Amorebieta-Etxano

Zornotzako Larrea kiroldegiko igerilekuaren Inaugurazio Txapelketa eta martxoaren 12an Zornotza Aretoan izango den antzerki-lana izan dira orrialdean partekatu diren gaiak. Baina hori ez da dena! Mikel Urdangarinen “Zurekin” abestia ere utzi diguzue Zornotzak Facebooken duen orrialdean.

Zornotzako Larrea kiroldegiko igerilekuaren Inaugurazio Txapelketa ospatu zen igandean. Erabiltzaile batek emaitzak partekatu zituen gurekin egun horretan bertan: gure herriko emakumezkoen taldeak C.N. Cuatro Caminosen kontra irabazi zuen (13-8), eta baita gure kadeteak ere haurren Euskal Selekzioaren kontra.

Kulturarekin jarraituko dugu, zehazki, antzerkiarekin. “Tengamos el Sexo en Paz” antzerki-lana izango dugu martxoaren 12an, Zornotza Aretoan. “Itxura ona dauko, ez?“, galdetu zuen astelehenean Eider Garaikoetxeak. Informazio gehiago nahi baduzu, ikus esteka honetan.

Amaitzeko, abesti erromantiko bat. Itxaso Apraizek Mikel Urdangarinen “Zurekin” abestiaren bideo bat utzi digu. Eskerrik asko!

Honenbestez, amaitutzat emango dugu gaurko laburpena. Eskerrik asko hesian partekatu duzuen informazioarengatik, eta laster egongo gara berriro hemen, zuekin. Agur bero bat!

Share on Facebook

Zornotzako kiroldegiaren inaugurazioa eta gazteei zuzendutako ‘Gran Hermano’ berezia dira Facebookeko hesiko gai nagusiak.

Larrea kiroldegi berria estreinatzeko irrikaz dago herritarra, egun handia iritsi da eta gaur bertan, inauguratuko dute eta bertan, iragan astean aipatu legez, Gemma Mengual bera eta igeriketa sinkronizatuko taldea izango dira. Bizkaian dauden maila altuko kiroldegien artean kokatuko da gure herrikoa. Hori dela eta, asteazkenean, Eider Garaikoetxeak horrela idatzi zuen gurean: ‘El viernes nos abren el poli…. habrá que probarlo!!!!!! ¡ baina gaur bertan, egun handian Beñat Mendietak hau gaineratu du: ‘Ya ha llegado el día! hoy se inaugura y por todo lo alto! Aupa Zornotza!‘. Jarraian uzten dugun albistean esaten den moduan, merezi izan du itxaroten egon izan izana. Hemen duzu esteka.

Larreako kiroldegiaren irekiera ekitaldia Joxe Etxebarriak saskibaloi taldearen ikuspuntutik ere ospatu nahi du. Izan ere, Zornotzak zelai berria estreinatzen duela ere gogoratu digu hesian bertan. Zelai zaharra agurtu eta orain, Espainiar Saskibaloi Federakuntzak EBA mailan jokatzeko eskatzen zuena betetzeko moduan dira. Hemen Zornotza Saskibaloi Taldearen oharra.

Aste honetako laburpena bukatzeko, zapatutan, Amorebieta-Etxanon gazteei zuzendutako ‘Gran hermano’ berezia ekarri nahi izan dugu, gure taldeak ere horrela ekarri baitzuen hesira. Zelaieta zentrora, 10-17 urte bitarteko 200 gazte inguru joaten dira, eta horietatik dozena batek, hiru ordu igarotzen ditu kamara duen gelan, bertan duzu informazio gehiago jasotzeko lotura.

Bada bi gaiokin bukatutzat emango dugu aste honetako Amorebieta-Etxanoko laburpena. Hori bai, gure inguruko edozein kontu (albisteak, argazkiak, bideoak, hitzorduak…) Amorebieta-Etxanoko orrialdean partekatu ahal duzula, gainera, hortik, gure blog honetara ekarriko dugu guztiok informazio aberasgarriagoa izan dezagun.

Share on Facebook

Gemma Mengual bere igeriketa sinkronizatuko taldearekin Zornotzako kiroldegiaren inaugurazioan, hau da,  Facebooken hormako gai nagusia.

