Amorebieta-Etxano

2012ko urriaren 12tik 14ra egingo den Mangamore 2012 jaialdiak, Zornotzako manganime eta kultura japoniarrari buruzko jardunaldiek, badute kartela. 26 kartel aurkeztu ziren guztira, eta apirilaren 10ean jakinarazi genizuen zeintzuk ziren kartel finalistak. Zuek izan zarete protagonistak, Mangamore jaialdiaren Facebook orrian, zuen botuen bidez, aukeratu baita irabazlea. Jarraian ikusiko duzuen Marta Salmons-en lan da, 412 botorekin, aurtengo Mangamore Jaialdiaren irudia. ZORIONAK!

Mangamore 2012ko kartel irabazlea. Egilea: Marta Salmons,

Share on Facebook

¿Japoniako kultura atsegin al duzu? Aurten ere Mangamore jaialdia egingo da Zornotzan urriaren 12an hasi eta 14ra bitarte, eta dagoeneko epaimahaiak kartel lehiaketako finalistak argitaratu ditu. Gaur hasi eta apirilaren 10era arte Mangamoreren jarraitzaile eta erabiltzaile guztiek gogoko dituzten kartelak aukera ditzakete Facebookeko orrialdean “atsegin dut” klikatuz. Lagunduko diegu bat aukeratzen? . Hauxek dira Mangamore jaialdirako kartel finalistak!

Mangamore 2012. Kartel lehiaketako finalistak

Mangamore 2012. Kartel lehiaketako finalistak

Mangamore 2012. Kartel lehiaketako finalistak

Mangamore 2012. Kartel lehiaketako finalistak

Mangamore 2012. Kartel lehiaketako finalistak

Share on Facebook

Batzuk hain gutxi eta beste batzuk hainbeste! Gauza jakina da gure herriak hiru izen dituela, hirurak ere zuzen idatzita daudenak baina.. Ba al dakigu euren benetako historia? Zergatik daude desadostadunak? Gaurkoan galdera horiei erantzuna bilatzen saiatuko gara. Ezagutu dezagun Zornotza eta Amorebieta-Etxano izenaren nondik norakoak. Gurekin etorriko al zara?

Urte batzuk atzera egin eta hara zer topatu dugun! Historikoki, gaur egun udaletxea dagoen lekuaren izena Zornotza omen zen. Amorebieta, berriz, ibaiaren beste aldeari deitzen zitzaion, eliza zegoen aldeari, hain justu. Eta Etxano? Ba… mendi tontorrean zegoen herrixka bat zen eta duela gutxira arte, bere udaletxe propioa zuen.

Zornotza. Argazkia: Imanol Aragon

Frankismoak, ordea, gauzak izugarri aldatu zituen. Guztiok dakigu euskarazko izenak desagertu egin zirela, eta horrekin batera, Zornotza eztabaidagai bihurtu zen. 1979ko irailean, bietako bat ofizialtzat hartu behar zen. Herritar batzuk Zornotza proposatu zuten, hori baitzen inguru osoaren izen komuna. Baziren Etxano desagertu egingo zela esan zutenak. Orduan Zornotza-Etxano proposatu zen baina.. Amorebietakoak kontra agertu ziren. Eta zer eta irabazi!!

Udalak Amorebieta hautatu zuen, eta horrela, udalerriaren izen ofiziala Amorebieta-Echano bihurtu zen. Gerora, euskal ortografia errespetatuz, Amorebieta-Etxano bihurtu zen, 1997ko ekainean. Euskaltzaindiak, ordea,  Zornotza hobetsi zuen, euskal izena, alegia.

Gaur egun, oro har, euskaldunek Zornotza erabiltzen dute eta erdaldunek, berriz, Amorebieta. Eta zuk.. Zein izen erabiltzen duzu?

Share on Facebook

Ezagutzen al duzu S.D Amorebietaren historia? Zornotzakoa zara, futbola gustoko duzu eta Urritxera joaten zara baina… Ba al dakizue, esaterako, nor izan zen lehendabiziko presidentea? Gogoratzen al zara garaiko izar nagusiak nortzuk izan ziren? Taldea denboraldi bikaina egiten ari da, eta laugarren postuan dago egun. Hori dela eta, S.D Amorebieta taldearen bitxikeria historikoak eta zenbait pasarte bilduko ditugu omenaldi xume honetan.

Amorebietaren bitxikeria historikoak. Ba al zenekien…..

…. S.D Amorebieta 1923. urtean sortu zela? Hasiera batean, Sociedad Deportiva Beti-Arin izena bazuen ere, bi urteren mugan, 1925. urtean, Sociedad Deportiva Amorebieta izena hartu zuen.

