero-astero Zornotzako orrian elkarbanatzen duzuen ororen berri emateko prest, ez dezazuen ezer galdu.

Imanol Aragonek bi argazki eder bidali dizkigu. Lehenengoan udako azken egun eguzkitsuen kolore bizia ikus dezakegu, argi gorridun egunsenti gogoangarria atzeman zuen etxeko leihotik. Antonio, Savela, David, Karmele eta Eider bat etorri dira epaian: zirraragarria izan zen benetan irailaren 28ko egunsentia. Hona hemen:

Amorebieta-Etxano, 2011ko irailaren 28ko egunsentia ARGAZKIA: Imanol Aragon

Bigarrenean aldiz, uda garaiko nostalgia guztiak poltsikoan sartzeko irudi borobila utzi digu: goizeko behelainoak laztandutako Amorebieta-Etxano. Atzokoa da irudia eta Delirium Tremens, 80. hamarkadako talde gipuzkoarraren Laino ilunak abesti mitikoaren letra zati batez lagunduta partekatu zuen atzo. Hona hemen: ‘Laino ilunak ikusten, goizean goizez zeruan, leihoak bustirik daude…‘

Amorebieta-Etxano, 2011ko urriaren 6ko goiz lainotsua ARGAZKIA: Imanol Aragon

Aldaketaren testigu izan gara dagoenezko beraz, utz ditzagun eguraldi kontuak alde batera eta hel diezaiogun kurtso berriko lehen kultur proposamenari. Atzo Amorebieta-Etxanoko orrian elkarbanatu genuen albisteak dioen bezala, gaur da zita Zornotza Aretoan. Mikel Urdangarin zornotzarrak eta Traspasos dantza konpainia gasteiztarrak elkarlanean sortutako ‘Nora’ ikuskizunaz gozatzeko aukera izango da. Dantza garaikidea atsegin baduzu, badakizu! Garaiz zabiltza oraindik

Honela emango diogu amaiera gaurko laburpenari; beti bezala, eskerrik asko guztioi, Zornotzan gertatzen denaz hitz egiteagatik, eta laster hementxe elkartuko garelakoan agurtzen zaituztegu. Gaurtik aurrera, zaudeten lekuan zaudetela, astero etorriko gara blog honetara Amorebieta-Etxanoko orrian gertatzen den guztia kontatzera. Besarkada bat eta ondo izan!

Share on Facebook

Amorebieta S.D taldea hirugarren mailako txapeldun bukatu du eta orain bigarren B taldera igotzeko lehian dago.

Amorebieta S.D, Manakorri 0 eta 3 irabazi zion, orain…play off-an buru belarri sartuta dago eta hurrengo hitzordua igande honetan izango da, Mananorren kontra eguerdiko 12:00etan.

Honen inguruan…Ibai Abendañok zera zioen gurean: ‘S.D. Amorebieta campeón de liga de Tercera División — S.D. Amorebieta Hirugarren Mailako liga txapeldun. ZORIONAKKKK!!!!!!’ eta futbol zelaian gaudela… Ane Goikoetxearen berbak ekarriko ditugu: ‘Aupa Amorebieta!!!’ Albiste honen jarraipena egin nahi baduzu, bertan duzu esteka interesgarria. Gure partetik…zer esan… Aupa Amorebieta!!!!, orain Mallorkara bidean!!! Eutsi gogor! Baietz irabazi!, horrela gaineratu genuen horman eta baita hemen ere.

Erritmoa jarriko diogu datozen egunetan herriari, izan ere, ekainean gurean musika nagusituko da kalean, munduko 6 lurraldetatik etorritako musikarian egongo dira Zornotzan ekainaren 24tik 26ra bitartean. Haizetara 2011 jaialdian, kale musikarien Nazioarteko Lehiaketa ospatuko da, gehiago jakiteko bertan duzu lotura.

Hala ere, badira gurean gertatu diren bestelako albisteak ere, esate baterako Beñat Mendietak ekarri diguna eta benetan baikorra iruditzen zaiguna: ‘menpekoa den zure familiarra ondo baino hobeto laguntzeko ikastaroa martxan da eta datorren astean ere bertara joan zaitezke…’ Berria irakurri nahi duzula badakigulako, hemen duzu lotura.