Otsailaren 18an izango da egun handia, orduan inauguratuko baita Amorebieta-Etxanoko kiroldegia eta ekitaldi berezia prestatu dute horretarako, Beñat Mendietak gogoratu digu, Gemma Mengual eta igeriketa sinkronizatuko taldea, gurean izango direla. Maila handia, gure herrian, ez dugu gutxiago merezi, estreinaldi mundiala benetan luxuzkoa izango da. Bertan uzten dugu albistearen berri jasotzeko esteka.

Amorebieta SD Futbol taldea

Argazki honekin ia dena esanda dago, baina gure aldetik aste honetan SD Amorebieta futbol taldeko argazkiak ikusi ahal izateko lotura oparitu nahi izan dizuegu hesian bertan eta hemen duzu horiek ikusteko aukera, ondorengo esteka honetan, alegia.

Amorebieta. Santa Ageda. Argazkia: Imanol Aragon

Irudiak ikusten jarraituko dugu eta ondorengoa Imanol Aragonek Zornotzan ospatutako Santa Ageda egunekoa, horman ipini baitu guztion gozamenerako. Eskerrik asko Imanol!, argazkia hemen bertan duzu.

Iraia Martínez Mezok ere argazkia utzi dugu Amorebieta-Etxanoko horman, ikusi nahi izanez gero, lotura uzten dizugu.

Bukatzeko agendan apuntatzeko hitzordu bat dakargu, Ane Goikoetxearen eskutik dator, berak, hesian, otsailaren 18an, MANIÁTIC@S Zornotza Aretoan. Egongo zirela aipatzen baitzigun, baita hau galdetu ere: ‘Zu ere maniatikoa al zara?’ Webgune honetan informazio gehiago jasoko duzu; organik.com.es. edo bestela ondorengo estekan.

Bertan utziko dugu aste honetako laburpena, eta badakizu, hurrengo astekoa iritsi bitartean, hemen gure blogean edota Amorebieta-Etxanoko Facebookeko orrialdean zure emariak utzi ditzakezula.

Ondo izan eta asteburu on!

Share on Facebook

Santa Ageda bezpera, Txotx! eginez sagardotegi sasoia irekita eta, Alos Quartet taldearen kontzertua dira, Amorebieta-Etxanon, aste honetako gai nagusiak.

Egun polita atera da gaur, San Ageda bezpera, egunean zehar santa eskean ateratzeko, baina ez bakarrik goizean, Ana Esther Furundarenak Armendola Kultur Elkartearen ekintza berri eta politaren oharra utzi digu, eta gainera ez dira goizean aterako baizik eta gaur gauean. Eztarriz sano gabiltza eta kantu nahi dugu gogoz dio abestiak eta hori opa dizuegu guztioi.

Amorebieta. Agate Deuna.

Orain, makilak bazterrean utzi, eta txapelarekin edo gabe Maria Abadiñok tragoxka bat hartzera eramango gaitu: ‘Sagardotegi sasoia inauguratuta!! Txotx!!!’ Montorra auzora joan behar da horretarako baina bertan giro ezin hobea topatu daiteke, José Antonio Zamalloa ‘Txanpi’ bera ere bertan izan baitzen beste 100 gonbidaturekin batera. Tartean, horrelako albiste pozgarriak izaten direlako ere, hemen duzu azken honen esteka.

Gaur ostirala oso kontzertu gomendagarria dugula gogoratu digu Olatz Gartziak, izan ere, Alos Quartetekoak egongo dira gaur bertan Zornotza Aretoan. Gehiago jakiteko eta informazioa zabaltzeko….bertan lotura.

Asteko laburpena bukatzeko atzoko egun handia ekarri genuen hesira, izan ere San Blas egunean Abadiñora joateko ohiturari tinko jarraitu diogu, Abadiño San Blasetan, neska zaharrak bentanetan… Jaiaren ingurukoak hemen.

Eskerrik asko beste aste batez Amorebieta-Etxanoko komunitateko kide aktibo izateagatik, horrela denon artean inguruan gertatzen den guztiaren berri emango dugu eta gero gure blog honetan lau haizetara zabalduko dugu.

Share on Facebook