Amorebieta taldearen lehen urteak. Iturria: S.D Amorebieta

…. taldeak lehen hamarkadetan, Bizkaiko txapelketetan baino ez zuela parte hartu? 1944an SD Amorebieta Bizkaiko Afizionatu mailan Txapeldunordea izan zen eta Bizkaiko Kopa irabazi zuen.

… Antonio de Gorostiaga izan zela taldearen lehendabiziko lehendakaria? Hainbat lehendakari izan ditu historia zehar, eta azken 10 urteetan Joseba Barrenetxeak du taldearen agintea.

…. taldearen une gogoangarrienako bat Urritxe futbol-zelai berriaren inaugurazioa izan zela? 2002ko urriaren 12an inauguratu zen, Athletic Cluben eta Racingen arteko lagunartekoarekin. 1915. urtetik lur zelaia izan zen Urritxe futbol zelaia, eta sekulako aldaketa suposatu zuen taldearentzat.

Carmelo Cedrún atezaina. Iturria: S.D Amorebieta

…. Carmelo Cedrún atezaina izan zela Amorebietako izarrik handiena? 1930ean jaio zen Etxanon, eta 1949-50 denboraldian SD Amorebietan hasi zen jokatzen. Bilboko Athletic Club taldearekin fitxatu zuen ondoren eta 15 denboraldi jarraian egon zen bertan. Azpimarragarria da Carmelo 1962ko Munduko Kopan Espainiako selekzioko atezaina izan zela. 1954an Urritxen SD Amorebietak Athleticen kontrako partidua jokatu zuen jokalari ohiari merezitako omenaldia eginez, urdinekin izandako lehen internazionala izan zelako.

….1962an SD Amorebietak, bere historian osoan, lehen aldiz lortu zuela igotzea Maila Nazionalera SD Barreda Balompie talde kantauriarrari eta SD Deusto taldeari irabazi ondoren?

… 1962tik 1968ra Amorebieta Hirugarren mailan egon zela? Berriz ere jaitsi bazen ere, 1981.urtean hasita SDA Hirugarren mailan egon da 2011n Bigarren B mailara igo zen arte.

Bigarren Mailako taldea. Iturria: S.D Amorebieta

…1975. urtean urrezko ezteiak ospatu zituela eta Urritxen Realak eta Athleticek lagunarteko partidua jokatu zutela?

…. 2010eko abenduan Amorebietak denda ofiziala zabaldu zuela? Orduan oraindik hirugarren mailan zegoen eta horrelako saltoki bat zabaltzen lehen euskal taldea izan zen.

… Amorebieta-Etxano Cup-a egiten dela futbolari gaztetxoenekin? Txolonen egiten da nazioarteko torneo hau eta urtero urtero jende ugari biltzen da herrian.

…. Amorebieta sarean ere badagoela? Webgune ofizialaz gain, Facebook eta Twitter kontuak ere baditu.

Ezagutzen al dituzu Amorebietaren bitxikeri historiko gehiago? Animatu eta kontatu blog honetan. Aupa Amore!!

Share on Facebook

Amorebieta-Etxano arrazoi askogatik da ezaguna mundu osoan, baina batez ere, bertan jaio diren pertsona askoren ibilbide nabarmenagatik. Hori dela eta, Zornotzako emakume eta gizon ospetsuen zerrendatxo bat egin dugu, hurrengo artikuluetan pixkanaka osatzen joango garena, nola ez, zuen laguntzarekin! Beraz, badakizue, Zornotzak Facebookean duen orrialdean zuen proposamenak bota. Gaur pertsonaia horietako batzuk errepasatuko digutu, eta laster itzuliko gara, beste askorekin.

Mikel Urdanagarin

Mikel Urdangarin, zornotzar ospetsua. Iturria: eitb.com

Nor da: 1972an Zornotzan jaio zen abeslaria

Zergatik da zornotzar ospetsua: musikaren munduan 16 urtetako ibilbide luzea duelako. Bertsolaritza maite zuen eta hortxe hasi zituen bere aurreneko pausuak, baina laster musikaren bidea hartu zuen, gitarra eta ahotsaz baliatuta, eta harrezkero, hainbat lan kaleratu ditu, guztiak ere oso entzutetsuak. Bere azken lana 2011ko Durangoko Azokarako kaleratu du eta aipatzekoa da, kanta guztiak euskaraz abesten dituela.

Bitxikeriak: Ezaguna da Mikelek Kirmen Uribe idazlearekin duen harremana eta elkarrekin lan ugari egin izan dituzte.