Ane Goikoetxeak dioen moduan, beste kontu interesgarria… ‘Zornotzan bertan….ba al zenekien, Amorebietako udalak kendu behar zituen ordenadoreak….bota beharrean….Reciclanet-era eraman dituela? Eskerrak, apurka-apurka zerbait egiten dela… ‘ Ez da txantxa eta ezta horrelako albisteak entzuten diren lehendabiziko aldia, hala ere, poza ematen du horrelakoak jasotzen diren bakoitzean. Honatx albistearen gainerakoak jakiteko esteka.

Hain gustura hartzen ez ditugun kontuak ere jaso ditu Ane Goikoetxeak eta maiatzaren 9an, berak larunbat horretan Zornotzako diskoteka batean, zaindaria erasotzeagatik pertsona bat atxilotu zutela informatu gintuen…hala ere, gehiago jakiteko hemen utziko dizugu albistea bera.

Ezin falta, Amorebieta-Etxanoko orrialdeko errepasoa egiterako orduan Imanol Aragon argazkilariaren oparia eta aste honetakoa hemen duzue, Harrison etxearen argazkia.

Zornotza. Argazkia: Imanol Aragon

Aste honetako errepasoa bukatzeko, Ane Goikoetxearen komentarioa utzi dugu: ‘krisi garai honi aurre egiteko….hemen lanpostu baterako deialdia…ia zorterik dagoen….’ Beraz, asmo baikor honekin eta hemen duzuen informazioarekin, laster arte esanez agurtuko gara. Gogoan izan, gure orrialdean edota gure herriko blogean bertan kontaktuan jarraituko dugula.

Share on Facebook

Amorebietako bide gorri sare handiagoa izango dugula eta Gazte Txokoa dira aste honetan orrialdeko hormako gai nagusiak.

Aste honetako laburpenari ekiteko, Zornotzan bide gorri sarea handituko dela esatea otu zaigu. Albiste ona da, benetan, izan ere, txirrindola edota patinak hartuta familian egiteko plan polita aurkezten delako gure aurrean. Herri erdian dagoen Gudari kalera arte zabaldu nahi da bide gorria Zornotzan. Udan ekingo diete hori posible egingo duten lanei, eta Amorebietako udalak, Tejeran hasi eta Gudari arte luzatuko den bide gorria egingo da. Zubikurtxe auzoan, eskailerak kendu eta arrapalak jarriko dira, hala ere hemen duzu informazio gehiago.

Bagoaz, bestelako kontuekin orain, Ane Goikoetxeak ekarritako gaia da eta zera dio bere komentarioan: ‘Gazte Txokoak bisita gehiago ditu, bertan egon zara?’ zuk esan beharko diguzu ia bertan egoterik izan duzuen eta jakina, zer iruditu zaizun jakin nahi dugu baita guk ere. Zelaieta zentroko beheko aldean kokatzen da Gazte Txokoa eta obrak egin zirenetik bisitak areagotu egin dira. 11 urtetik gorakoak parte hartzen dute bertan eta gainera alboan, kontzertuak eskaintzeko aretoa ere badute. Hemen duzu albistea.

Aste honetako laburpenarekin bukatzeko Beñat Mendietak astelehenean oparitutako irudi batekin egingo dugu. Amorebieta-Etxanotik Jon Imanol Aragonek argazki hau eitb.com-ek argazkiak igotzeko duen plataforma berrira bidali baitzuen. Ekaitzak jo zuen, azken orduetan, Zornotzan, eta irudi honekin hasi nahi zuten astea eguraldikoek.

Zornotza. Argazkia: Imanol Aragon

Eskerrik asko parte hartzeagatik eta laster arte agurtzen gara, hala ere, badakizu gure orrialdean edota gure herriko blogean bertan topo egingo dugula.

Share on Facebook

Auzolan Senior Amorebietan da, Bizkaiko lehen herria gainera, beste kontu batzuk ere badira aste honetako horman azpimarratu direnenen artean.

Orue Fundazioak hiru urtetan zehar Zornotzako baserri-auzotan esperientzia pilotu moduan jarri ondoren, orain gurera albiste handia iritsi da. Ane Goikoetxea: ‘auzolan senior ezagutzen duzu? bakarrik dauden helduei laguntzeko sistema berria da eta gainera Bizkaian Zornotza hau erabiltzen duen lehena da.’ Bizkaiko lehenengoak izango gara Zornotzan, ez da txantxa, are gehiago, kontutan hartuta gure nagusiengatik izango ez balitz guk ez genukeela ezertxo ere izango. Albistea irakurri nahi baduzu, Anek utzitako esteka duzu hemen.

Gure herrian berrikuntzak nagusi direla ikusteko beste berri interesgarria topatu dugu. Parke Tematikoa izango du Zornotzak eta itsas mundua, Euskal Herria plazan bertan izango dugu. Hemen duzu gehiago irakurtzeko aukera.  Oharra horman jarri genuenean komentarioak jaso genituen eta esate baterako Karmele Aurtenetxek zera zioen: ‘orduan, inguruan bizi garenok dinosauruak ote gara???????? Bromak aparte utzita, ideia polita benetan’. Zuk ere zure iritzia emateko aukera duzunez, hemen gure blogean edota Zornotzako orrialdean itxaroten zaitugu.

Teknologia berrien aroan buru belarri sartuta gauden honetan, aparailuek eskaintzen dituzten aukerak ikertu eta urrats berriak ematen ari gara. Amorebieta-Etxanoko horman Itxaso Apraizek honen berri eman zigun: ‘sakelakoa (mobila) erabilita grabatutako laburmetraien lehenengo lehiaketa….oporrak aprobetxatuko dituzue horretarako? Zugan Ni-ren ekimena zer iruditzen zaizu?’ zure iritzia falta da, baina gu zera esatera ausartuko gara, oso ekimen interesgarria da, gainera, bullyng eta abarrak egiteko erabili beharrean zerbait abesgarriagoa egiteko aproposa den erreminta bilakatzen da telefonoa. Bertan duzu Itxasok oparitutako esteka.

Gertakarien txandari paso eman aurretik, Imanol Aragon argazkilari ezagunak egindako opari batzuk ekarri nahi izan ditugu, izan ere, zure oporretako argazki eta bideorik ekarri ez duzunez, guk hauek jarriko ditugu gurean.

Amorebieta. Bernagoitia Mugarra. Argazkia: Imanol Aragon

Mugarra ikusi ondoren, zeruari begira jarriko gara eta Beñat Mendieta apirilaren 19an ekarritakoa hartuko dugu Amorebieta-Etxanotik Imanol Aragonek ilbetea ikaragarri ondo ikusteko aukera eskaini baitzigun eitb.com-era egindako bidalketa dela eta, eta, eguneko irudi bilakatu zen. Zure argazkiak ere igo nahi badituzu edota paisaia gehiago ikusi, hemen duzu aukera.

Ilbetea Zornotzan. Argazkia: Imanol Aragon

Gertakarien txanda iritsi da, opor sasoia bere horretan eta alai egoteko unea izaki…bukaerarako utzi ditugu, Ane Goikoetxeak apirilaren 26an hauxe zioen: ‘batzuk oporretan eta beste batzuk lapurretan…’ Betidanik aipatu da, lapurrek ez dituztela oporrik hartzen eta hemen duzue gurean egindakoaren berri jakiteko lotura.

Oporretara joan aurretik ere izan dira gertakariak gure herrian bertan eta horietako bat ere Ane Goikoetxeari esker jaso genuen: ‘Zelan dago katana batekin erasotu duten zerbitzaria?’ Ez dugu gure horman horren inguruko erantzunik jaso, hala ere kontuz ibiltzeko oharra zabaldu nahi dugu, eta baita, albistearen esteka utzi ere.

Gertakari bat gehiago, aste honetan bertan izandakoa, apirilak, 27an, asteazkenean, honetan ere batzuk oporretan eta beste batzuk….lapurtzeko egunetan….. Zaindari batek lapurra infraganti harrapatu zuen, hala ere gehiago irakurtzeko aukera ondorengo loturan uzten dugu.

Aste honetako laburpen berezia horrela bukatu nahi ez dugunez, irudi polit batekin egingo dugu, kasu honetan Imanol Aragonek utzitakoa eta apirilaren 19ko egunsentia Boroatik ikusita erakusten du.

Amorebieta. Egunsentia Boroatik. Argazkia: Imanol Aragon

Zuk ere horrelakoak badituzu eta gurekin partekatu nahi badituzu, hemen gaituzu, gure orrian eta baita gure herriko blogean ere. Eskerrik asko zure parte hartzeagatik eta asteburu ona izan.

Share on Facebook

Zubiondoko gimnasioa kalean dagoela, eta Amorebietako fatxadak dekoratzen ari direla aste honetako gai nagusien artean.

Amorebieta-Etxanoko orrialdeko horman izandako jarduera laburtzeko eguna iritsi da eta tartean bertan topatutako albisteen arten, Ane Goikoetxeak ekarritako hau: ‘Zubiondon gimnasioa kalean!!! probatu duzue?’ Galdera airean dago, badakizu, orrialdeko horman edota gure herriko blogean bertan eman dezakezula erantzuna. Aitite eta amumen lokalaren parean dagoen arren, kirolak adinik ez duenez, bertatik osteratxoa egin eta praktikan jartzeko aukera izango duzu. Hemen duzu albistearen esteka.