Jon Aurtenetxe

Nor da: 1992. urtean jaio zen Athletickeko jokalari zornotzarra.

Jon Aurtenetxe. Iturria: eitb.com

Zergatik da zornotzar ospetsua: harrobiko mutila izan da eta 17 urterekin estreinatu zen Europako Ligan Werder Bremen aurka oraindik jubenila zela. Urte horretan bertan jubenil mailako Errege Kopa irabazi zuen. 2010/2011ko Athletickekin aurre denboraldia egin eta gero, Caparrosek berarekin kontatzeko apustua egin zuen eta hala, 2010eko abuztuan Hercules aurka egin zuen debuta.

Bitxikeria: honen estreinaldia ez zen espero bezalakoa izan, 2010eko abenduan lesio handi batek eraginda, denboraldiari agur esan behar izan baitzion. 2011ko uztailean berriz ere ekin zion, eta 2011ko abenduan, lehenengo mailarekin bere lehendabiziko gola sartu zuen Racingen aurka.

Eneko Atxa Azurmendia

Nor da: 1977an Zornotzan jaio zen sukaldaria

Eneko Atxa. Iturria: eitb.com

Zergatik da zornotzar ospetsua: Eneko Atxaren errezak mundo osoan egin direlako ezagun. Txikitatik zetorkion Enekori sukaldaritzarako grina. Ondoren, Leioako Ostalaritza eskolan egin zituen ikasketak, eta jatetxe ugaritan gogor egin zuen lan: Baserri Maitean, Zaldua Erretegian, Galdakaoko Andra Marin, Martin Berasategiren jatetxean, Andoni Luis Adurizen Mugariz jatetxean, Axpeko Etxebarrin… pixkanaka pixkanaka handituz joan da, eta egun Larrabetzuko Azurmendi jatetxea aurreratu du.

Bitxikeriak: saldak egiten trebea da.

Gaurkoz amaiera emango diogu gure zerredatxoarekin. Laster itzuliko gara Zornotzako pertsonaia ospetsuekin. Bitartean, pozik bizi!

Share on Facebook

Zornotzako auzobusak 2010. urteaz geroztik zeharkatzen ditu herriko kaleak. Herrigunean bizi ez diren bizilagun asko erabiltzen dute, eta hori dela eta, interesgarria iruditu zaigu Amorebieta-Etxanoko auzobusaren ordutegiak, ibilbideak eta datu guztiak zuekin guztiokin partekatzea.

ORDUTEGIAK: Bi autobus ibili ohi dira aurrera eta atzera. Zerbitzua goizeko 5:20an hasten da, gutxi gora behera, eta amaitu, berriz, gaueko 22:30 aldera. Eubara, Zubieta edo San Antonioko industria guneak dira aurreneko geldialdiak, ondoren Boroako indutriagunea. Larrea, Etxano eta Zubizabala bezalako auzoetatik ere igarotzen da auzobusa, izan ere, lantokiez gainera, auzoetako zornotzarrak ere erdigunera gerturatzen ditu autobusak.

PREZIOAK: Bidai arruntek 0,93 euroko kostua dute baina bidaia Credintrans txartelarekin ordainduz gero, prezioa jaitsi egiten da (0,62 euro) eta Gizatrans txartelarekin, are gehiago, 0,28 eurotara ez baita iristen.

IBILBIDEAK eta ORDUTEGIAK:

Zornotzako auzobusaren ibilbideak

Share on Facebook

Amorebieta-Etxanoko inauteriak 2012 otsailaren 17an hasiko dira Perubele maltzurraren etorrerarekin eta otsailaren 21ean amaituko dira pertsonaia honi su eman ostean. Beste behin, Zornotzako bizilagunak, euren mozorroekin herriko kaleak kolorez beteko dituzte. Inauterietan gure herrian zer dagoen jakin nahi al duzu? Ba zatoz gurekin!

Badatoz inauteriak Zornotzara, eta ostiraletik aurrera musika eta kolorea izango dira nagusi herriko auzo eta kaleetan. Inauteriek irauten duten bitartean, kultura eta gizarte jarduerak ez dira faltako. Umeentzako diskoteka, kalejira, sagardo eta txistorra dastaketa, kontzertuak, mariatciak… Umore eta alaitasuna, beraz ez dira faltako datozen egunotan.

Amorebieta-Etxanoko 2012ko Inauteriek badute egitarau ofiziala. Aurtengo inauterietan ezertxo ere galdu ez dezazuen, hementxe duzue egitarau osoa, baita Amorebieta-Etxanoko inauterien 2012ko kartela ere:

Amorebieta-Etxanoko inauterien 2012ko kartela

Otsailak 17, barikua

17:30: Umeen batzea Zelaieta parkean eta disko festa Mar tin tin Cirkus taldeagaz.