Oso bestelako kontuarekin goaz orain, izan ere, gure gorputza sasoian mantentzeko kaleko gimnasioa aipatu dugunez, orain, herriko eraikienen egoeraz edo dekorazioaz arduratuko gara. Beñat Mendietak horrela idatzi du asteon: ‘Santa Maria parrokiaren fatxada prest, orain, beste batzuk behar dira dekoratzen jarraitzeko….zeintzuk lirateke interesgarrienak?’ Berak ere itauna bota du, eta zuon erantzunaren zain egongo da. Momentuz hiru fatxada ‘itsu’ edo leiho gabekoetan egin da dekorazio berezia eta antzinako erretratuak erabili dira horretarako. Mural berezi horiek dauden tokietan argia mantenduko dute gau osoan zehar. Hemen gehiago irakurtzeko lotura.

Amorebietan, txirrindularien proba handia egin zen eta Imanol Aragon argazkilariak egun horretako irudia ekarri du gurera. Udaberriko Klasika da, eta hasierako unea hartu du irudian, 19/20 urteko txirrindulari gazteak denak prest.

Bukatzeko, biharko ekitaldi baterako gonbitea luzatu nahi du dugu, larunbat honetan antzerkira joateko aukera baitago, ‘Erraildotxo’ antzezlana eskainiko da eta bertara joateko sarrerak erosi nahi badituzu, hemen duzu aukera.

Honenbestez, hemen utziko dugu aste honetako errepasoa, eta jakin ezazu, Amorebieta-Etxanoko horman bertan edota gure herriko blogean topatuko garela.

Share on Facebook

Euskadiko lehena izan da Amorebieta, errefuxiatuen kontzentrazio esparruak ireki ditu eta ikusteko moduan daude.

Bestelako gaiak jaso ditugu aste honetan Amorebieta-Etxanoko orrialdean baina nagusia, aipaturikoa izan da. Errefuxiatuen kontzentrazio esparruak erakusten Euskadiko lehena izan baita gure herria. Sergi Cámara argazkilaria Ruandan izan zenean, hango esparruei ateratako argazkiak dira, eta ‘Refugiados. Vidas en tránsito’ izenarekin bataiatu du aipaturiko erakusketa, Zelaietan bertan daukazue ikusgai. Hemen uzten dizuegu albistearen esteka.

Orain, Zelaieta zentrotik atera eta kalera aterako gara eguzki izpietaz gozatzera…Aste honetako emarien artean Ane Goikoetxearen hau dugu: ‘eguraldi onarekin mendi osteratxoak egiten badituzu…hemen duzu eskaintza zabala…Gorbeialdea benetan ederra da… ‘ Ez da txantxa inolaz ere, gainera sasoi honetan asko gozatzen da aire garbia dagoen txokoak bisitatzen. Plana egiten joateko hemen duzu lotura.

Gaurko plana ere badugu, gure orrialdean bertan jasotakoa jakina, Joseba Uriartek horrela idatzi du: ‘ostiralean (gaur, hilak 1), antzerkia joateko prest? ‘Ecografías’ gaueko 21:00etan.’ Egunez, kalean eta iluntzerako antzerkia, inolaz ere ez da batere plan txarra. Bertan duzue esteka.

Akaso, asteburu honetan taldean egiten duzun tertulia horietako batean Joseba Uriartek gurean aipatutakoa jorratuko duzu: ‘zure apellidua abizendu gura dozu? Ametxek kanpaina du martxan orain… ‘ Seguru zure inguruan inkesta eginez gero, sorpresa bat baino gehiago hartuko duzula, frogatu eta ia zer topatzen duzun bidean…jakina, gero gurekin partitu ezazu arren….hemen eskaera egiteko gomendatzen duten lotura.

Bukatzeko Imanol Aragonek iragan asteburuan Udaberriko Klasikari egindako argazkia gorde dugu, kadeteak izan ziren lehian.

Amorebieta. Udaberriko klasika. Argazkia: Imanol Aragon

Gogoan izan, oraindik ez dugula Amorebieta-Etxanoko blogerako irudi berririk aukeratu, beraz, zure herriari ateratako argazkia gurean jarri eta ‘me gusta’ boto gehien lortzen dituena izango da aukeratua. Asteburu ona igaro eta eguraldi ona aprobetxatu.

Share on Facebook

Labeldun sagardoa bertako sagarrekin egindakoa, gure herriko futbol taldea eta igandean egingo den Klasika Udaberri dira Amorebietako kontu nagusiak.

Aste honetako laburpenari ekiteko, edalontzi zabala erabiliko dugu eta kupel batera inguratuko gara, hori bai, maila altukoa, gurea, hemengo sagarrekin egindako sagardora gerturatuko gara. Beñat Mendietak honako emaria utzi digu : ‘Bizkaian ere badugu labeldun sagardotegiak! Txotx!!! ‘ Hori bai albiste ona! Hala ere merezitua dute, jakina, hain da zaila bertako sagarrarekin bakarrik egindako sagardoa produzitzea…. Albiste honek ere izan du bere bultzada Eider Garaikoetxearen eskutik: ‘Gora gu ta gutarrak!’

Astero legez, kirol tarteari ere txanda iritsi zaio, eta guk zera esan genuen: ‘gogor egin behar du Amorebietako futbol taldeak aurreneko postua berreskuratu nahi badu. Aupa Zornotza!’ Animuak ahaztu barik jakina, jokatzen jarraitu behar delako eta gainera maila mantentzea ezinbestekoa delako. Hemen duzu gehiago jakiteko esteka.

Orain eguraldi onarekin, edo hobearekin, txirrindola hartzeko gogoak areagotzen dira, Fermin Areitiok honako oharra idatzi du horman: ‘bueno ba heldu da udaberria ta berehala izango dira Zornotzan Klasika Primaverako lasterketak. Lehena igande honetan, 27an, goizeko hamaiketan kadete mailako txirrindulari lasterketa. Zornotzako txirrindulari kadete mailako taldea, UMPRO-SC Amorebieta berton bera izango da lasterketa on bat ahalegintzen. ‘ Asko zarete, barraskiloak bezala eguraldi onarekin batera errepidera ateratzen zaretenok…besarkada zuoi eta egun ona opa dizuegu, izan ere iganderako eguraldi iragarpena ez da oso baikorra. Hemen duzue informazio gehiago.

Amorebieta. Udaberria. Argazkia:Imanol Aragon

‘UDABERRIA ZORNOTZAN’ lerro buruarekin Imanol Aragonek argazki bat oparitu dugu eta guk zuokin hemen partekatu nahi izan dugu, gainera Beñat Mendietak ere bere komentarioa utzi zion argazkiari:’ bitxiloreak hartzen hasi eta, maite nau, ez nau maite…jajajaja, ederra udaberria eta baita argazkia ere jakina. Aupa Imanol!’

Jarraian datorrenari heltzeko, etorkizunera begira jarriko gara, Ane Goikoetxeak albistea utzi digu: ‘2013rako osasun zentro berria izango dugu Zornotzan… ‘ Ez da txantxa, nahiz eta urteak itxaron beharko diren, herritan guztioi eragingo diguna da. Honatx gehiago irakurtzeko esteka.

Amorebieta. Argazkia: Imanol Aragon

‘Astenia Primaveral’ delakoa pairatzen dutenentzat errezeta dakargu orain Imanol Aragonen eskutik: ‘udaberria eguzkiaren izpi bat bezala joaten da eta etortzen da ziztu bizian. Pozez betea dagoen eta begiak irekitzeko urtaroa. Itsasoa urdina, loreak loratzen eta belarra berde-berde aterata. Udaberria urtarorik gogokoena’ Jakina goian dagoen argazkia ere Imanolen oparia da, eta guk zuokin partekatu nahi izan dugu.

Bukatzeko gure taldeak zabaldu berri duen oharra dugu, mesede txiki bat eskatu nahi baitugu, Amorebietako horman, astero uzten dugun laburpenarekin batera ‘automatikoki’ azaltzen den irudia aldatu nahi dugu. Zuen argazkia izatea gustatuko litzaiguke,originala behar du izan zuek aukeratutakoa. Amorebietako orrialdean zuen argazkia uzteko aukera izango duzue eta hurrengo asteartean ‘atsegin dut’ boto gehien dituena izango da aukeratutakoa. Eskerrik asko guztioi eta gora Zornotza!

Zuen argazki, bideo, iritzi edota bestelako kontuen zain geratuko gara eta horiek denak, badakizue, taldeko orrialdean bertan uzteko aukera duzuela, edota, gure herriko blogean bertan. Eskerrik asko zure parte hartzeagatik eta laster arte.

Share on Facebook