18:30: Inauteri kalejira Udazken taldeko gaiteroakaz, “PERUBELE” gaizkilearen aurkezpena, sagardoa eta txistorra.

21:00: Gauero kontzertuan Zelaietan: CAÑAS BEAT BOX eta REVOLTA PERMANENT.

Otsailak 18, zapatua

18:30: Nafarroa zentroan III. Adinerako Inauteri dantzaldia.

20:00: Gauerodisko eta mozorro lehiaketa (saria: Ipod touch bat)

21:00: Kaleetatik BROKEN BROTHERS

23:00-02:00: Luis Urrengoetxea kaleko tabernetan MOZORRO LEHIAKETA (Saria: Nekazal-turismo baten asteburu bat)

Otsailak 19, domeka

12:00: Udabarri dantza taldeagaz Inauteri dantzak

Otsailak 21, martitzena

17:00: Nafarroa zentroan nagusientzako mozorro lehiaketa eta Humberto Luis mariatxiaren ikuskizuna.

17:30: Umeentzako mozorro lehiaketa (10 urterarte) Zelaieta parkean (izena ematea ludotekan) eta disko festa.

19:00:  Zelaietatik Zubiondo plazara Inauteri kalejira Udazken taldeko gaiteroakaz, “PERUBELE” gaizkilearen agurra eta erretzea eta txokolatada umeentzat.

Share on Facebook

Inoizko laburpenik zorionekoena egingo dugu gaurkoa. Izan ere, badugu zer ospatua, Zornotzak, zehazki gure herriko mutil koadrila batek, “Lokaleroak” saioa irabazi du. Hori izan dugu, nola bestela, mintzagai nagusi…

Gure mutilek lokal honekin irabazi dute ETB3ko ‘Lokaleroak‘ saioaren sari potoloa: Saloura bidaia bat eta, 5.500 lagun pasatxoren babesa, bide batez. Oraindik ikusi ez duzuela? Hemen duzue, oso-osorik Lokaleroak Zornotza:

Zornotzak ederto ospatu du garaipena eta baita zoriondu ere. Orrialdetik egin genuen bezala, zorionak saridunei eta eskerrik asko botoa eman duzuen guztiei!!!!!!! Aupa zuek!

Irribarrea ahoan dugula bukatuko dugu laburpen hau. Laster itzuliko gara herrian gertatzen diren berri gehiagorekin, ordura arte, ondo ibili eta…. Gora Amorebieta-Etxano!

Share on Facebook

Amorebieta-Etxanok Markeliñe taldearen ikuskizun berria estreinatuko du bihar Zornotza Aretoan. Gainera, Zornotzako gazteen lokalak protagonista izan ditugu egunotan Facebookeko orrialdean, “Lokaleroak” saioaren finalean baitago gure herriko talde bat. Bultzada txiki bat emango al diegu?

Zornotzako Aretoak aurkeztu du ondorengo hilabetetako programazioa . Bihar, urtarrilak 20 Markeliñe taldearen “Harezko Ipuinak” ikuskizunak alaituko ditu Amorebieta-Etxanoko familiak. Kezkak, bildurrak, barreak, samina….. gustu guztiei zuzenduriko lana da hau, eta ostiralean, urtarrilak 20, gaztelaniaz, eta larunbatean, urtarrilak 21, euskaraz ikusi ahal izango da talde honen azken lana. Baina Zornotzako Aretoaren egitarauaren baitan, azpimarragarriak dira baita ere Jabier Muguruza musikariaren “Bikote bat” bere azken lanaren aurkezpena edo 2010ean Antzerki Sari Nazionala jaso zuen La Zaranda taldeak Nadie lo quiere creer lanaren taularatzea.

Azken hilabeteotan ETB-3ko “Lokaleroak” saioak Euskal Herriko gazteen lokalak erakutsi dizkigu. Hodei Zambranok duela egun gutxi Lokaleroak saioaren laburpen bideoa partekatzen zuen horman, eta eskerrak emateaz gain, hitz hauek uzten zituen: “Zornotzako local bat dekogu finalean!”. Izan ere, azken txanpan sartu da saioa eta oraingoz Bilboko lokala badagoe ere lehen postuan ‘Lokaleroak’ saioko botazioetan, gu haren atzetik bigarren postuan gaude. Ez dago gaizki ezta! Eman botoa Zornotzako Gazteen lokalaren alde. 18-19 urte inguruko gazteak dira lokal honen protagonistak. Begira begira:

Eta irudi bikain hauekin agur esateko ordua heldu da. Jarraitu Facebookeko orrialdean eta blog honetan zuen iritziak, zalantzak… partekatzen. Bitartean izan ongi eta besarkada potolo bat!

Share on Facebook

Zornotzako bizikleta maileguen zerbitzuaren desagerpena izan da azken egunotan zonotzarren ahotan ibili den gai nagusietako bat. Herritarrek zerbitzua aisialdirako soilik erabiltzen dutela eta erabilera jaitsi egin dela argudiatu du Udalak. Zuk zer nolako erabilera ematen diozu bizikletari? Gai hau eta Amorebieta-Etxanoko Facebookeko orrialdean eztabaidatu diren beste batzuk izango ditugu aztergai gaurkoak. Goazen!

Urte berriarekin batera, aldaketak datoz herrian, eta horixe gertatu da Zornotzan ere. Abenduaren 30ean jakinarazi genuen, esteka honekin, Amorebieta-Etxanoko Udalak bizikleta mailegu zerbitzua etetea erabaki duela. Zerbitzua egunerokotasunean zornotzarrek egiten dituzten joan-etorrietan zerbitzu erabilgarria eskaintzeko asmoz sortu zen duela hiru urte eskas. “Ostras… oraintxe enteratu naiz, hau pena!”, zihoen Eider Garaikoetxeak. Badirudi erabilera datuak ez direla espero bezain onak izan, eta urtarrilak 1etik aurrera mailegu zerbitzua bertan behera gelditu da.

Artista zornotzarrak protagonistak

Hodei Zambranok Haizetara 2012 lehiaketan parte hartzea nahi duen oroko dagoeneko izena ematekoaukera duela jakinarazten zigun. Haizetara jaialdia kaleko musika taldeen nazioarteko lehiaketa da, datorren ekainaren 22an, 23an eta 24an egingo dena. Musikaria al zara? Ba… animatu!

Zornotzan beti izan dira artistak, eta oraingoan guztiak bat egin eta Zornotzako Aretoari bultzada emateko helburuarekin, ekimen berri bat jarri dute martxan. Link honetan irakur dezakezuen moduan, zinemari eta arte eszenikoei loturiko 22 zornotzarrek Zornotza Aretoan bazkide berriak topatzeko ekimen berezi bat jarri dute martxan. Zorionekoak gu, horren artista piloarekin! Ia lortzen duten ba!

Eloy Santosek ere gurean parte hartu du laguntza eskez. Zornotzako Atletismo Klubeko norbaitekin harremanetan jarri behar zuela eta, orrialdean ia norbaitek kontakturik ote zuen galtzen zuen. “Es muy urgente localizar”, esaten zigun. Berehala erantzuten zigun, ordea, arazoa konpondu zela esanez.

Urte ongi amaitzeko, La Luchuga antzezlana ikustera joateko zozketan parte hartzeko gonbidapena luzatzen genizuen, izan ere, glu-glu antzerki konpainiak abenduaren 29an eskainiko zen “La Lechuga” lana ikustera debalde joateko beta eskaintzen genizuen. Nola?  Zornotzako blogera harpidetuz. “Joana Gerrika” eta “Ziorom” izan ziren irabazleak, beraz, eurek eraman zituzten sarrera. Ondo pasatu al zenuten?

Patricia Alejandra Martinek, berriz, Amorebieta-Etxanoko komunitatea zoriontzen zuen eta itzultzeko irrikaz zegoela kontatzen zigun hitz hauekin: “Tengo muchas ganas de volver a verlos. Tambien saludos a mi familia !!!”.

Mauro Gallardok anaia topatzeko helburuarekin idazten zuen: “Si alguien por esas casulidades conoce a mi hermano MARIO GALLARDO, UNO PETICITO, ARGENTINO, Mandenlen un saludo…”. Badirudi anaia Galdakaon bizi duela, baina Facebookik ez duela. “Vive en Amorebieta, antes vivía al frente de la alcaldía”, esaten zigun. Ia zortea duen, gure laguna egiten den eta elkarren berri izaten duten.

Eta honekin gaurkoz amaiera emango diogu laburpenari. Hori bai, ezin dugu agur esan URTE BERRI ON esan gabe. Izan zoriontsu eta badakizu zuen iritziak, zalantzak.. nahi ditugula eta horretarako bi bide dituzuela. Bata blog honetan bertan idaztea, eta bestetik, Zornotzak Facebookean duen orrialdean. Pozik bizi!

Share on Facebook